Hibriyuhanen 11:11 - Manobo Western Bukidnon

¹¹ Ne si Sara zaan is esawa ni Abraham, duen kandin he kedtuu su minsan te wazà sikandin mekeanak wey utew en sikandin meg̵urang, mibmeg̵ingey g̵ihapun tenged te kedtuu zin te Megbevayà. Umba mibmeg̵ingey sikandin su midtuuwan din is penaad kandin te Megbevayà he egkeuma is timpu he ed-anak sikandin.

Hibriyuhanen 11:11 Marejeleo ya Msalaba

Lucas 1:36

Ne kenà iyan dà heini tudtul ku kenikew su is ayè nu he si Elisabet, minsan te utew en sikandin meg̵urang ne mibmeg̵ingey en sikandin. Menge heenem en he vulan guntaan is keg̵ingayan din he zengan, iyan isip te menge etew he kenà sikandin ed-anak.

Ruma 9:8

Ne ibpesavut kenita kayi he iring te in-anak si Isaak tenged te kedtuu ni Abraham te penaad te Megbevayà, ne egkehimu ki he tutuu he anak te Megbevayà, kenà pinaag̵i te kegkevuwad ni Abraham, kekenà, pinaag̵i te kedsarig ta te penaad te Megbevayà. Emun edsarig ki te penaad te Megbevayà egkehimu ki he tutuu he kevuwazan ni Abraham.

Gelasya 4:23

Is ked-enaka te anak te vahi he uripen, ne iring ded te ked-enaka te minsan hengkey he vatà, iyan, kes ked-enaka zutun te sevaha he in-anak te vahi he kenà uripen, ne kenà egkehimu emun wazà ipenaad te Megbevayà diyà te ki Abraham.

Hibriyuhanen 10:23

Edhemenan tew is meheg̵et he kebperateng te kedtulusa kenitew keuzemà te wazà duwazuwa su netuenan tew he metinumanen is Megbevayà ne edhimuwen din is impenaad din kenitew.