3 โมเซ 14:12 - ้พระคัมภีร์ละว้า

¹² “เกือฮ โรฮ ตุย โรวก กวน แกะ โปก เซ ติ ตัว, ละ ซ ทไว อื เกือฮ แปน ควน ยวก มั่ป กัฮ ตุต. ไมจ แม โรฮ อื ตุย ไม่ ลออยฮ บลัฮ ลิต เซ, กอยฮ โรฮ ทไว อื ละ พะจาว โรฮ.

3 โมเซ 14:12 Marejeleo ya Msalaba

2 โมเซ 29:24

อาึง โอเอีฮ โม เซ นึง เตะ อาโรน, ไม่ นึง เตะ กวน อื. เกือฮ ซนาว อื ซองนา พะจาว. แปน ป กอยฮ อื ทไว ละ พะจาว.

อิซยา 53:10

ปัง มัฮ ตอก เซ เอีจ มัฮ รพาวม พะจาว ป เกือฮ อื อาวม ป โซะ ตอก เซ, ไม่ ไก รพาวม ตุก เกอ. เญือม เกือฮ อื ติ แตะ แปน ควน ยวก มั่ป ยุฮ ปุย, ซ โฮลฮ ยุ จัตเจือ แตะ เบือ อื. ซ โฮลฮ จีวิต ลั่ง เลี่ญ แตะ. เมาะ ป คิต พะจาว อาึง ซ จเลิน ปุ ปุ เบือ ปุย เซ.

2 โมเซ 29:22

“ไมจ เปอะ ตุย ลออยฮ แกะ โปก เซ, ตอก ลออยฮ นึง ซตะ อื, ลออยฮ ป ติต นึง เครอึง กไน อื, ลออยฮ ป ติต นึง โตม อื, เปละ อื เตือง ลอา อื ไม่ ลออยฮ ป ติต นึง อื เซ, ไม่ เนะ รเวือง ลวง ดอม อื นึง มัฮ อื แกะ โกว ปุย ละ ดุฮ แตะ ปุย เกือฮ แปน ซตุ.

2 โมเซ 29:26

“แกะ โปก ป โกว เปอะ ละ ดุฮ แตะ อาโรน แปน ซตุ เซ, ไมจ เปอะ ตุย เนะ รน่าวก อื. ฟวยจ เซ กอยฮ ทไว ละ พะจาว. เอีจ มัฮ เซ ป ลัง ละ ปะ นึง อื.

3 โมเซ 14:10

“ซเงะ ซเตะ นึง อื, ไมจ แม ปุย เซ โรวก กวน แกะ โปก ลอา ตัว ป โอ อื ไก ตอก โละพริ เญี่ยะ เนอึม. ไมจ แม อื โรวก ไม่ กวน แกะ รโปวน ป ไก อาญุ อื ติ เนอึม ป โอ โรฮ อื โละพริ. ไมจ โรฮ อื โรวก ไม่ ญอต แปง ป เอีจ ซเบื่อก ไม่ ลออยฮ แลฮ ลิต, ไม่ ลออยฮ เมาะ บลัฮ ลิต ละ ซ ทไว แตะ ละ พะจาว.

3 โมเซ 14:11

เกือฮ ซตุ เซ ตุย โรวก ปุย เซ ไม่ โรวก อื ป ทไว อื เซ ฮอยจ ซองนา พะจาว นึง โตะ รเวือะ พากัง ระ เซ.

3 โมเซ 14:19

“ฟวยจ เซ ซตุ เซ ซ ทไว แม คอง ทไว ควน โตฮ ปุย เซ ติ แตะ ฮา มั่ป ละ ซ เกือฮ แตะ ปุย เซ แปน ปุย ซง่ะ ไล ฆาื อื. ฟวยจ เซ ซ มอก แม ซัตซิง ละ ซ ตอง แตะ ทไว เตือง ตัว อื เซ.

3 โมเซ 5:15

“ดัฮ ไก ป โคะ ยุฮ ป พิต นึง โอ แตะ เกือฮ เนอึม ป ลัง ทไว แตะ ละ พะจาว เยอ, ไมจ ปุย เซ โรวก แกะ ไฮมญ ติ ตัว ละ ซ ทไว แตะ ละ พะจาว, ละ ซ เกือฮ อื แปน ควน ยวก มั่ป กัฮ ตุต ยุฮ อื. แกะ เซ ไมจ อื มัฮ แกะ ไมจ ไม่ โอ อื ไก ตอก โละพริ เญี่ยะ เนอึม. ไมจ โรฮ ปุย ตี งวยฮ แกะ เซ ตัม งวยฮ มาื เชเคน ตี ปุย นึง พากัง ระ เซ.