2 Timoti 4:21 - Kewa East: Gotena epe agale

²¹ Gore upame komoma po rilipu epape yapi dinu epalia-le neme ni piri-para wagepu abi epape. Yubulus-para, Pudens-para, Linus-para, Klodia-para go nena amenu raayo page epe-rupa piralepape agale pu rapaatema.

2 Timoti 4:21 Marejeleo ya Msalaba

Luk 12:58

Ali medame ne kose laaoma adialalo palia-daare nipi pena pora pagina pulaaoma nipina agale ma-redepo yaaoma pulupape. Go napaliri nipumi ne mo kose page ali piri-para maa palia. Gore kose pagape alimiri edali rili alinu mea katea. Go rabu edali rili alinumiri mo karapo ada-para mea mapaitaalimi.

1 Korin 16:20

Gore go-para piri Keriso-na enaalinu raayo-para abi patalepape lo rapaatema. Nimi komea komea lo nimina ame balinu-para ki mealepape.

2 Korin 13:13

Mudu Ali Yesu Keriso-re nipuna epe raba meape kone nimi ginaloma Gote-me nimi pa kamaa ranaame komalia rabu Holi Spirit nimina pu robaa-para rubitabenaloa piralepape. Go yaade. Ni Pol-me lalo.

Filipai 4:22

Go Gote-na ruru piri enaali raayome page nimi-para abi epe-rupa piralepape lo rapaateme. Medaloma Sisar-na ada kogono paeme alinu nimumi puri paloma epe-rupa piralepape lo rapaateme.

2 Timoti 1:4

Wala makuaayo rabu paitape loma nena le-para kilipisade re madaa kone suma ne ora adawe kone wi. Go-rupa paluare neme raaname waru komalua.

2 Timoti 4:13

Gore ne epolalo pali-daare nana saket mo Karpus nipu kalisua-le Troas su-para wia-le neme ora puma mealepape. Go page buk mea epali rabu mo hos yogaleme warili buk-ri neme lisua-le ora maa epape.

2 Timoti 4:9

Gore ni piri-para wagepu epaina kedaa pape.

Taitus 3:12

Gore werepe Artemas-para Tikikus laapo ne piri-para epenatoa-daare ne wagepu go Nikopolis su-para epape. Go su-parare koe upame komape yapi di-na go su-para epalia-le abi epape.

2 Jon 1:13

Gore nena epe baalina nogo naakinumi ne-para epe-rupa pirape lo agale rapaateme.

3 Jon 1:14

Dia yapare ni werepe oge-aisidaa piruma epa adalua kone salo. Go raburi saa pi agale lapana.