โยชูวา 16:5 - ้พระคัมภีร์ละว้า

⁵ ม่าื เตะ ยุฮ โม เอฟราอิม ตัม มู ตัม ซฆลาวม อื มัฮ ตอก เฮี, ลวง ลั่ก โอก ซเงะ มัฮ เน่อึม นึง ย่วง อาทาโรต-อัตด่า, ฮาวก ฮอยจ นึง เบ่ตโฮโรน ก ล่าวง.

โยชูวา 16:5 Marejeleo ya Msalaba

โยชูวา 18:13

โอก เน่อึม นา เซ ม่าื เตะ เซ โฮว รบ่อก แม เลีฮ ลวง ลั่กเซฮ ฮอยจ นึง บลาวง โม ย่วง ลุต, (ป อัฮ ปุย ย่วง เบ่ตเอน ไม่ เซ.) ฟวยจ เซ ม่าื เตะ เซ เลีฮ แม ฮอยจ นึง ย่วง อาทาโรต อัตด่า นึง บลาวง ป ไก ลั่กเซฮ ย่วง เบ่ตโฮโรน ก เซฮ.

โยชูวา 16:2

โอก เน่อึม ย่วง เบ่ตเอน เซ โฮว แม ฮอยจ นึง ย่วง ลุต, โฮว แม ฮอยจ นึง ย่วง อาทาโรต. เลียก นึง นาตี โม อารคี.

โยชูวา 10:10

พะจาว เกือฮ โม อาโมไร เซ ฮลัต เตีจ นึง โม อิซราเอน ปอ เอิน โอ อื เญือะ ยุง คิง คา แตะ. ตอ เฮีย ไฮ ฆาื อื. โม อิซราเอน ยุฮ ยุม ไม่ โม เซ นึง เมือง กิเบ่โอน โฮวน ปุย. อาื แม ยุฮ ไม่ อื นึง คระ ง่อน. โม เซ ตอ ฮอยจ คระ ฮาวก ปุย ย่วง เบ่ตโฮโรน. โม อิซราเอน อาื แนฮ ยุฮ ยุม ไม่ อื ฮอยจ นึง ย่วง อาเซคา ไม่ ย่วง มักเคด่า.

3 กซัต 7:24

เอฟราอิม ไก โรฮ กวน รโปวน ติ. มอยฮ อื มัฮ เชเอรา. ปุย เซ ตัง ย่วง เบ่ตโฮโรน เตือง ย่วง ก ล่าวง ไม่ ก เซฮ นึง อื, ไม่ ย่วง อุตเซนเชเอรา.

เอเซเคียน 48:5

ป ติต ไม่ นาตี อาวต โม มะนาเซ, เน่อึม นึง ลวง ลั่ก โอก ซเงะ ฮอยจ ละ ลวง ลั่ก เลียก ซเงะ เอ, มัฮ แม นาตี ลัง อาวต เจอ เอฟราอิม.

2 ซามูเอน 2:9

เญือม เอีจ ฮอยจ อื นา เซ ดุฮ อิตโบ่เชต เซ เกือฮ แปน กซัต ละ ปุย นึง นาตี กิเลอัต เซ, ไม่ ละ โม อาเชอ, ไม่ ปุย ย่วง ยิซเรเอน, โม เอฟราอิม ไม่ โม เบ่นยามิน, ไม่ โม อิซราเอน ไฮญ เตือง โอยจ อื.

3 กซัต 7:28

นาตี อาวต โม เซ ปุก นาตี เมือง เบ่ตเอน ไม่ ย่วง แตวะๆ รวิต รเวียง อื, ฮอยจ ละ ย่วง นาอารัน ลวง ลั่ก โอก ซเงะ, ฮอยจ โรฮ ละ เมือง เกเซอ ไม่ ย่วง แตวะๆ รวิต รเวียง อื ลวง ลั่ก เลียก ซเงะ. มัฮ โรฮ นาตี เมือง เชเคม ไม่ เมือง ไอยา ไม่ ย่วง แตวะๆ รวิต รเวียง อื.