Hibriyuhanen 13:16 - Manobo Western Bukidnon

¹⁶ Kenè niw lipati is kebpurung niw te minsan hentei he zuma niw, ne mebpetebtevangè kew su is ulaula he iring kayi, ne iring te pemuhat he egkesuatan te Megbevayà.

Hibriyuhanen 13:16 Marejeleo ya Msalaba

Lucas 18:22

Ne hein nezineg ni Jesus haazà, migkeg̵iyan din te, “Duen nu pa kurang; iyan is: ulì ka ne ivelegyè nu is langun he azen nu, ne is halin, ipemeg̵ey nu ziyà te egkengeayuayu ne edsepian ka ziyà te langit. Ne ke egkeipus nu heeyan, likù ka zini wey ka mekesundan kediey.”

Nengeulaula 10:38

Si Jesus he tigNeserit, mibpeulinan sikandin te Megbevayà te Wag̵as he Mulin-ulin ne mibeg̵ayan sikandin te zekelà he g̵ehem. Ne mid-eneb din is menge inged ne meupiya is baal zin diyà te menge etew ne nengeulian din is langun he edlelungen ni Setanas. Neveelan din heini su kenà edsuwey kandin is Megbevayà.

Nengeulaula 9:36

Ne ziyà te inged he Hupi, duen sumusundan he vahi he egngezanan ki Tebita, ne emun kineg̵iyan he Gerisyahanen, iyan ngazan din si Durkas, he ke và dà egkeg̵iya, Kuleping. Ne heini is bahi, mezakel is menge meupiya he vaal zin; layun edtavang te egkengeayuayu.

Ruma 12:13

Ebeg̵ayan tew te tavang is menge suled tew he egkengeayuayu. Ne ibpepemenahik ta ziyà te valey ta is etew he humuhulevungà.

Gelasya 6:10

Ebpurungan ta layun is minsan hentei he etew, lavew en is menge zuma ta he tumutuu ki Kristu.

Gelasya 6:6

Ne sikan is etew he ebpepenurù te Lalag te Megbevayà, kinahanglan he veg̵ayi zin is ebpenurù kandin te menge meupiya he nezawat din.

Ipisu 4:28

Is tekawen, engkezi zin is kebpenakew ne medterebahu su wey hustu he paag̵i is kegkuwaa zin te igkeuyag din ne wey metevangi zin is egkengeayuayu.

Pilipus 4:14

Ne minsan pa te iyan heini, utew kew metulanged su midtevangan a keniyu kayi te menge seeng ku he mezakel.

Pilipus 4:18

Nezawat ku en is impeuwit niw ne utew subra is imbeg̵ey niw. Ne kenà ad egkealang-alang su inhated en ni Ipepruditu zini is idtavang niw kedì. Iring heini te pemuhat he utew mehemut, he ke và dà egkeg̵iya, utew igkesuat te Megbevayà.

1 Tiselunika 5:15

Kenè niw itug̵ut he zuen minsan hentei keniyu he ebales te mezaat, kekenà, mebpepurpurungè kew layun. Purungi niw zaan is minsan hentei he etew.

2 Tiselunika 3:13

Ne sikiyu zaan, menge suled, kenè kew meevek te ked-ulaula te meupiya.

1 Timoteo 6:18

Keg̵iyi nu is menge sepian he tumutuu he hemeni zan ul-ulaha is meupiya su iyan heini hustu he ketig̵eyunan. Mebmetulanged dan wey mebmetinevangen.

Pilimun 1:6

Ne id-ampù ku zaan he pinaag̵i te kebpekid-upakat nu kenami tenged te kedtuu tew, med-iseg is kedsavut tew te langun he meupiya he intuvad kenitew te Megbevayà tenged te nekidsevaha kiw ki Kristu.

Hibriyuhanen 6:10

Su kenà egkehimu he kenà metazeng is kedsusiya keniyu te Megbevayà; su kenà egkehimu he egkelipatan din is langun he meupiya he mid-ulaula niw tenged te mahal sikandin diyà te g̵ehinawa niw su midtevangan niw is menge zuma tew he tumutuu ne minsan guntaan wazè niw engkezi is kedtevangi niw kandan.

3 Juan 1:11

Minahal ku he suled, kenè ta iyan ed-iringan is mezaat he ulaula he iring dutun, kekenà, iyan ta ed-iringan is meupiya he ulaula. Is minsan hentei he meupiya is menge ulaula zin, neg̵aked sikandin te Megbevayà. Is minsan hentei mulà he mezaat is ulaula zin, wazà diyà te g̵ehinawa zin is Megbevayà.