Hibriyuhanen 13:10 - Manobo Western Bukidnon

¹⁰ Sikitew is menge tumutuu ki Kristu, duen tew en ingkepemuhat, iyan, haazà is menge memumuhat he Hudiyu he ziyà ebpemuhat te simbahan he ziyà te Hiruselim, wazè dan ketenged te kegkaan kayi.

Hibriyuhanen 13:10 Marejeleo ya Msalaba

1 Kurintu 10:20

Ne minsan pa zutun kenà iyan dà ed-ezapen dan dutun is ledawan, kekenà, elin is menge mezaat he mulin-ulin, kenà iyan is tutuu he Megbevayà. Ne kenè ku egkesuatan he mekelapik kew te ed-azap te menge mezaat he mulin-ulin.

1 Kurintu 9:13

Siguradu netuenan niw he haazà is menge etew he ebaal ziyà te simbahan he Valey te Megbevayà, ne zutun dan egkuwaa is egkeenen dan. Ne is menge memumuhat daan he ebpemuhat dutun, ne egkezawat dan daan is bahin dan dutun te impemuhat.

Hibriyuhanen 8:5

Alung dà is kandan he vaal su ed-iringan dan dà haazà is tutuu he ebpeiringan kandan he ziyà te langit. Netuenan ta heini su zutun te kebeeli ni Moises te simbahan he terapal he iyan dengan baley te Megbevayà dini te kelibutan, migkeg̵iyan sikandin te Megbevayà te, “Purungi nu te ed-iring is simbahan diyà te langit he impeehè ku kenikew ziyà te vuntud.