Hibru 5:6 - Kewa East: Gotena epe agale

⁶ Gore Gote-na agale buk-para go-rupa lu wisimi: Nere Gote-na lodo kira-ae kogono ade abuna paina. Go puma ne lodo kira-ae ali Melkisedek-rupa piraina lisa.

Hibru 5:6 Marejeleo ya Msalaba

Hibru 5:10

Go pea-le Gote-me nipu lodo kira-ae ali mudu mapiraasa. Go puma go ali Melkisedek-na rurunu mo lodo kiruma pisimi-rupa mapiraasa.

Hibru 6:20

Go rekena wi lotu ada-rupare Yesumi naa raba mulalo nipu abala puma kodobaoma pirisa. Nipuri Gote-na lodo kira-ae ali mudu Melkisedek-na ruru yaalo pisa.

Hibru 7:11

Abalade Israel su-para piri enaalinumi rekena lorapisimi rabu Livai ruru alinu Gote-na lodo kira-ae kogono kama pisimi. Go puma mo Livai ruru alinumi Gote-na lodo kira-ae kogono ora epe-rupa pirisimi rabu Gote-me lodo kira-ae ali rado meda werepe namapiraala pisa. Yapare Gote-na lodo kira-ae ali rado meda mapiraalalo pisa rabu nipumi Erono-repaa namapiraae Melkisedek-repaa mapiraasa.

Hibru 7:15

Gore Gote-na lodo kira-ae ali rado meda go piare mo Melkisedek pia-pulu lodo kira-ae kagaa agalena re-re waru makuaamina.

Hibru 7:17

Gote-na buk madaa wi agaleme nipu madaa go-rupa lu wisa: Nere nana lodo kira-ae ali ade abuna piraina lo wisa. Melkisedek lodo kirae nona pi-rupa pirali.

Hibru 7:21

Pare Yesu nipu lodo kira-ae ali pirinalo Gote nipuna yaa madaa makuaa lisa. Gore Gote-me nipu go-rupa lakalisa: Nere lodo kira-ae ali ade abuna pirape. Ni Mudu Alimi yaa madaa makuaae agale loma Neme wala kone naperekealua lisa.

Hibru 7:3

Gore Melkisedek-re aaraa aginu page napiri nipuna kasuanu page agimi nipu madi yapi-para nipu komape yapi di page ora nawia. Go puma ade abuna piru aaya pare nipu Gote-na Si ora pia. Nipu Gote-na lodo kira-ae ali ade abuna pa pia.

Hibru 7:8

Gore mo Livai-repaare enaalinumi ele kuni 10-pela rumaainaloma nimu misimi pare nimu page pa komisimi. Go pisa pare Melkisedek nipumiri enaalinuna ele 10-pela rumaae muma pa pirisa. Gore Gote-na agale wi buk madaare nipu abi page pa pia-daa makuaaema.