Hibriyuhanen 8:11 - Manobo Western Bukidnon

¹¹ Ne tenged kayi, dutun he timpu keuzemà kenè en kinahanglan te minsan hentei he ebpepenurù te zuma zin mehitenged kedì, ne kenè en daan kinahanglan dutun he zuen pa maan etew he edseysey ziyà te zuma zin ke hentei a is Megbevayà su zutun egketuenan te minsan hentei, lavew se kenà lavew, ke hentei a.

Hibriyuhanen 8:11 Marejeleo ya Msalaba

Juan 6:45

Duen netagnà he insurat dengan te ebpeneuven te Megbevayà he edhenduen te, ‘Ebpenuruen te Megbevayà is tivuuk he menusiyà.’ Umba,” ke si Jesus, “is langun he ebpemineg te ibpenurù kandin te Amey ku he Megbevayà, edsundan kediey.

Nengeulaula 8:10

Ne mibentayan is menge lalag din te minsan hentei ziyà te Semarya, menge lavew se kenà lavew. Ne ke sikandan te, “Heini is gehem he egemiten din, gehem te Megbevayà he egngezanan te Lavew he Gehem.”

1 Juan 2:27

Iyan, sikiyu, wazà kinahanglan he zuen selakew pa he ebpenurù keniyu su mibpeulinan kew en ni Kristu te Wag̵as he Mulin-ulin. Pinaag̵i zutun egkesavut niw is langun he ibpesavut keniyu ni Kristu. Tutuu mulà ne kenà tarù haazà is ibpesavut din keniyu umba kinahanglan he hemeni niw is kebpekidsevaha niw kandin sumalà is impenurù en keniyu.

1 Juan 5:20

Netuenan tew zaan he midhendini en te kelibutan is Anak te Megbevayà ne imbeg̵ey zin kenitew is kedsavut wey kiw mehimu he menge emig̵u te tutuu he Megbevayà. Nekidsevaha kiw te tutuu he Megbevayà su nekidsevaha kiw te Anak din he si Jesu Kristu. Iyan sikandin tutuu he Megbevayà, iyan sikandin puunà te untung he wazà pidtemanan.