1 Timoteo 5:24 - Manobo Western Bukidnon

²⁴ Duen menge etew he kenè en ebpekeeles is menge mezaat he vaal zan ne netuenan te langun te wazè pa sikandan imbistigaha. Ne zuen daan menge etew he nekeeles is menge mezaat he vaal zan ne wey zà heini egketueni ke ed-imbistigahan.

1 Timoteo 5:24 Marejeleo ya Msalaba

Nengeulaula 8:18

Ne zutun naahà ni Simon he ed-ulinan is menge etew te Wag̵as he Mulin-ulin emun egkezepenetan te zezuwa he epustul. Ne ebeg̵eyan din pezem sikandan te selapì,

Ruma 3:7

Ne zuen daan menge pilusupu he etew he egkag̵i te, “Deyzey ke egkag̵i ki te tarù su emun egketuenan te menge etew he teruen ki, egkeisip dan he kenà mulà teruen is Megbevayà ne edelig̵en dan sikandin ne utew meupiya haazà. Ne emun pinaag̵i te menge tarù ta ebpekelepew he tutuu mulà is menge Lalag te Megbevayà, maan is edsilutan ki pa tenged te menge tarù ta?”

2 Timoteo 4:10

su mid-ewaan a ni Dimas tenged te iyan egkenug̵unan din is untung din dini te kelibutan. Midhendiyà sikandin te Tiselunika. Ne si Krisinti, midhendiyà te Gelasya, ne si Tito zaan, midhendiyà te Delmasya.

Impezayag 14:13

Ne zutun nezineg ku is egkag̵i ziyà te langit te, “Isurat nu heini: Utew mulà meupiya is egkengeulaula te menge etew he ebpatey ke menge tumutuu sikandan te Nengazen.” “Benar iyan,” egkag̵i is Wag̵as he Mulin-ulin. “Utew zan en egkengelipey su wazè en igkehag̵ù dan ne ebpekehimeley sikandan. Ne zutun edsuhulan sikandan tenged te menge meupiya he menge vaal zan.”