Pʉɔ-Lɔ́mɑ 9:7 - Kɑɑ Fí

⁷ ḿbɛn ḿbɔ́ mbɔ pɛ́ pɔɔ cú ŋɡɔ pɔ́p njẅɛt-Ábɛlɛhɑ̂m pɛ́Ꞌnɛ ńdɔk ḿbɔ́ kwɑꞋ pʉɔ-Ábɛlɛhɑ̂m pɔ́. MbíꞋŋɡɔ Sɛ́ kɑ cú mbɔ̌ Ábɛlɛhɑ̂m ŋɡɔ: «Pʉɔ pi pɛ́ ɡʉ ńdɑ́Ꞌ ɛ́fúŋ ŋɡɔ njẅɛt yu, pɔ́p pɔ́ pɔ pi pɔ́p ɡʉ ńdɑ́Ꞌ ḿbɔ́ pí-Ɛ́sɑk».

Pʉɔ-Lɔ́mɑ 9:7 Marejeleo ya Msalaba

Mɑtʉ̈ɔ 3:9

Pʉʉ pɑ́ɑ nɛlɔk pɔ ndɑꞋ ntsu wʉ́ʉ ńcú ŋɡɔ: “Pɛk njẅɛt-Ábɛlɛhɑ̂m. Lɑ́ ŋ kɛ́ ɛ́sẅíi wʉ́ʉ, Sɛ́ kuꞋ nɛshɔt mɛŋɡɔꞋ mɔ ńdɔk ŋ́ɡɛ njẅɛt-Ábɛlɛhɑ̂m.”

Lúkɑ́shi 16:30

Ŋɡɑŋkɑ́p cú ŋɡɔ: «Ŋɡɑ́ŋ, mbɑ́ɑ Tɑ̌ɑ mɔ Ábɛlɛhɑ̂m, ɛ́ nu lɑ́, ŋu lɑɑ ɛ́fú lɑ́Ꞌ-pɛpfú ḿbɛn ńtɔ́ ɛ́sẅíi wɔ́p, mbɔ pɔ́p ɡɛ ńzúꞋ, ɛ́ kúpmɛ mɑt wɔp.»

Lúkɑ́shi 3:8

Pʉʉ kúp pɔ mɑt, ŋ́ɡɛ mɛnu sʉ́Ꞌnɛ mi ɛ́ nyɛtnɛ ŋɡɔ pʉʉ kúpmɛ. Pʉʉ pɑ́ɑ nɛlɔk ndɑꞋ ntsu wʉ́ʉ ńcú ŋɡɔ: Pɛk pɔ́ɔ-Ábɛlɛhɑm. Lɑ́ ŋ kɛ́ ɛ́sẅíi wʉ́ʉ: Sɛ́ kuꞋ nɛshɔt mɛŋɡɔꞋ mɔnɛ ńdɔk ŋ́ɡɛ njẅɛt-Ábɛlɛhɑ̂m.

Jɑ̂ŋ 8:33

Pɔ́p pʉ̈ɔt mbɔ̌ wɛ́ ŋɡɔ: «Pɛk pʉɔ nǔu njẅɛt-Ábɛlɛhɑ̂m, pɛk ŋkɑɑ zɛɛ ḿbɔ́ pɛkwɑɑ wɛcɔ́ ŋu pɔ́. Ɔ ɡɛ pɑ́Ꞌɑ ńcú ŋɡɔ nu nɛ́nẅín ɡʉ ńtsúꞋ wɛk?»

Ŋɡɑlɑ̂t 4:23

Mɔ́ɔ-ŋkwɑɑ kɑ pɔ́ ẅí pʉɔmɛsɔŋ kɑ kɔŋ kɔŋnɛ ḿbí wɛ́. Mɔ́ɔ mɑŋɡɛ́ ẅí ɑ kɑ tɑ́tnɛ pɔ́ ẅí pɛ́ kɑ ɡɔ́ mbí wɛ́ ɛ́ pɔ́ pɔ nu yi Sɛ́ kɑ kɑꞋnɛ.

Ŋɡɑlɑ̂t 4:28

Pɔ́ɔpɛ́mɑ́ pɑ́ɑ, ɛ́ ɡʉ nǔu pʉʉ, mbɔ pʉʉ mbɔ́ŋkʉ̈ɔ́ pi pɛ́ kɑ pínɛ wɔ́p nǔu ntɛ́ yi Sɛ́ kɑ kɑꞋnɛ, ndʉ́ŋndʉŋ pɑ́Ꞌ Ɛ́sɑk lɑ́.

Filipɛ 3:3

Pɛkŋɛ pɔ́nɛ pʉɔ pi pɛ́ kɑ tsuŋnɛ ḿbúꞋ wɔ́p. Zẅikŋɛ ɡɛnɛ pɛkŋɛ ɡúꞋlɛ Sɛ́. Pɛkŋɛ lɔk pɔ Yɛ́su Kɛlístɔ ńtsɑ́ɑtɛ, kɔɔ pɛkŋɛ zɑ́p tʉ́m pɔ nǔu yúu mi pɛkŋɛ ɡɛnɛ.

Ɛ́bɛlʉʉ 11:18

Ɛ́ pɔ́ pɑ́Ꞌ Sɛ́ kɑ cúnɛ nu mbɔ̌ Ábɛlɛhɑ̂m ŋɡɔ: «Ɔ ɡʉ ńdɑ́Ꞌ ńdɛɛtɛ pɔ nǔu Ɛ́sɑk lɑ́ ŋ́ɡẅɛɛ njẅɛt yi ŋ kɑ kɑꞋnɛ mbɔ̌ ɡu».