Rom 16:13 - Kewa East: Gotena epe agale

¹³ Neme Rufus-para page waru pirape yapi lo rapaayo. Nipumi Mudu Ali-na kogono ora waru pea. Go puma nipuna agi page laketapape nana ama-rupa pirina.

Rom 16:13 Marejeleo ya Msalaba

Matyu 20:16

Go rabu Yesumi talo: Go-rupa pea pare werepe epeme enaalinuri nimu abala riri-nane popalimi. Yapare abala ririna epeme enaalinuri wala werepe epalimi.

Mak 15:21

Go-rupa pirisimi raburi pa ali medana biri Saimon nipuna su Sairini giyoma pa ipisa rabu nimumi go ali repena polopea pasaane mariaasimi. Go aliri nipu Aleksanda-para Rufus-para go naaki laapona aaraa nipu Sairini su-para pirisa.

Mak 3:35

Enaali raayome Gote-na kone raitalimi-daare go enaalinu naa ame bali ama aapa pimi lisa.

Jon 15:16

Nimimi ni abalade namapiraasimi pare neme nimi abala nina epe kogono mapaaoma kili adaapu madialiminalo mapiraasuade. Go epe kogonona kilinu ade abuna pa madu aalia. Go pea-le nimimi nina bi madaa beten lemere Aapame go ele gialia.

Jon 19:27

Go lomare Jon-para talo: Go enare nena ama pia. Go lisa-pulu neme nipuna agi nina ada-para lamua puma pisua.

Rom 16:12

Gore ali laapore Trifina-para Trifosa laapo epe-rupa piralepape lo laketapape. Nipu laapome Mudu Ali-na kogono waru pepe. Naa adami Persis-mi Mudu Ali-na kogono waru pisa-le epe-rupa pirape lo laketapape.

Rom 16:14

Go page Asinkritus-para Flegon-para Hermes-para Patrobas-para Hermas-para mo Keriso-na amenu nimu meda-para pimi-le epe-rupa piralepape lo laketapape.

Efesus 1:4

Abalade Gote-me go su yaa laapo abi nawarisa rabu nipumi naa raba mealua lo nipuna nogo naaki Keriso raapu mapiraasa. Go pisare nipuna le agaa madaa naame koeyae nasaapiruma epe enaalinu piraminalo pisa.

2 Tesalonaika 2:13

Pare ame balinu, nimiri Mudu Alimi nimi madaa ranaame komea-pulu ade abuna naame nimi madaa Gote-para ora pili lema. Ora abaladere Gote-me nimi ade abuna kagaa piramala paliminalo mada misa. Go puma nimimi ora agale madaa kone rulasimi-pulu Holi Spirit-na purimi nimiri Gote-na enaali mapiraasa.

1 Timoti 5:2

Go-rupa puma enagaenuri ora nena agi-rupa kone sape. Go-rupa page ena maapuanu page ora nena balinu kone sape. Go-rupa puma enaali raayo madaa epe kone suma pora pamualepape.

2 Jon 1:1

Niri Gote-na ruru enaalinuna ali mudu Jon-me go epe ena-para nena nogo naakinu-para go agale luma rapaato. Gore nimi Esia su robo-para piri enaalinuri neme nimi madaa ranaame waru komalo. Go pea pare neme kama-daa dia. Enaali raayome ora agale pageme rabu go enaalinumi nimi madaa ranaame komalimi.