Tîtɛ 1:12 - Kɑɑ Fí

¹² KwɑꞋ wɛcɔ́ ŋu-ŋɡɔŋ-Kɛlɛ̂t ẅí ɑ mbɔ̌ pɔ́p ḿbɔ́ pɑ́Ꞌ ŋɡɛ́mndʉ̈ɔ́Ꞌ, ɑ kɑ cú ŋɡɔ: «Pʉɔ-Kɛlɛ̂t pɔ́ pɔ ɡɑŋcɔtnu, ḿbɔ́ pɔ pɛpɑ́lɛ́ mɛnɑɑ, ḿbɔ́ pɔ pɛlɔ́ŋ, yɔ́p nu pɔ́ pɔ yúu mi ɛ́ ɡʉ ŋ́kúu nɛpɛm pɔ́p.»

Tîtɛ 1:12 Marejeleo ya Msalaba

ŊwɑꞋnɛ-Gɑŋntúu Yɛ́su Kɛlístɔ 17:28

Pɛ́ zɛɛ ńcú ŋɡɔ: “Pɛkŋɛ lɔk pɔ wɛ́ lɑ́ ḿbɔ́ ɡú. Jʉ́ ɡɛnɛ pɛkŋɛ ŋɑtnɛ. Jʉ́ ɡɛnɛ pɛkŋɛ pɔ́ ɡú.” Mbɑ pɛcɔ́ pɑsɑknɛkɛt pʉ́ʉ kɑ pɛn ńcú ŋɡɔ: “Pɛkŋɛ zɛɛ ḿbɔ́ pɔ pʉɔ nǔu njẅɛt yɛ́.”

ŊwɑꞋnɛ-Gɑŋntúu Yɛ́su Kɛlístɔ 2:11

Pɔ́p pɑyúdɑ pi pɔ́p lɛ́nɛ nǔu mɛlɛ́Ꞌ mɔnɛ. Pɛcɔ́ pʉɔ tsɛtsɛt pɛkŋɛ pɔ́ pɑyúdɑ píŋɡup, pɛcɔ́ pɔ́ pʉɔ pi pɔ́p kɑ pɛ́mnɛ nu-Sɛ́-pɑyúdɑ. Kɛ́ tʉ́ʉ pɑfú Kɛlɛ̂t pɔ́p Alɑ́bîi. Ɛ́ ɡɛ ŋɡɔ́ku pɛkŋɛ pɛtsʉʉ zúꞋ kwɑꞋ nǔu mɛsẅíŋɛ mɛkŋɛ mi ɛ́ mɛntɛ́ mɛntɛ́, pɑ́Ꞌ pʉɔ pɔnɛ cúnɛ pɑ́Ꞌ mɛfɑꞋ-Sɛ́ ɡúꞋnɛ pɔ́Ꞌɔ?»

ŊwɑꞋnɛ-Gɑŋntúu Yɛ́su Kɛlístɔ 27:12

Ńzɛɛ ŋ́ɡɔ ḿbɔ́, zʉꞋ nɛtʉ́ʉ pɛmɑ́mɑ́ kɑnúꞋ yi ɛ́ zúꞋu pɔɔ lii zʉꞋ yi ɛ́ lɑɑ ḿbɔ́ pʉɔ tswɛ́ zúꞋu nǔu ŋkɑ́-fɛ́m tɛ nu pɔŋ wɔ́p pɔ́. Ɛ́ lɛɛ pɔ́Ꞌɔ, pʉɔ pɛtsʉʉ pi pɔ́p ḿbɔ́nɛ tsɛt mɑ́mɑ́ kɑnúꞋ tsʉ́Ꞌ ńzɑ́p pɔ ŋɡɔ pɛ́ fú zúꞋu ŋ́ɡʉ, ḿbɔ́ ŋ́kwɑŋɛ ŋɡɔ ɛ́ lɑɑ ŋ́ɡɑ́ shʉ́, pɔ́p ɡʉ tɛ ŋ́kúu nǔu zʉꞋ nɛtʉ́ʉ pɛmɑ́mɑ́ kɑnúꞋ yi ɛ́ tsɛt ŋɡɔŋ-Kɛlɛ̂t ɛ̂wɑ́ pɛ́ fúŋ ŋɡɔ Fɛnís. Fɛnís pɔ́ tʉ́sɔŋ ẅí nɛlẅí-tsɛ́tsɑ́Ꞌ kɑ tɔ́ zúꞋu ńcẅɛt, yɛcɔ́ sɑ́k-tʉ́sɔŋ pɔ́ ńdíŋɛ ɡúŋ-Mbɛ́ nɛm yi kɔŋ, yɛcɔ́ líŋɛ ɡúŋ-Mbɛ́ nɛm yi ntsʉ́ʉ. Pɔ́p tsɑ́ɑ pɔ́Ꞌɔ, nɛkúu zúꞋu ńdɑ́Ꞌ ńnɑ́ŋ tɛ ŋkɑ́-fɛ́m lɛɛ.

ŊwɑꞋnɛ-Gɑŋntúu Yɛ́su Kɛlístɔ 27:13

Ŋkwɑŋɛ pɔ́Ꞌɔ, mɔ́ɔ mɔ́ fɛfʉ̈ɔt nɑ́Ꞌ ɛ́fú shʉ́ ntsʉ́ʉ ńzɛ nɛtsʉꞌnɛ, pʉɔ-mɑ́mɑ́ kɑnúꞋ jí yɔ́p pɔ ŋɡɔ nu yi pɔ́p kwɑŋɛ́nɛ ɡʉ ńnɛn, ŋ́ɡɔ́ɔ ńcẅɛɛtɛ mɑ́mɑ́ tʉ́n yi ɛ́ ɡẅɛɛnɛ kɑnúꞋ ŋki, ńtíi mɑ́mɑ́ kɑnúꞋ ńdɔk mbɑ́ŋtɛ pɔ kwɑꞋ mbʉʉ-ŋɡɔŋ-Kɛlɛ̂t.

ŊwɑꞋnɛ-Gɑŋntúu Yɛ́su Kɛlístɔ 27:7

Fɛfʉ̈ɔt ɡɛ pɛk lɔk mɛlɛ́Ꞌlɑ́Ꞌ tɛ ńzɑ́ɑ, ŋ́kɛ́ ńnɛn pɔ ndɑ̌ɑ ndɑɑ. Tɛ ŋ́ɡɔ ńjʉ́ɔ tʉ́sɔŋ-Sníidɛ, mbɔ pɛk jʉ́ɔ ŋɡʉ̈ɔ́Ꞌ tɛꞋ. Fɛ́m tɔꞋ wɛ́k nɛɡʉ ndʉ́ŋndʉŋ tɛ ndɑꞋ. Pɛk tsʉ́Ꞌ ḿbɑŋtɛ ńdɔk pɔ Shʉ́-kɛlɛ̂tɛ ŋ́ɡʉ, ɛ́ pɛn ḿbɔ́ yɛcɔ́ ŋɡɔŋ ẅi ŋki kɑ zɛmɛnɛ ńníꞋ sɔŋ. Pɛk kúu zúꞋu, ńnɑ́Ꞌ ńdʉ̈ɔ́Ꞌ fɛ́m ńdɔk wɛ Sɑlɛmɔnɛ, ŋ́ɡʉ. Ɛ́ pɔ́ zʉꞋ-tsɛ́tsɑ́Ꞌ-Kɛlɛ̂t yi ɛ́ kɑ sẅiklɛnɛ ŋ́kúu ŋki.

Pʉɔ-Lɔ́mɑ 16:18

MbíꞋŋɡɔ yîyɑ́ ntɛ́ pʉɔ kɑ́ pɔ́ ɛ́fɑꞋ fɑꞋ-Tsɑpʉɔ wɛkŋɛ Yɛ́su Kɛlístɔ pɔ́, pɔ́p tsɑ́ɑ pɔ nɛpɛm nɔ́p. Pɔ́p lɔk sẅiŋɛ pɔ́tnɛ́nɛ mbɑ sẅiŋɛ lẅɑklɛ, ɛ́fúklɛ pʉɔ pi jínu yɔ́p túꞌ tuꞋnɛ.

Filipɛ 3:19

Mɔ́p mɛlɛ́Ꞌ ɡʉ ńdɑ́Ꞌ ḿmɛ ndǔmbí, pɔ́p ɡʉ nɛpʉ́-múk, mbíꞋŋɡɔ wɔp sɛ́ pɔ́ pɔ nɛpɛm nɔ́p. Pɔ́p tsɑ́ɑtɛ nǔu yúu mi sʉ́ʉ ɡʉ ŋ́kɔ́ wɔ́p nǔu, yɔ́p kwɑŋɛ pɛn ńtʉ́ʉ pɔ nǔu yúu-ndǔmbí.

1 Timɔtɛ́ɛ 4:2

Ɛ́ lɔk ḿbɔ́ ŋɡɔ mîmɑ́ mɛnu ɡʉ ńdɑ́Ꞌ cẅɛt ntsu-pʉɔ pi pɔ́p cɔtnɛ nu, ḿbɔ́ pɛŋkɔŋmík, mbɔ pɔ́p kɑ sʉk mɔ́ tɛ mbʉʉ yɔp pɔ ńtswɑ́ɑ wɔ́p pɔ́p pɔɔ ŋkii ńzúꞋ pɔ́.

Tîtɛ 1:5

Ŋ kɑ nɑ́ wú ŋɡɔŋ-Kɛlɛ̂t nɛpɔ́ yi ɔ ɡʉ ńtsʉ́Ꞌ mɛkŋɛ ńtɛ́ɛ cúꞋlɛ-pʉɔ Kɛlístɔ, ḿbɛn ńzɑ́p pɑcẅɛ́ɛmbi tsɛt mbɑ wɛ́t tʉ́sɔŋ lɑ́, ńtsʉ́Ꞌ nɛzɑ́p, ńzɑ́p pɔ pɑ́Ꞌ ŋ kɑ cúnɛ mbɔ̌ ɡu.

2 Pyɛ̂ 2:12

Pîpɑ́ pʉɔ pɔ́ pɔ pɑkɛ́jínu pɑ́Ꞌ mɛnɑɑ, mi pɔ́p kɑ fú zúꞋu ḿbɔ́ pɔ yúu mi pɛ́ ɡʉ ńdʉꞋ ɡwɑk ńdɔk ŋ́ɡẅɛɛ ńjẅí. Pɔ́p zɔɔtɛ yúu kɛ́ pɔ́ ńjí pɑ́Ꞌ ɛ́ pɔ́nɛ, pɛ́ ŋ́ɡɛ ńjẅí wɔ́p pɑ́Ꞌ mɛnɑɑ ɛ̂mɑ́.

2 Pyɛ̂ 2:15

Pɔ́p kɑ mɛꞋ mɔ́ sɛ̂ndúŋ ẅi ɛ́ tʉ́ʉnɛ ndʉ́ŋndʉŋ, ḿbɛ́ ńtsʉ́Ꞌ ńnɛn pɔ nǔu wɛ Mbɑlɑm, mɔ́ɔ-Mbɔzɔ̂ɔ. Mbɔ pɛ́ kɑ ɡɑ́ ŋkɑ́p mbɔ̌ wɛ́, ńdɔk ńzúu wɛ́ pɑ́Ꞌ ɑ ɡʉ ŋ́ɡɛ nu kɛpɔŋ. A líŋɛ ŋkɑ́p ɛ́ pɔŋ wɛ́, ɑ pɛ́m.