Luk 19:42 - Kewa East: Gotena epe agale

⁴² Re lisa rabu nipumi talo: Go su-para piri enaalinu-ya, abi go yapi di madaa nimimi epe-rupa pirape kone mada namealimi. Go pea pare nimimi na-ademe.

Luk 19:42 Marejeleo ya Msalaba

Luk 19:41

Yesu nipu Jerusalem su-para re-para pisa rabu nipumi adoma re lisa.

Luk 19:43

Werepe yapi medame lore alinumi ipuma yada pape epa kutapuba piralimi. Go pumare nimi mada napogola palimi.

Luk 19:44

Go rabu nimumi go nimina adare Jerusalem su-para kana pape komea komea lakepe rubalimi. Nimimi raba meape yapi di na-ademe-pulu go pape ru-nane piralimi enaali raayo lu makomalimi lisa.

Aposel 10:36

Abala Gote-me naa Israel su-para piri enaalinu-para Yesumi epe-rupa pirape agale laginalo mea rapasa. Yesuri enaali raayona Mudu Ali pia.

Aposel 13:46

Go pirisimi pare Pol Barnabas nipu laapomere Gote-na agale puri paloma gu-rupa lakalisipi: Saame nimi Gote-na agale abala lagisipade pare giyamede. Go giyamede pare nimimi go agale giyoma naa ade abuna kagaa piramala pope kone mada napalima leme-pulu adalepa. Abi saa ruru rado meda-para palipa.

Hibru 3:13

Go pea pare nimina rikirana piri enaalinumi makiraoma pu robaa-para yola mi kone sulalo palimi-daare ade abuna go ame balinu waru raba mealepape. Go puma Gote-na buk madaa wi agalemere go rabu lea yapi di naame page mada adalima.

Hibru 3:15

Go madaare Gote-na buk madaa wi agaleme go-rupa luma su aaya: Gore abi go rabu nipuna agale pagalimiri gore nimi lo robaa narogaatepape. Abalade nimimi nipuna agale yokoma koe enaali pirisimide-rupa go kone namogealepape lisa.

Hibru 3:7

Go pea-le naame Holi Spirit-na agale pagamina. Gore Gote-na buk madaa wi agaleme go-rupa lea: Abi Holi Spirit-na agale pagalimi-daare Nimina pu robaa-para go agale mealimina lo robaa narogaatepape.