Rom 16:7 - Kewa East: Gotena epe agale

⁷ Go page ni karapo ada-para pirisua rabu naa Juda yago laapo Andronikus-para Junias-para ni raapu pirisima. Gore nipu laapo-para epe-rupa piralepape yapi lo rapaayo. Gote-na aposel kogono alinumi go ali laapona bi waru pagisimi. Gote neme kone abala narulisua rabu nipumi abala kone rulasipi.

Rom 16:7 Marejeleo ya Msalaba

Jon 14:20

Go di raburi nimimi ni Aapa raapu piralipa-daa adalimi. Nimi ni raapu piralimiri ni page nimi raapu piramina.

Jon 15:2

Gore nina kope palaa raayome kili namaitiare Aapame go kope palaa pona lu rubea. Pare medalomame kili adaapu elea-pulu Aapame go palaana rikilinu raayo yadea. Go pumare go palaame epe-rupa aoma kili ora adaapu matia.

Jon 6:56

Enaali raayome nina yogale-para nina yapi laapo nalimiri nimu ni raapu piralimi ni page nimuna lo robaa-para pitua.

Rom 16:10

Gore Apeles page epe-rupa pirape lo laketapape. Nipumi Keriso-na agale waru pagoma nipuna pora ralisa-daa adisima. Go page Aristobulus-na ada-para piri enaalinu epe-rupa piralepape lo laketapape.

Rom 16:11

Go page naa Juda adami ali Herodian-para epe-rupa pirape lo laketapape. Go puma Narsisus-na ada-para piri Keriso-na amenu-para page epe-rupa piralepape lo laketapape.

Rom 16:21

Timoti saare kogono komea puma ameaya pipa-pulu nipumi epe-rupa pirape nimi-para rapaata. Gore yagonuri Lusius-para Jeson-para Sosipater-para nimi epe-rupa piralepape.

Rom 16:3

Gore neme Prisila Akwila repaaya-para epe-rupa piralepa lo agale rapaato. Nipu laapore ni raapu Yesu Keriso-na kogono komea pema.

Rom 16:6

Go ena Maria-re nimi raba mulalo kogono adaalepe epe-rupa pisa-le epe-rupa pirape lo laketapape.

Rom 16:8

Nimimi Ampliatus-para waru pirape lo laketapape. Go aliri saa ora Mudu Ali naa adami ali pirisipa.

Rom 16:9

Go page naa raapu Keriso-na kogono pape ali Eban-para naa epe adami ali Stekis-para epe-rupa piralepape lo laketapape.

Rom 8:1

Go pumare naa Yesu Keriso raapu pima-pulu koe kedaa namealima.

Rom 8:11

Gore Gote-na Holi Spirit-mi Yesu tapa-para marekaasa-pulu nipu nimina lo robaa-para pirina lamina. Go puma Gote-me Keriso marekaasa-pulu nimina komape yogale-para kagaa pirape kone gialia-le Holi Spirit ora ria pia.

Rom 9:3

Gore neme naa ruru raba mulalore Gote-na koe kedaa mada muma Yesu raapu rugula lapa pitua pare mada dia.

1 Korin 1:30

Gote-me abalade nimiri Yesu Keriso raapu mapiraanoloma Keriso-me ora naa kone go aaya. Go puma nipuna le agaana naa redepo le enaalinu mapiraanoloma naa mea kepe rapaoma Gote-na ruru enaali epe-rupa piruaema.

2 Korin 11:23

Gore nimu Keriso-na kogono alinu pimi ya? Abiri neme nana bi minasaalalo makeae le ali leme-rupa lagialo. Go pea pare neme Keriso-na kogono madaare neme nimi re-para abala ririna lagede. Naa kogono kalai puma neme nimu go-rupa ma-werepe aayo: Karapo ada-para rana adaapu mapaitaasimi rabu ali medalomame rana adaapu repena kudu luma yala mapolaasimi. Go madaare rana adaapu ni ora pode komisua.

2 Korin 12:2

Gore neme Gote madaa kone rulae ali meda ade. Nipuna maali 14 palisa pare Gote-me go ali ora so yaa-para wi su-para maa pisa. Gore yogale apalae maa pisa pae wasupame maa pisa pe gore ni maarea. Gote nipuna komea makuaaya.

2 Korin 5:17

Gore ali medame Keriso raapu piruma kagaa kone mealiare nipu ora kagaa ali piralia. Go puma abalana koe kone raayore giyoma kagaa kone mu maapiramina.

2 Korin 5:21

Keriso-me koeyae meda page ora nawisa yapare Gote-me naa Keriso raapu koe-rupa epa pirisima. Go pea-pulu nipuna redepo le kone meamonolo mapiraaya. Go rabu nipu koeyae pi ali-rupa ma-aulaasa. Go puma Keriso-me pisa-airi naa raayo nipu raapu komea-para piruma Gote-na redepo le kone muma epe-rupa piraminalo pisa.

Galesia 1:22

Go pisua pare Judia su robo ru-nane lotu ada-para kiritape Keriso-na enaalinumi naa bi pagisimi pare nana le agaa-para waru na-adisimi.

Galesia 2:2

Gore Gote-me ni agale mea lagisa-pulu ni pagoma pisua. Ni Mudu Ali kama raapu adoba kiritasua-pulu neme ruru rado piri enaalinu-para epe agale mogeasuade remaa lakalisua. Go puma nana abalade pisuade page abi page kogono nama-koeyaalia lo nimu agale lagelisuade.

Galesia 2:6

Go pirisimi pare nimuna Mudu Ali medalomame kagaa agale mana meda nalagisimi. Gore nimuna bi rado radore neme pa yada kone nawi pare Gote-mere ali kalununa bi madaa pedo raana nakomea.

Galesia 5:6

Gore naa Yesu Keriso raapu piruma nipuna agale pagomare go yogale ruguluma nakepeape agalere ora pinawa. Go pea pare naamere pedo puma raaname komape kone salima rabu naana kone rulape kone puri mapalaalia.

Galesia 6:15

Yogale rugulape yapalo nakepeape yapalo gore ora pinawa. Gote-me naare kagaa enaali-rupa mapiraaya-pulu go komea madaa kone rulaoma pedo pamina.

Efesus 2:10

Gote-me naa warisa-pulu Yesu Keriso raapu naa enaali kagaa-rupa mapiraasa. Go puma naame nipuna epe kogono pamina. Abalade Gote-me naa go epe kogono paminalo nipumi go kogono abala yarare paasa.

Kolosi 4:10

Aristarkus-ri karapo ada komea-para paitapa pare go alimiri nimi abi piralepape lo rapaata. Mak nipu Barnabas-na kai go ameayame page abi piralepape lo rapaata. Gore nipu nimi piri-para epalia raburi gore nimimi nipu mealepape. Go madaare abalade neme nimi-para agale mana la malaaluade.

Filemon 1:23

Epafras-re ni raapu Yesu Keriso-na kogono madaa karapo ada-para piruaaepa. Go alimiri ne epe-rupa pirape lo agale lo rapaata.

1 Jon 4:13

Nipumi abalade nipuna Holi Spirit naa gisa. Go pisa-pulu go-rupa makuaaema: Naare nipu raapu komea-para pima. Go puma nipu page naana lo robaa-para pia.

1 Jon 5:20

Gore Gote-na Siri naa kagaa mapiraape kone gula ipisa-daa makuaaema. Go pisa-pulu naame ora Gote komea pia-daa kone waru rulaema. Naare ora Gote komea raapu pima. Go puma nipuna Si Yesu Keriso raapu page piruaema. Gore nipu ora Gote yaa-pulu ade abuna epe-rupa mapiraape konena re piru aaya.

Pagaa 1:9

Ni Jon-re nimina ame ria piru aayo. Ni Yesu raapu piruma nimi raayome kedaa riamina. Go puma naa Gote-na Yapi Di-na piruma naa raayo komea-para puma kedaa epe-rupa ria piramina. Neme abalade Gote-na agale lakeloma neme Yesumi mea waalisade agale lagelisuade.