1 Cronica 21:2 - Manobo Western Bukidnon OT

² Ne migkeǥiyan ni David si Joab wey is menge peremandar te menge sundaru te, “Hipanew kew, wey niw vilanga is menge Israilihanen puun te Beersheba taman te Dan. Ne likù kew kayi su wey ku metueni ke pira sikandan langun.”

1 Cronica 21:2 Marejeleo ya Msalaba

Erubasa 29:23

Tenged te kebpelavew te etew, ebminus is pid-etawan din; iyan, tenged te kenè din kebpelavew, edtehuzen wey edeliǥen sikandin.

2 Cronica 30:5

umbe impetuenan dan heini ziyà te tivuuk he Israel, puun te Beersheba taman te Dan, he ibpehendiyà te Jerusalem is menge etew te kedsilibra te Pista te Kedlavey te Belinsuǥuen he paaǥi te kebeǥey te zengeg diyà te Nengazen he Megbevayà te Israel. Te nengehuna he kedsilibraha kayi deisek dà is nemenelavuk, piru sumalà is diyà te kesuǥuan ne kenà heeyan dait.

1 Hadì 4:25

Umbe, zutun te uuyag pa si Solomon, duen kelinew ziyà te Juda wey Israel puun te Dan taman te Beersheba. Is kada etew, edsihung diyà te pinemula zin he paras wey kayu he higus he zuen din kelinew.

2 Samuel 24:15

Umbe, mibpaaǥi is Nengazen te kezeetan diyà te Israel puun dutun he meselem taman te neuma is andew he migkaǥi zin. Ne 70,000 he menge Israilihanen is mibpematey puun te Dan taman te Beersheba.

2 Samuel 17:11

Umbe, edsembaǥan ku sikew he vurvuruna nu is langun he Israilihanen puun te Dan pehendiyà te Beersheba, he iyan egkeiringan niw is pantad diyà te veyvey he utew mezakel. Ne iyan ke en pengulu kandan te kebpekidtebek.

2 Samuel 3:10

Midsaad is Nengazen he kenè din en ibpahadì is minsan hentei he kevuwazan ni Saul, kekenà, si David en is edhimuwen din he hadì te Israel wey Juda, puun te Dan taman te Beersheba.”

1 Samuel 3:20

Umbe, migkilala sikandin te tivuuk he Israel puun te Dan pehendiyà te Beersheba he sevaha sikandin he ebpeneuven te Nengazen.

Zatù 20:1

Is langun he menge Israilihanen puun te Dan pehendiyà te Beersheba, wey puun te Gilead, midtiǥum diyà te Mizpa, diyà te etuvangan te Nengazen.

Genesis 21:14

Meselem pa utew zutun te sunud he andew, migkuwa si Abraham te egkeenen wey lundis he teleǥuey te wahig, ne imbeǥey zin ki Hagar. Ne impevava zin haazà ne impeǥenat din haazà is bahi wey is batà. Ne migenat en dutun si Hagar ne midriǥuriǥu ziyà te sibsivayan te Beersheba.