Marcos 14:38 - Manobo Western Bukidnon

³⁸ Ne migkeg̵iyan sikandan ni Jesus te, “Kenè kew lipezeng, kekenà, ampù kew wey kew mekelikey te menge penggezam keniyu. Edsunud pezem is gehinawa niw, iyan, meluya is lawa niw.”

Marcos 14:38 Marejeleo ya Msalaba

Mateo 24:42

Purungpurung kew su kenè niw egketuenan ke keenu he andew is kedlikù ku te Nengazen niw.

Mateo 25:13

Ne ke si Jesus te, “Iring dutun, kinahanglan he andam kew su wazè niw metueni ke hengkey he andew wey ke hengkey he uras is kedlikù ku.

Mateo 26:41

Kenè kew lipezeng, kekenà, ampù kew wey kew mekelikey te menge penggezam keniyu. Edsunud is gehinawa niw, iyan, is lawa niw ne meluya.”

Mateo 6:13

Ipekeziyù key kenikew te mezesen he penuley ne ilikey key kenikew ki Setanas.’

Marcos 14:34

Ne migkag̵i sikandin diyà te kandan te, “Utew mesakit is gehinawa ku. Henduen be te egkevidtew en. Kayi kew zà ne kenè kew medlipezeng.”

Marcos 14:37

Ne midlikù si Jesus ne neehè din haazà is tetelu he sumusundan din he nemekelipezeng, ne migkeg̵iyan din si Pedro te, “Simon, nekelipezeng ke ve? Wazè nu ve metigker he kenè ka edlipezeng te minsan sengeuras dà?”

Marcos 14:39

Ne zutun midlikù si Jesus ne mid-uman med-ampù te iyan ded gihapun sikan is in-ampù din.

Lucas 21:36

Umba, mebpekevantey kew, ne layun kew ampù, su pinaag̵i zà te ked-ampù ne edlig-enan kew te Megbevayà ne kenè kew egkekeizan kayi te langun he egkengeseg̵azan niw, ne human kenè kew zutun egkeeled ke ebpekeetuvang kew kedì,” ke si Jesus.

Lucas 22:40

Ne hein nekeuma zan dutun ne migkeg̵iyan ni Jesus haazà is menge sumusundan din te, “Ampù kew wey kew kenà mezaag te penuley keniyu.”

Lucas 22:46

Ne zutun migkag̵i si Jesus diyà te kandan te, “Maan is ebpemenlipezeng kew? Enew kew wey med-ampù wey kew kenà mezaag te penuley keniyu.”

1 Kurintu 16:13

Layun kew, menge suled, med-andam; hemeni niw te edtuu si Jesu Kristu; kenè niw ikeeled is kedtuu niw, kekenà, ipeehè niw is kelig-en te kedtuu niw.

Gelasya 5:17

Kenà egkeuyun is mezaat he kebayà te lawa ta wey is egkesuatan te Wag̵as he Mulin-ulin su telekuntada heini is dezuwa, ne tenged dutun kenè ta layun egkeveelan is meupiya he egkesuatan ta.

Pilipus 2:12

Ne umba, menge suled, iring te layun kew ebpememineg te menge sug̵ù ku, ne kenà dutun dà te kebpekiduma ku keniyu, kekenà, minsan te wazà a ziyan te keniyu, ne iring din ded daan guntaan kinahanglan is uman sevaha keniyu, ne himuwa zin is taman te egkehimu zin he edumahan te kegkehandek te Megbevayà su wey mepasad haazà is nepuunan en te Megbevayà te kedlibriya zin keniyu te silut.

1 Pedro 5:8

Med-andam kew, mebantey kew su is kuntada tew he si Setanas, edrig̵urig̵u en he iring te erimaung he edhinig̵er su ebpen-ahà te edewiyen din.

Impezayag 3:10

Ne tenged te metinumanen kew te sug̵ù ku he med-antus kew, ebentayan ku sikiyu wey kew kenè en ebpekesag̵ad te limas he egkeantus te tivuuk he menusiyà he ibpenggezam kandan.