Hibriyuhanen 13:6 - Manobo Western Bukidnon

⁶ Umba, menge suled, dekelà is kedsarig ta te Megbevayà ne ebpekekag̵i ki te, “Iyan edtavang kedì is Megbevayà, umba kenà a egkehandek te minsan hengkey he ed-ul-ulahan te etew zà duen dini te kediey.”

Hibriyuhanen 13:6 Marejeleo ya Msalaba

Mateo 10:28

Kenè kew mahandek te menge etew zà duen su iyan dà egkepatey zan is lawa niw; ne kenè dan egkepatey is gimukud niw. Iyan ikehandek niw is Megbevayà su egkepatey zin is lawa wey minsan is gimukud niw pinaag̵i te Impirnu.

Ruma 8:31

Ne emun ed-isipen ta is langun kayi, egketuenan ta he tutuu iyan he iyan duma ta is Megbevayà ne wazà minsan hentei he ebpekekaid kenita.

Ipisu 3:12

Ne g̵untaan tenged te kebpekidsevaha tew ki Jesus wey pinaag̵i te kedsarig tew kandin, egkehimu en he ebpekeetuvang kiw te Megbevayà pinaag̵i te ked-ampù ne wazè en igkeeled tew kandin.

Hibriyuhanen 10:19

Ne, menge suled, tenged te mibpehimatey si Jesus ne impetig̵is is lengesa zin, wazè en kegkelenew ta te kedseled pinaag̵i te ked-ampù dutun te utew mahal he rug̵u he seled te kurtina.

Hibriyuhanen 4:16

Ne tenged kandin, wazà igkelenew te isip tew te ked-uvey zutun te etuvangan te mekeg̵eg̵ehem he Megbevayà pinaag̵i te ked-ampù su utew velig̵eg̵awen is Megbevayà. Ingkehizu kiw zin ne edtevangan kiw zin dutun te timpu te menge kemereg̵enan.