5 โมเซ 1:44 - ้พระคัมภีร์ละว้า

⁴⁴ เญือม เซ โม อาโมไร ป อาวต นึง บลาวง เซ โอก รุป ไม่ เปอะ. โครฮ เนอึม โม เปะ ตอ, ตอก เอิน ตอ ปุย เญือม อาื แฮ อื โฮ. เญือม อาวต เปอะ นึง เมือง เอโด่ม เซ เอีจ โฮลฮ โรฮ อาื ยุฮ ยุม ไม่ เปอะ โฮวน, ฮอยจ ละ ย่วง โฮรมา.

5 โมเซ 1:44 Marejeleo ya Msalaba

ลืลาว 118:12

โม เซ ราวม โรฮ อาึ ตอก แฮ ฆวต ตาวต โฮ. อัมนัต อื ปังเมอ ไกลจ โอยจ ตอก กัต ซออฮ โตก ปุย นึง งอ โฮ. อาึ เอีจ ยุฮ ไลจ ไม่ เบือ อัมนัต ยุฮ พะจาว.

4 โมเซ 14:45

เญือม เซ โม อามาเลก ไม่ โม คะนาอัน ป อาวต นึง บลาวง เซ เลีฮ ตอซู ปุ แตะ ไม่ อื. เป เนอึม อื. อาื อื. โม อิซราเอน โฮลฮ ตอ ฮอยจ ย่วง โฮรมา ฆาื อื.

อิซยา 7:18

เญือม เอีจ เติง เวลา เซ พะจาว ซ ปาึง เตะ แตะ ละ ซ กอก อื โม อียิป เกือฮ โอก เน่อึม นึง โกลงไน ตอก โปว โรป โฮ. โม อัตซีเรีย ซ กอก โรฮ อื ไม่ เกือฮ อื ฮอยจ โฮวน ตอก โปว แฮ โฮ.

4 โมเซ 21:3

พะจาว ง่อต เนอึม ป อัฮ โม อิซราเอน เซ, เรอึม อื เกือฮ อื เป โม คะนาอัน ป อาวต นา เซ. โม อิซราเอน ยุฮ เนอึม ไลจ ไม่ บั่นเมือง ยุฮ อื ไม่ ปุย นึง อื. ฟวยจ เซ ลอต ปุก มอยฮ นา เซ, อัฮ โฮรมา ไม่ อื.

5 โมเซ 32:30

ปุย ติ ปุย ซ ปุน โครฮ ปุย ติ เปือน ปุย ตอก เมอ? ปุย ลอา ปุย อัม ซ ปุน เกือฮ ปุย ติ ฮมาึน ปุย ตอ ฮา แตะ? เกียฮ แปน โตว โนก ฮา ซ โปง พะจาว ป มัฮ ซโมะ เปิง รอัง เดีย อื ละ อื.

5 โมเซ 28:25

พะจาว ซ เกือฮ โม ป รุป ไม่ เปอะ เซ เป โม เปะ. โม เปะ ซ เลียก ตอซู เปอะ ปุย ไฮญ นึง คระ ติ เซน โน่ง, ปังเมอ ซ โฮลฮ เปอะ แตกฟุง เฮียไฮ อาแลฮ เซน คระ เอิน. โม เปะ ซ แปน เปอะ ปุย เกียก ชุ ซออย นะ ละ ปุย โครยญ เมือง.

โยชูวา 7:5

ปุย เมือง ไอ เซ ครัป โม อิซราเอน โอก ฮา ย่วง แตะ. อาื อื ฮอยจ ละ บ่อ ซโมะ. อาื มอก อื ลไล เลีฮ อื ฌื. ยุม ยุฮ อื เมาะ ง่วย โรฮ แลฮ ปุย. โม อิซราเอน ไลจ รพาวม. ชุม ลัมเลือ รพาวม ฆาื อื.