Marcos 14:28 - Manobo Western Bukidnon

²⁸ Iyan,” ke si Jesus, “dutun te kegkevanhew ku, edhuna a keniyu ziyà te prubinsya he Geliliya.”

Marcos 14:28 Marejeleo ya Msalaba

Mateo 16:21

Ne puun dutun impesavut din te menge sumusundan din is imbanglis kandin. Ke sikandin te, “Kinahanglan he edhendiyà a te Hiruselim ne utew merasey is ed-ul-ulahan kedì te menge ebmeg̵urangen te menge Hudiyu, menge punuan he memumuhat wey menge menunudlù te kesug̵uan. Edhimetayan e zan ne seled te tetelu he andew zutun, egkevanhew a.”

Mateo 26:32

Iyan, emun egkevanhew ad, edhuna a keniyu ziyà te prubinsya he Geliliya.”

Mateo 28:10

“Kenè kew egkehandek,” ke si Jesus, “beyai niw is menge suled ku ne keg̵iyi niw he medhendiyè dan te Geliliya ne ziyè e zan egkeuma,” ke sikandin.

Mateo 28:16

Ne haazà is sepulù wey sevaha he menge sumusundan ni Jesus, midhendiyè dan te Geliliya, duen te vuvungan he migkag̵i kandan ni Jesus.

Mateo 28:7

Ne g̵ègaani niw veyai is duma he menge sumusundan din. Ne keg̵iya niw ziyà te kandan he nevanhew en sikandin ne edhuna keniyu ziyà te Geliliya ne ziyè niw sikandin egkeuma. Ne kenè niw lipati heini is migkag̵i ku keniyu,” ke sikandin.

Marcos 14:29

Ne zutun migkag̵i si Pedro ziyà te kandin te, “Minsan ke edluyahan is kedsarig kenikew kayi te langun he menge zuma ku ne kenà mulà edluyahan is kedì, minsan egkemenumenu.”

Marcos 16:7

Ne te kegkeipus te ked-ahaa zan dutun, ke sikandin te, “Hendiyan kew en te menge sumusundan din ne keg̵iyi niw sikandan wey si Pedro he si Jesus, edhuna sikandin diyà te Geliliya ne ziyè niw sikandin egkeahà, sumalà is migkag̵i zin keniyu.”

Juan 21:1

Netapus pa is nepipira he andew zutun, ne mid-uman mebpaahà si Jesus dutun te menge sumusundan din diyà te veyvey te ranew he Tibiryas. Ne iring kayi is hitavù te kebpeehè din kandan.