Hibriyuhanen 2:3 - Manobo Western Bukidnon

³ Ne iring din ded daan, sikitew is menusiyà, kenè kiw zaan ebpekelikey te silut te Megbevayà emun ebey-anan tew, ne kenè tew edtumanen is impenurù kenitew mehitenged te mekeg̵eg̵ehem he kedlibriya zin kenitew te silut. Is nehuna he nekepenudtul kayi, ne iyan en is Nengazen tew he si Jesus. Ne is menge etew he nemekezineg kandin, edtistig̵usan dan dini te kenitew he tutuu heini.

Hibriyuhanen 2:3 Marejeleo ya Msalaba

Mateo 23:33

Iring kew te menge uled wey menge anak te uled su utew mezaat is ulaula niw. Ebmenmenuwen niw te kedlikey is silut keniyu ziyà te Impirnu?

Mateo 4:17

Ne puun dutun midweliyan ni Jesus is menge etew. Ke sikandin te, “Iniyug̵i niw is memezaat he ulaula niw, su meg̵aan en edhadì keniyu is Megbevayà he ziyà te langit.”

Marcos 1:14

Ne hein impezakep en ni Hadì Hirudis si Juan, midlikù si Jesus diyà te prubinsya he Geliliya ne impesavut din dutun te menge etew is Meupiya he Tudtulanen he ebpuun te Megbevayà.

Lucas 1:2

Insurat dan is neg̵ug̵ud kenami te menge etew he iyan nekeahà kayi te menge vaal wey iyan midsangyew te Lalag te Megbevayà.

Lucas 1:69

Edsug̵uen din dini te kenitew is Menluluwas he kevuwazan duen te sulug̵uen te Nengazen dengan he si Hadì David.

Lucas 24:19

Ne mid-uman med-insà si Jesus kandan te, “Maan? Hengkey is nehitavù?” Ne midtavak dan te, “Iyan is nehitavù ki Jesus he tigNeserit. Ebpeneuven sikandin te Megbevayà ne midtuuwan sikandin te langun he menge etew. Dekelà is gehem din te ebpenurù ne mekeg̵eg̵ehem daan sikandin he ebaal te menge egkengein-inuwan.

Juan 15:27

Ne ebpekepesavut kew zaan kayi su puun pa te aney ku en kebpenurù, duma ku en sikiyu.”

Nengeulaula 2:22

Ne mid-uman megkag̵i si Pedro te, “Sikiyu is menge zuma ku he kevuwazan ni Israyil, pemineg̵a niw is egkeg̵iyen ku. Si Jesus, kes tigNeserit, sug̵ù sikandin te Megbevayà. Impesavut kenitew te Megbevayà he sug̵ù din si Jesus pinaag̵i te g̵ehem din wey menge egkein-inuwan wey menge singyal he mibpeveelan kandin te Megbevayà. Netuenan niw en heini is egkeg̵iyen ku su neulaula heini is langun dini te inged niw.

Nengeulaula 4:12

Iyan dà si Jesus ebpekelibri te silut kenitew,” ke si Pedro, “su zini te tivuuk he kelibutan wazè en duma pa he ngazan he etew he ebpemeleveg he imbeg̵ey te Megbevayà.”

Ruma 11:14

su egkesuatan ku he meima is menge zuma ku he Hudiyu pinaag̵i te kedtevangi ku keniyu. Su kela ke pinaag̵i zutun duen duma kandan he edtuu ne egkelibri te idsilut te Megbevayà.

Ruma 2:3

Ne emun edsilutan te Megbevayà is ed-ulaula te mezaat, sikew is ed-ulaula zaan te mezaat, ne edsudì ka te menge zuma nu, iyan ke pe be kenà siluti zin daan.

1 Kurintu 1:21

Utew metau is Megbevayà; midhimu zin he kenà egketuenan te menge etew ke hentei sikandin pinaag̵i te kandan dà he ketau su midhimu zin he egkelibri sikandan pinaag̵i zà te kedtuu zan te Meupiya he Tudtulanen he ibpenurù ta he kunaan dan ke tarù he wazè din pulus.

1 Tiselunika 5:3

Ne egkehitavù te timpu he kunaan te menge etew ke melinew is langun wey nelig-enan sikandan. Ne segugunà dutun egkeg̵erà sikandan. Utew meg̵aan; iring te kedlepew te velilit diyà te ed-anak. Ne wazà edresik dutun he minsan sevaha.

1 Timoteo 1:15

Duen erubasa he utew tutuu ne kinahanglan he tuuwi te minsan hentei; ne iyan is: “Midhendini si Jesu Kristu te kelibutan wey zin libriya te silut is menge mekesesalà.” Ne siak, iyan a tuwas he lalung te langun kandan.

Tito 2:11

Impeg̵awag̵awa en guntaan is gag̵ew te Megbevayà su wey mehimu he melibri te silut is tivuuk he menusiyà.

Hibriyuhanen 1:1

Dengan duen impesavut te Megbevayà diyà te menge g̵in-epuan tew pinaag̵i te menge etew he ebpeneuven din. Mezakel is menge paag̵i te kebpeneuva kandan ne mezakel zaan is impesavut din pinaag̵i kandan.

Hibriyuhanen 1:14

Iyan, is menge velinsug̵uen te Megbevayà, menge sulug̵uen dà sikandan te Megbevayà. Kenè tew egkeahà, iyan, edsug̵uen din sikandan wey kiw zan metevangi is menge etew he edtulusen keuzemà.

Hibriyuhanen 1:2

Iyan, guntaan, duen impesavut te Megbevayà kenitew pinaag̵i te Anak din. Ne heini is Anak din, pinaag̵i kandin ne nelimbag te Megbevayà is minsan hengkey; ne midhimu sikandin te Megbevayà he Nengazen te minsan hengkey.

Hibriyuhanen 12:25

Umba, purung kew pemineg te Lalag te Megbevayà ne kenè kew sukul. Su is menge etew zengan he wazè dan pemineg̵a is Lalag te Megbevayà he insug̵ù kandan ni Moises dini te kelibutan, emun wazà sikandan mekelikey te silut te Megbevayà, iyan kew pe be mekelikey te silut emun kenè niw ebpemineg̵en is egkeg̵iyen din te ebpuun te langit.

Hibriyuhanen 4:1

Ne minsan pa zutun, wazà iawà te Megbevayà is daan he penaad din he zuen menge etew he ebpekeseled dutun te inged din wey zan mekehimeley zuma kandin. Ne tenged kayi kinahanglan he ebpekeandam kiw su wey wazà minsan sevaha kenitew he kenà edtug̵utan te Megbevayà he mekeseled dutun.

Hibriyuhanen 4:11

Umba, sikitew zaan, ebeelan tew is taman te egkehimu tew wey kiw zaan mekeseled dutun te edhimelayan he midteg̵ana te Megbevayà. Kenè tew ed-iringan haazà is menge etew zengan he wazà mebpemineg te Lalag te Megbevayà su wey wazà minsan sevaha kenitew he kenà ebmehimuwen he mekeseled dutun te edhimelayan.

Hibriyuhanen 5:9

Ne hein nepasad din en is langun he impetuman kandin te Megbevayà, nehimu sikandin he Menluluwas te langun he ebpemineg kandin su wey meveg̵ayi sikandan te untung he wazè din pidtemanan.

Hibriyuhanen 9:28

Ne si Kristu zaan, kesevaha zà is kebpehimatey zin he iyan kebpemuhata zin te lawa zin wey zin maawà is menge salà te utew mezakel he menge etew. Ne ed-uman pa ebulus si Jesus dini te kelibutan, kenà te ked-ewaa zin te menge salè tew, kekenà, edhimesazen din is kedlibriya zin te langun he utew zekelà is perateng dan kandin.

1 Juan 1:1

Ebpesuratan ku sikiyu mehitenged ki Kristu. Migeraran sikandin te Lalag he ebpekeveg̵ey te wazà pidtemanan he untung. Daan en sikandin te wazè pa tukuza is kelibutan. Ne minsan pa zutun neehè dey sikandin ne nekepemineg key te migkag̵i zin. Neehè dey ne neg̵ewezan dey sikandin.

Hudas 1:17

Tentenuzi niw, menge suled, is netagnà dengan te menge epustul he midsug̵ù te Nengazen tew he si Jesu Kristu.

Impezayag 7:10

Mibpekezag̵ing dan is egkag̵i te, “Delig̵a is Megbevayè tew he mibpinuu ziyà te pinuuwè din te kedhadì wey zelig̵a zaan is nati he kerehidu su nelibri kiw zan te silut!”