3 กซัต 28:11 - ้พระคัมภีร์ละว้า

¹¹ ฟวยจ เซ กซัต ด่าวิต มอป เนอึม กัน เซ ละ ซาโลมอน, เกือฮ ตัวยั่ง วิฮัน เอีจ แพป แตะ อาึง ละ อื เซ ตอก ตัวยั่ง เญือะ นึง อื. ตัวยั่ง ฮอง คัก ฮลาวง คัก กไน, ฮอยจ ละ ฮอง ตึก นึง ซัมคัน แตะ นา ก ไก ฮิต ซัมคัน ยุฮ พะจาว เซ.

3 กซัต 28:11 Marejeleo ya Msalaba

3 กซัต 28:19

เญือม เซ กซัต ด่าวิต อัฮ เฮี, “เฮี เยอ มัฮ ตัวยั่ง ป เอีจ ไซฮ อาึ อาึง ละ เปอะ โครยญ เจือ. มัฮ ไซฮ เยอะ ตัม ป เอีจ รโฮงะ พะจาว ละ แตะ,” อัฮ เซ ละ อื.

1 กซัต 6:3

ก โปง อื ลั่ง โรฮ ง่า รเนฮ, เมาะ ปุ แตะ ไม่ เมาะ เวือฮ โตะ กไน วิฮัน เซ. ก โปง อื เซ เวือฮ กาว รเนฮ. อาวต ลวง ลั่กกา วิฮัน เซ.

2 โมเซ 25:40

ไมจ เปอะ แฮน เนอึม ตอก ยุฮ แตะ โอเอีฮ โม เซ. ไมจ เปอะ ยุฮ ตัม แบ่ป ป เอีจ รโฮงะ อาึ ละ เปอะ นึง บลาวง เซ.”

ฮีบรู 8:5

กัน รซอฮ โม เซ นึง พากัง เซ, มัฮ ตอก ปุโรม ไม่ ฮุป ฮอย โอเอีฮ ป ไก เนอึม นึง เมือง มะลอง โฮ. เอีจ ตอก โรฮ อัฮ พะจาว อื ละ ไอ โมเซ เญือม ซ กัง อื พากัง ไพรม อื โฮ. อัฮ เฮี ละ อื, “ไมจ เปอะ ยุฮ เกือฮ ตอก ฮุป เปลีฮ อาึ ละ เปอะ นึง บลาวง เซ โครยญ เจือ. ปุ เกือฮ แพก เฟือฮ เอิน,” อัฮ เซ พะจาว.

ลูกา 21:1

พะเยซู เมือต ซาวป แลน โอเอีฮ, ยุ ดุฮ โม ป กอย มาื โตะ ฮิต ทไว ปุย มาื นึง วิฮัน เซ.

เอเซเคียน 40:15

แนต แม ป มัฮ คระ เลียก ปุย เซ เน่อึม นึง ฆรุง ก พริ นึง อื ฮอยจ ละ ลั่ก ก ลอยจ ฮอง ป โพต ละ ควง นึง วิฮัน เซ, ลั่ง รฮอน รเนฮ.

เยเรมี 35:2

“ไมจ เปอะ โฮว เคะ โม ซฆลาวม เรคัป. ไมจ เปอะ บะ ฮาวก นึง ฮอง ติ ฮอง ป ไก นึง ควง วิฮัน ยุฮ พะจาว. ฟวยจ เซ ตุย รอาวม อะงุน ละ, เกือฮ ญุ อื,” อัฮ เซ เนิ.

เนฮะมี 13:5

เอีจ เกือฮ โทบี่อา เซ โกว ฮอง ระ ติ. กา เซ ฮอง เซ มัฮ นา ก แฮรน ปุย อาึง โอเอีฮ ทไว แตะ, ป มัฮ เฮงาะ รโกะ กาว ปุน ทไว ติ ปุน เซ, ไม่ ป ซออย ฮงาื, ไม่ เครอึง โกว ปุย นึง วิฮัน เซ, ไม่ รอาวม อะงุน, ไม่ ลออยฮ กาวก โอเอีฮ เซ มัฮ ตื ป ลัง เกือฮ ปุย ละ โม ซตุ ไม่ โม เลวี, ไม่ โม ป เชีย, ไม่ โม ป มอง ญัม นึง วิฮัน เซ.

4 กซัต 5:7

ฟวยจ เซ โม ซตุ โรวก เนอึม ฮิต ลปุง ซันญา ยุฮ พะจาว เซ, ฮอยจ นึง ก ลัง อาวต อื โตะ กไน ฮอง ตึก นึง ซัมคัน แตะ เซ. อาึง อื นึง ฆรึม โพรยจ ฮุป เตปด่า เซ.

1 กซัต 6:10

ฮอง ก พริ อื ป อาวต เฆียง วิฮัน เซ ฮลาวง พอน รเนฮ โครยญ ฮอง อื. รติต ไม่ วิฮัน ระ เซ ไม่ แปล โคะ โซน ซีด่า.

2 โมเซ 26:30

ไมจ เปอะ ยุฮ พากัง ระ เซ ตัม แบ่ป ป เอีจ รโฮงะ อาึ ละ เปอะ นึง บลาวง โฮ.

3 กซัต 28:12

รโฮงะ แม โรฮ ตอก ฆวต ยุฮ แตะ ควง วิฮัน เซ ไม่ ฮอง นึง เฆียง อื, ฮอยจ ละ ฮอง ก แฮรน ปุย คาวคอง ป อาวต นึง อื ไม่ ฮอง ก แฮรน อื โอเอีฮ ทไว ปุย ละ พะจาว เซ.

2 โมเซ 25:9

ไมจ เปอะ ยุฮ พากัง เฮี ไม่ โอเอีฮ ป ลัง อาวต กไน อื ตัม ปิม ป ซ เปลีฮ อาึ ละ เปอะ. ปุ เกือฮ แพก ติ เจือ เนอึม,” อัฮ เซ พะจาว.