ลืลาว 103:2 - ้พระคัมภีร์ละว้า

² โอ รพาวม รโม่ยฮ อาึ, ลืลาว พะจาว เยอ. ปุ เบีย ติ เจือ เนอึม กุนมุ่น ยุฮ พะจาว เซ.

ลืลาว 103:2 Marejeleo ya Msalaba

อิซยา 63:7

อาึ ซ อู ไลลวง รพาวม ฮรัก ตอน ฮมัน ยุฮ พะจาว, อาึ ลืลาว พะจาว เบือ กัน ไมจ ป ยุฮ อื ละ เอะ เซ โครยญ เจือ. เอีจ เกือฮ ป ไมจ ป ญุ่ก ยุฮ แตะ ละ โม อิซราเอน. มัฮ เบือ เลียก พาวม อื นึง อื, ไม่ เปลีฮ อื รพาวม ฮรัก ตอน ฮมัน กุมปอ ยุฮ แตะ ละ.

ลืลาว 116:12

เญือม เกือฮ พะจาว ป ไมจ เนิ ตอก เซ, มัฮ เมอ ป ปุน ทไว อาึ ละ อื รโตง อื?

ลืลาว 105:5

โม เปะ ป มัฮ จัตเจือ อิซราเอน ป มัฮ กวนไจ ยุฮ พะจาว, โม เปะ ป มัฮ จัตเจือ ยาโคป ป มัฮ ปุย เอีจ เลือก พะจาว อาึง เซ, ไมจ เปอะ ไตม กัน ซัมคัน ยุฮ พะจาว โครยญ เจือ. ไมจ โรฮ เปอะ ไตม ตอก รเตีฮ รตุม อื โอเอีฮ ละ ปุย โรฮ.

5 โมเซ 6:12

ไมจ เปอะ แฮน เนอึม เดอึม เปอะ โอ ซ เบีย พะจาว ป นัม โม เปะ โอก ฮา เมือง อียิป ก อาวต โม เปะ ไม่ แปน เปอะ ครา เซีญ ปุย โฆะ โฮ.

4 กซัต 32:25

เฮเซคียา เซ ปังเมอ โอ เปลีฮ รพาวม ญันดี่ แตะ นึง พะจาว เบือ ไฮ โซะ แตะ เซ. เกียฮ ฮุน. เญือม เซ พะจาว เปลีฮ รพาวม ฮาวก แตะ ละ อื, เตือง โม ยูด่า, ไม่ ปุย เวียง เยรูซาเลม โรฮ.

5 โมเซ 32:18

โม เซ เครอึง โตว นึง พะจาว ป ซัง แตะ เกิต เซ. เอีจ มัฮ พะจาว เซ ป มัฮ ตอก ซโมะ เปิง รอัง เดีย อื. โม เซ เอีจ เบีย เนอึม พะจาว ป เกือฮ แตะ เกิต ไก เซ.

5 โมเซ 32:6

เออ, โม ป ลโมวะ ป งาว ป ไงญ, อัม คาว ละ ลเตือฮ เปอะ ยุฮ กัน ฆอก ละ พะจาว ตอก เซ? พะจาว มัฮ เปือะ เปอะ ป ซัง เปอะ เกิต, โม่ มัฮ อื? มัฮ ป แลน แก โซะโกะ ฮรักซา นึง เปอะ.

ลืลาว 106:21

เอีจ มัฮ เบีย อื พะจาว ป เรอึม แตะ เกือฮ โปน ฮา แปน แตะ ครา นึง เมือง อียิป เบือ อัมนัต ระ ยุฮ อื โฮ.

ลืลาว 106:7

โม จัตเจือ ไพรม เอะ เอ, เญือม อาวต ลั่ง อื นึง เมือง อียิป โฮ, เมีญ โตว กัน ซัมคัน ป ยุฮ พะจาว เซ แปน ป ระ ไล ละ แตะ. เอีจ เบีย โรฮ รพาวม ฮรัก ตอน ฮมัน ป เอีจ เปลีฮ ลอป อื ละ แตะ. ปุย โม เซ เอีจ เลฮ เตียง พะจาว ป ตึก นึง ระ นัน นึง ฮลาวง แตะ นึง ปลัฮ รอาวม ซครัก เซ.

อิซยา 63:1

“มัฮ ปุย แล ป ฮอยจ เน่อึม นึง เวียง โบ่ซรา ป ไก นึง เมือง เอโด่ม เซ? มัฮ ปุย ตอก เมอ แล ป จาวป ปุ ฮอยจ เครอึง ซครัก คึนัก ลัมเลือ เซ, ไม่ ฮอยจ อื ไม่ ระ เรียง ระ แด่น แตะ ตอก ฮอยจ ตฮัน โฮ?” อาึ อัฮ เซ ละ. พะจาว อัฮ เฮี, “เอีจ มัฮ อาึ ป มัฮ พะจาว ป ปุน อัฮ ป เนอึม ไตม ป ซื เยอ, ไม่ รโฮงะ โอะ มัฮ แตะ ปุย เอีจ เป,” อัฮ เซ พะจาว.

ปรเตีฮรตุม 5:2

ไมจ ปุย ลืลาว เนอึม พะจาว, โม ป ระ เรียง นึง เมือง อิซราเอน เอีจ ตอซู เนอึม ตอซู แนม. โม ลัปซด่อน เตม รพาวม, เอีจ ซาวม เฆรอึม เนอึม ละ ตอซู แตะ.

ปรเตีฮรตุม 5:9

โตะ รพาวม อาึ อื เอีจ มวน นึง ชวน จาวเมือง ยุฮ อิซราเอน. เอีจ มัฮ โม ป ซมัก ไอฮ โฮว. ไมจ เนอึม ลืลาว พะจาว ฆาื.