Hibriyuhanen 1:5 - Manobo Western Bukidnon

⁵ Su zuen insurat he Lalag te Megbevayà diyà te Anak din he edhenduen te, “Iyan ka Anak ku ne egkeg̵iyen ku kenikew he g̵untaan ibpeehè ku he Amey a kenikew.” Iyan, wazà belinsug̵uen din he migkeg̵iyan din te iring dutun te minsan keenu he timpu. Ne zuen pa insurat he Lalag te Megbevayà he edhenduen te, “Egkehimu he iyan a Amey zin ne iyan sikandin Anak ku.” Ne kenà iyan is belinsug̵uen egkeg̵iyen din dutun.

Hibriyuhanen 1:5 Marejeleo ya Msalaba

Nengeulaula 13:33

Ne sikitew is menge kevuwazan dan, midhimu zin dini te kenitew is impenaad din kandan ne mibanhew zin si Jesus. Su zuen migkag̵i te Megbevayà dutun te libru te menge Salmo he insurat dengan dutun te ikezuwa he Salmo he edhenduen te, ‘Iyan ka Anak ku ne g̵untaan ibpeehè ku he Amey a kenikew.’

Hibriyuhanen 5:5

Ne iring din ded daan wazà iyan si Kristu mebpilì te keugelingen din wey mehimu sikandin he mekeg̵eg̵ehem he lavew he memumuhat tew, kekenà, iyan is Megbevayà su migkag̵i kandin is Megbevayà te, “Iyan ka Anak ku. Ne egkeg̵iyen ku he g̵untaan ibpeehè ku he Amey a kenikew.”