Marcos 14:58 - Manobo Western Bukidnon

⁵⁸ ke sikandan te, “Nezineg dey heeyan he etew he egkag̵i te, ‘Edrundusen ku heini is simbahan he Valey te Megbevayà he vineelan te etew ne seled te tetelu he andew ebpekevangun ad te veg̵u he kenà bineelan te etew,’ ” ke sikandan.

Marcos 14:58 Marejeleo ya Msalaba

Mateo 26:61

he egkag̵i te, “migkag̵i heini he etew te, ‘Egkerundus ku is dekelà he simbahan te Megbevayà ne seled te tetelu he andew ne igkepehitindeg ku.’ ”

Marcos 14:57

Ne zutun duen menge teruen he etew he mid-etuvang ne migkag̵i zan is sumbung dan mehitenged ki Jesus,

Marcos 14:59

Iyan, haazà is ebpemenumbung, kenà daan egkeuyun haazà is kedsumbunga zan ki Jesus.

Marcos 15:29

Ne is menge etew he sumeseg̵azà dutun, ebpemenangàtangà is ed-engitan dan si Jesus, ke sikandan te, “Na! Kunaan nu ke egkeg̵evè nu sikan is simbahan he Valey te Megbevayà ne egkevangun nu te seled te tetelu he andew!

Juan 2:19

Ne midtavak si Jesus te, “Rundusa niw heini is baley te Megbevayà ne seled te tetelu he andew egkevangun ku en maan!”

Nengeulaula 7:48

Ne ke si Esteban te, “Ne minsan pa zutun, is lavew he Megbevayà, kenà diyè dà ed-ubpà te valey he vineelan te etew su zuen insurat te ebpeneuven he,

2 Kurintu 5:1

Is lawa ta, ne iring te valey he egkeubpaan ta. Ne netuenan ta he ke egkerundus heini is baley, duen baley he egkeubpaan ta ziyà te langit he iyan is beg̵u he lawa he ibeg̵ey te Megbevayà. Kandin he vaal heini ne wazè din pidtemanan.

Hibriyuhanen 9:11

Ne g̵untaan nekeuma en si Kristu, ne nehimu sikandin he lavew he memumuhat mehitenged kayi te veg̵u he paag̵i he meupiya kenà kes daan. Ne midseled sikandin diyà te meupiya pa wey lavew pa he simbahan he wazà beeli te etew zà duen su kenà dini te kelibutan.

Hibriyuhanen 9:24

Dutun te kebpemuhat ni Kristu, wazè sikandin medseled diyà te utew mahal he rug̵u te simbahan he zini te kelibutan su alung dà heini te tutuu he simbahan he ziyà te langit. Iyan midselezan din kes tutuu he simbahan he ziyà te langit ne g̵untaan iyan sikandin datù tew he edtavang kenitew ziyà te etuvangan te Megbevayà.