Hibriyuhanen 2:7 - Manobo Western Bukidnon

⁷ Midhimu nu he lavew kandin is menge velinsug̵uen nu, iyan, taman te mevavè dà he timpu su migkag̵i nu he zuen timpu keuzemà he kinahanglan he edtulusen wey edtehuzen is menusiyà.

Hibriyuhanen 2:7 Marejeleo ya Msalaba

Ruma 2:10

Iyan, is menge etew he ed-ulaula mulà te meupiya, lavew en is Hudiyu pehendiyà te kenà Hudiyu, edtulusen sikandan keuzemà te Megvevayà, ne ibpetehuzan din sikandan ne ibeg̵ey zin diyà te kandan is melinawen he kebpekesavuk,

Ruma 2:7

Iyan, duen menge etew he edhemenan dan is meupiya he ulaula su iyan ed-isipen dan layun is kedelig̵a wey is kedtulusa kandan keuzemà te Megbevayà wey is kegketehuza zin kandan keuzemà. Ne untung he wazè din pidtemanan is ibeg̵ey zin kandan.

1 Timoteo 1:17

Kes sebsevaha zà he Megbevayà, kenà egkeahà. Iyan sikandin hadì te minsan hengkey ne wazè din kemetayen; berakat he tehuza wey zelig̵a sikandin te wazè din pidtemanan.

Hibriyuhanen 2:9

Ne minsan pa zutun, mibpeetew si Jesus ne pinaag̵i kayi midhimu he lavew kandin is menge velinsug̵uen taman te mevavè dà he timpu su wey tenged te zekelà he g̵ag̵ew te Megbevayà, mebpehimatey sikandin he elili te tivuuk he menusiyà. Ne tenged kayi te kebpehimatey zin, ne nehimu en sikandin guntaan he utew telehuzen wey utew belentug̵en ne imbeg̵ey kandin te Megbevayà is kebayàbayà te minsan hengkey.