1 โมเซ 41:7 - ้พระคัมภีร์ละว้า

⁷ เฮงาะ แลป เซ โซม เฮงาะ ไมจ เซ, โอยจ เอิน ยุฮ อื. เญือม โปวะ อื กซัต เซ ยุง มัฮ อื รโมะ แตะ.

1 โมเซ 41:7 Marejeleo ya Msalaba

1 โมเซ 37:5

ติ ซาวม อื โยเซป รโมะ. ฟวยจ เซ รไปฮ รโมะ แตะ เซ ละ โม เอียกปุ แตะ ตอก เฮี, “ง่อต แลน ป รโมะ อาึ ยุ เฮี เมอะ. อาึ รโมะ ยุ มัก แตะ เฮงาะ ไม่ โม เปะ. โรม แปน โรม แปน โรม แตะ. เฮงาะ โรม อาึ นึง อื, รโมะ ยุ ชุง พราวป อื. เฮงาะ โรม โม เปะ เอ ฮอยจ รโจะ ไอฮ ติ แตะ นา เซ, นุ่ม ไว เฮงาะ โรม อาึ ติ โรม เซ เตือง โอยจ อื,” อัฮ เซ ละ อื. เญือม รไปฮ โยเซป รโมะ แตะ ละ อื ตอก เซ, โม เอียกปุ อื โฮว ละ เกละ แตะ ยุ โยเซป ฆาื อื.

1 โมเซ 20:3

เญือม เอีจ เติง เมือ ก ซาวม อื กซัต เซ รโมะ ยุ ฮอยจ พะจาว เคะ แตะ. อัฮ เฮี ละ อื, “ปะ ซ ยุม เปอะ ฆาื ไอฮ แตะ ปรโปวน เซ นึง เอีจ ไก ปุย เญือะ อื,” อัฮ เซ ละ อื พะจาว.

1 โมเซ 41:6

ฟวยจ เซ ไก แม เฮงาะ แลป นึง อาแลฮ ซเนียง, ตอก เฮงาะ ไลจ นึง ปุฮ กาื เน่อึม ลั่ก ลาึน ซออฮ แตะ โฮ.

1 โมเซ 41:8

ปวยฮ พริ เซ ตุก รพาวม ฆาื อื. กอก โม ป เกียฮ ซโปก ซักซี ไม่ โม ป ฮลาวง ป ยุง เมือง อียิป เตือง โอยจ อื. รไปฮ รโมะ แตะ เซ ละ อื แปน ไล แตะ, ปังเมอ โอ ไก ป เกียฮ รนึก ละ อื ติ ปุย เนอึม.

1 กซัต 3:15

เญือม เซ ซาโลมอน โปวะ เน่อึม ไอจ แตะ. ยุง มัฮ อื อู พะจาว ไม่ แตะ นึง รโมะ แตะ. เอีญ แม ฮอยจ นึง เวียง เยรูซาเลม. ชุง ลั่กกา ฮิต ลปุง ซันญา ยุฮ พะจาว ฆาื อื. มอก ตอง ทไว โอเอีฮ ละ พะจาว. ทไว โรฮ โอเอีฮ ละ อื ละ ซ รโจะ ดิ อื รพาวม แตะ ไม่ พะจาว. ฟวยจ เซ เลียง โม คารัตชกัน ยุฮ แตะ เซ เตือง โอยจ อื.