1 Cronica 24:1 - Manobo Western Bukidnon OT

¹ Iyan heini menge grupu te menge kevuwazan ni Aaron: Is menge anak ni Aaron he menge maama, ne iyan si Nadab, Abihu, Eleazar, wey si Itamar.

1 Cronica 24:1 Marejeleo ya Msalaba

Exodus 6:23

Si Aaron, neesawa zin si Elisheba is anak he vahi ni Aminadab wey etevey zaan ni Nashon. Ne in-anak dan si Nadab, si Abihu, si Eleazar, wey si Itamar.

1 Cronica 23:6

Mibahin ni David te tetelu he grupu haazà is menge Levihanen sumalà is menge kepuun te menge anak ni Levi he si Gershon, Kohat, wey si Merari.

Numero 26:60

Ne si Aaron iyan amey eni Nadab, Abihu, Eleazar, wey Itamar.

Numero 3:2

Is menge anak ni Aaron iyan ensi Nadab, Abihu, Eleazar, wey si Itamar. Iyan kakey si Nadab.

1 Cronica 6:3

Is menge anak ni Amram iyan si Aaron, Moises, wey si Miriam. Is menge anak ni Aaron ne iyan si Nadab, Abihu, Eleazar, wey si Itamar.

Exodus 28:1

“Ipeviza nu puun te zuma he menge etew is suled nu he si Aaron wey sikan is menge anak din he ensi Nadab, Abihu, Eleazar, wey Itamar, su edhimuwen ku sikandan he menge memumuhat he ebpenilbi kedì.

1 Cronica 28:13

Mibpenurù ni David daan si Solomon mehitenged te kegrupu te menge memumuhat wey te menge Levihanen wey te langun he menge vuluhaten te kebpenilbi zutun te valey te Nengazen, wey te langun he menge gelemiten te kebpenilbi.

2 Cronica 5:11

Ne kegkepasad dutun, ne migawas kes menge memumuhat dutun te Segradu he Lugar. Is langun he menge memumuhat he zutun ne nenlumpiyu te keugelingen dan, timpu man te kebpenilbi zan etawa kena.

2 Cronica 8:14

Ne sumalà te sulunuzen te amey zin he si David, migrupu zin is menge memumuhat wey menge Levihanen para te menge vuluhaten dan. Is menge Levihanen, ne iyan ebpengegalen te menge etew he edalig te Megbevayà, wey ed-uǥup dan te menge vuluhaten te menge memumuhat dutun te valey te Nengazen kada andew. Migrupu zin daan is menge ebantey te kada gemawan te valey te Nengazen su iyan heini insuǥù ni David he suluǥuen te Megbevayà.

2 Cronica 23:8

Mibeelan te menge Levihanen wey te langun he menge tig-Juda is insuǥù ni Jehoyada he memumuhat. Midtiǥum te menge peremandar is langun he menge sakup dan, is menge ebantey te Andew te Kedhimeley, apil en is kenà ebantey zutun he andew. Wazè pa ipeulì ni Jehoyada is menge Levihanen minsan te nepasad dan en is kandan he vaal.

2 Cronica 31:2

Migrupugrupu ni Hadì Hezekia is menge memumuhat wey menge Levihanen he para ebaal te nengetendek he menge vuluhaten dan. Apil kayi is kebpemuhat te menge pemuhat he edtutungen wey is menge pemuhat he para te meupiya he kedepità, is kebpenilbi ziyà te valey te Nengazen, is kebpeselamat wey is kegkanta te menge kedalig diyà te menge ǥemawan te valey te Nengazen.

Ezra 6:18

Insavuk dan is menge memumuhat wey menge Levihanen diyà te kada ketengdanan dan diyà te valey te Megbevayà diyà te Jerusalem sumalà te ingkesurat diyà te Libru ni Moises.

Numero 3:4

Piru si Nadab wey si Abihu, minatey ziyà te etuvangan te Nengazen hein migamit dan te hapuy he kenà iyan sikan is hapuy he para te kebpemuhata te Nengazen hein diyè dan te sibsivayan he Sinai. Minatey sikandan he wazè dan menge anak, umbe iyan dà si Eleazar wey si Itamar nenilbi pinaaǥi te kegkememumuhat dutun te kaazen pa te amey zan he si Aaron.

1 Cronica 6:34

Si Elkana ne anak ni Jehoram. Si Jehoram ne anak ni Eliel. Si Eliel ne anak ni Toa.