Pʉɔ-Lɔ́mɑ 9:16 - Kɑɑ Fí

¹⁶ Pɛkŋɛ lɔk ńjʉ́ɔ ŋɡɔ Sɛ́ ɡɔ́ ńtsɔ́Ꞌ ŋu mbɔɔ fú pɔ nǔu pɑ́Ꞌ ŋɡɑŋ kɔŋnɛ pɔ́, ŋ́kɛ́ mbɔɔ fú nǔu pɑ́Ꞌ ŋɡɑŋ sɑ́Ꞌnɛ tʉʉ ŋ́ɡɛ yɛcɔ́ yúu pɔ́, ɛ́ fú pɔ nǔu pɑ́Ꞌ jʉ́ Sɛ́ tsɑ́ɑnɛ mɛjʉ́ŋ-ŋɡɑŋ.

Pʉɔ-Lɔ́mɑ 9:16 Marejeleo ya Msalaba

Mɑtʉ̈ɔ 11:27

Yɛ́su pɛn ńcú ŋɡɔ: «Tɑ̌ɑ mɔ kɑ nɑ́ mbɑ kʉ̈ɔ́ lɑ́ nǔu mbɔ́ mɑ́ɑ, mbɔ sɑ̌ɑ ŋu pɔɔ jí mɔ́ɔ pɔ́, ndɑꞋ Tɑ̌ɑ jínɛ wɛ́. Ŋu kɛ́ mbɔɔ jí Tɑ̌ɑ pɔ́, ndɑꞋ mɔ́ɔ nɛ jínɛ wɛ́, ḿbɛn ŋ́ɡɛ ŋu ẅí mɔ́ɔ kɔŋnɛ nɛnyɛt Tɑ́t wɛ mbɔ̌ wɛ́.

Mɑtʉ̈ɔ 4:8

Sɑ́ttɑ pɛn ńdɔk wɛ́ ŋ́ɡʉ, ńtík wɛ́ ndǔ nɛcɔ́ nɛŋkɔ́Ꞌ ni ɛ́ ɡʉ tɛ tʉ́, ńtʉ́ʉ zúꞋu, ńnyɛt wɛ́ nɛ́ ŋɡɔŋ nɛ́ ŋɡɔŋ yi ɛ́ ndǔ mbí mbɑ yúu mi pɔ́p lɔknɛ ŋ́ɡúꞋ,

Lúkɑ́shi 10:21

Yɛ́su ḿbɔ́ ńcú yɔ nu, zẅikŋɛ Lɛ́ɛnɛ́nɛ ɡɛ tʉ́m yɛ́ ńtsɑ́ɑtɛ tɛꞋ, ɑ cú ŋɡɔ: «Tɑ̌ɑ mɔ, Tsɑpʉɔ, ɡu ẅi ɔ sɑ́Ꞌnɛ tʉ́nɛ́pú mbɑ tsɛ́tsɑ́Ꞌ. Ŋ ɡɑ́ pɑ́Ꞌlɑ́ mbɔ̌ ɡu pɑꞋ ɔ nyɛtnɛ mɔ mɛnu mbɔ̌ pɛɡɛɡʉʉ, ńdʉɔ mbɔ̌ ɡɑŋjínu pɔ́p pʉɔ pinɛ pɔ́p kɑ zíꞋnɛ ŋwɑꞋnɛ tɛꞋ lɑ́. Ɔ́ɔŋ mbɑ Tɑ̌ɑ mɔ, ɔ kɑ jʉ́ɔ ŋɡɔ ɔ ɡɛ ŋ́ɡɛ yɔ nu pɔ́ pɔ́Ꞌɔ.»

Jɑ̂ŋ 3:8

Fɛfʉ̈ɔt lɛɛ zʉꞋ yí ɑ kɔŋnɛ, ɔ zúꞋ pɑ́Ꞌ ɑ lɛɛnɛ, lɑ́ ŋ́kɛ́ mbɔɔ jí zʉꞋ yí ɛ́ fúnɛ zúꞋu pɔ́, ŋ́kɛ́ mbɔɔ jí zʉꞋ yí ɛ́ ɡʉnɛ nɛ́ zúꞋu pɔ́. Ɛ́ pɛn ḿbɔ́ pɔ pɔ́Ꞌɔ, nǔu ŋu ẅí Zẅikŋɛ Lɛ́ɛnɛ́nɛ pínɛ wɛ́.

Pʉɔ-Lɔ́mɑ 9:11

Sɛ́ kɑ cú mbɔ̌ Lɛbɛ́kɑ ŋɡɔ, nduŋmbi mɔ́ɔ ɡʉ ŋ́ɡɛ ɛ́fɑꞋ mbɔ̌ wɛ nzʉʉ. Sɛ́ kɑ pɔ́ ńcú pɑ́Ꞌnɛ, mɑ́ wɔ́p pɛ́t pɔ́ shǔutɛ nǔu pɔ́p, mbɔ ɑ ŋ́kɑɑ pí wɔ́p lɑ pɔ́p jí nu sʉ́Ꞌnɛ kɛ yi kɛpɔŋ ɔɔ. Sɛ́ kɑ ɡɛ pɑ́Ꞌnɛ nɛlɔk ńnyɛt ŋɡɔ ɑ nɑ́ŋ ḿbɔ́ ŋ́ɡɛ pɔ yúu mi jʉ́ Sɛ́ sɛ́ ŋ́kɔŋ. A pɔ́ ŋ́ɡʉ tsɛtsɛt pʉɔ ńtsɔ́Ꞌ ŋu wɛ, mbɔɔ ɛ́fú pɔ́ nǔu nu sʉ́Ꞌnɛ yi ŋɡɑŋ ɡɛnɛ pɔ́.

Ŋɡɑlɑ̂t 2:2

Ŋ kɑ pɔ́ ŋ́ɡʉ zúꞋu, mbíꞋŋɡɔ Sɛ́ kɑ cúnɛ ŋɡɔ ŋ ɡʉ zúꞋu. Ŋ kɑ tɔ́ zúꞋu, ŋ́kyɛ́Ꞌtɛ Ŋkʉʉ Sʉ́Ꞌnɛ ẅí n cẅinɛ mbɔ̌ pʉɔ pí pɔ́p kɑ́ pɔ́ pɑyúdɑ pɔ́, ɛ́sẅíi pʉɔ pi pɛ́ kɑ pɔ́ ńdíŋɛ wɔ́p ŋɡɔ pɔ́p pɛlʉ́m. Pɛk pɛpɔ́p nɑ́ŋ pɔ zʉꞋ tsʉʉ lɑ ŋ kyɛ́Ꞌtɛ ɛ́sẅíi wɔ́p. Pɔ́Ꞌɔ, mbíꞋŋɡɔ ŋ kɑ kɛ́ ḿbɔɔ ŋ́kɔŋ ŋɡɔ fɑꞋ yi ŋ kɑ fɑꞋnɛ mbɑ yi mɔ ḿbɔ́ ɛ́fɑꞋ lɛɛ níinɛ pɔ́.

Ɛ́fɛ̂zɛ 2:8

A kɑ ɡɑ́ fuꞋ fɛ̌ɛ yʉ́ʉ, ŋ́ɡɛ pʉʉ luk, ɛ́fú nǔu pɑ́Ꞌ pʉʉ kɑ zɑ́pnɛ tʉ́m nǔu Yɛ́su. Ɛ́ kɑ́ pɔ́ ɛ́fú mbɔ̌ pʉʉ pɔ́, ɑ kɑ lɔk pɔ pɔŋtʉ́m yɛ́ ŋ́ɡɛ.

Filipɛ 2:13

Sɛ́ zɛɛ ḿbɔ́ ɛ́fɑꞋ tsɛt tʉ́m yʉʉ nɛpɔ́ yi pʉʉ ɡʉ ŋ́kɔŋ ḿbɛn ŋ́ɡɛ yúu mi ɛ́ pɔŋnɛ wɛ́.

Jɑ̂k 1:18

Jʉ́ kɑ kɔŋnɛ, ńdɔk sẅiŋɛ yi ɛ́ nɛ́nẅín, ŋ́ɡɛ pɛkŋɛ luk, nɛpɔ́ yi pɛkŋɛ ɡʉ ḿbɔ́ mbɔ̌ wɛ́, ḿbɔ́ ntú-nu nǔu ŋɡɔŋ kʉ̈ɔ́ lɑ́ yi ɑ kɑ ɡɛnɛ.