2 Timoteo 4:20 - Manobo Western Bukidnon

²⁰ Mibpetag̵ak si Irastu ziyà te Kurintu ne intag̵ak ku si Trupimu ziyà te Militu su nezeruwan.

2 Timoteo 4:20 Marejeleo ya Msalaba

Nengeulaula 18:1

Wazà meug̵et ne mid-awà si Pablo zutun te Etinas ne midlaus diyà te Kurintu.

Nengeulaula 18:8

Ne si Crispo, is egalen dutun te simbahan, neketuu te Nengazen ne neketuu zaan is pemilya zin. Ne zutun mezakel is menge tigKurintu, hein nezineg dan is Lalag te Megbevayà, neketuu zan ne mibpemebewtismu sikandan.

Nengeulaula 19:22

Ne zutun, impehuna zin diyà te Mesidunya is dezuwa he timbang din te ebaal te ebpeveelan te Megbevayà he si Timoteo wey si Irastu. Asal mibpetag̵ak dè pa sikandin diyà te prubinsya he Asya.

Nengeulaula 20:15

Ne neisip ni Pablo is edlevayan dey is inged he Ipisu su wey key kenà meug̵et diyà te prubinsya he Asya. Egkezeg̵usu si Pablo su egkesuatan din he mekeuma sikandin diyà te inged he Hiruselim te kenà pa andew he Pintikusti. Ne mid-awè key zutun te Mitilini ne sengekezukileman pa zutun midseg̵azan dey is inged he Kiyu, ne sengekezukileman pa zutun midseg̵azan dey is inged he Samu. Ne sengekezukileman pa ne neketuluy key ziyà te inged he Militu.

Nengeulaula 20:17

Ne mibpesuratan ni Pablo is menge ebmeg̵urangen te menge tumutuu ziyà te inged he Ipisu, ne migkag̵i zin he ebpetelavuk sikandin diyà te Militu.

Nengeulaula 20:4

Ne zuen tigBiriya, si Supatir he anak ni Piru he nekezuma kandin. Elin daan miduma si Eristarku wey si Sigundu he menge tigTiselunika, si Gayu he tigDirbi, wey si Timoteo, si Tikiku wey si Trupimu he menge tig-Asya.

Nengeulaula 21:29

(Umba migkag̵i zan heini su neehè dan si Trupimu he zuma ni Pablo zutun te inged. Ne si Trupimu, tig-Ipisu he kenà Hudiyu, ne kunaan dan ke miduma ni Pablo he impeseled dutun te simbahan.)

Ruma 16:23

Ebpengemusta zaan keniyu si Gayu. Siak si Pablo, kayi a ed-ubpà te valey zin ne zini edsimba is menge tumutuu kayi te inged. Is Trisuriru kayi te inged he si Irastu wey is suled tew te kedtuu he si Kuwartu, ebpengemusta zan keniyu.