Hibriyuhanen 3:11 - Manobo Western Bukidnon

¹¹ Ne utew a nepauk ne migkag̵i ku he utew tutuu he kenè dan en ebpekeseled dutun te integ̵ana ku he inged wey zan mekehimeley zuma kediey.”

Hibriyuhanen 3:11 Marejeleo ya Msalaba

Hibriyuhanen 4:3

Ne sikitew mulà is nemeketuu, idtug̵ut kenitew is kedseled dutun wey kiw mekehimeley zuma te Megbevayà. Iyan, wazà itug̵ut te kenà edtuu su zuen insurat he Lalag te Megbevayà he edhenduen te, “Ne utew a nepauk ne migkag̵i ku he utew tutuu he kenè dan en ebpekeseled dutun te integ̵ana ku he inged wey zan mekehimeley zuma kediey!” Wazà iyan ikeg̵iya zin kayi is wazè pa meteg̵ana haazà is kedhimeley su zaan en he nepasad din en heini puun pa te kedlimbag̵a zin te minsan hengkey.

Hibriyuhanen 4:5

Ne migkag̵i en maan is Megbevayà mehitenged kayi te kedhimeley te, “Kenè dan en ebpekeseled wey zan mekehimeley zuma kediey.”

Hibriyuhanen 4:9

Ne tenged kayi, sikitew is menge sakup te Megbevayà guntaan, nesavut tew en he egkehimu kiw he ebpekeseled wey kiw mekehimeley zuma te Megbevayà iring te midhimeley is Megbevayà dutun te ikepitu he andew.