Pʉɔ-Lɔ́mɑ 8:39 - Kɑɑ Fí

³⁹ ḿbɔ́ pɔ mɛtʉʉ ntɛ́ nɛ́ ntɛ́ mi ɛ́ ndǔmbí, mi ɛ́ tʉ́, kɛ mi ɛ́ tsɛt sɛ́ ɔɔ, ḿbɔ́ pɔ yɛcɔ́ yúu ndɛꞋ yi Sɛ́ kɑ pɔ́ɔnɛ, mbɔ yɛcɔ́ yúu kɛ́ lɑ́Ꞌ ŋ́kuꞋ nɛtɑɑtɛ Sɛ́ nɛkɔŋ wɛkŋɛ pɔ́. A kɑ lɛɛ nǔu Yɛ́su Kɛlístɔ, Tsɑpʉɔ wɛkŋɛ, ńnyɛt ŋɡɔ ɑ kɔŋ wɛkŋɛ.

Pʉɔ-Lɔ́mɑ 8:39 Marejeleo ya Msalaba

Mɑtʉ̈ɔ 24:24

mbíꞋŋɡɔ pɛnzɑ́Ꞌŋkʉ pɛ́ cɔtnu, pɔ́p pɛŋɡɛ́mndʉ̈ɔ́Ꞌ-Sɛ́ pɛ́ cɔtnu ɡʉ ńdɑ́Ꞌ ńcẅɛt, ńnyɛt mɛmɑ́ mɛlii, ŋ́ɡɛ mɛŋkʉꞋnɛ mɛnu nɛlɔk fu pʉɔ tɛ ńzɑ́ɑ, tɛ ḿbɔ́ yi pɔ́p ḿbɔ́ pɛ́Ꞌnɛ ŋ́kuꞋ, mbɔ ɛ́ lɑɑ ḿbɔ́ pɔ́p fu mbɑ pʉɔ pínɛ Sɛ́ kɑ tsɔ́Ꞌnɛ.»

Jɑ̂ŋ 16:27

Ɛ́ mbíꞋŋɡɔ kwɑꞋ jʉ́ Tɑ̌ɑ mɔ kɔŋ wʉ́ʉ. A kɔŋ wʉ́ʉ, mbíꞋŋɡɔ pʉʉ kɑ kɔŋ wɑ́ɑ, ḿbɛn ḿbɔ́ ḿbɛ́m ŋɡɔ ɛ fú mbɔ̌ Sɛ́.

Jɑ̂ŋ 17:26

Ŋ kɑ zíꞋ wɔ́p nɛjí ŋu ẅí ɔ jʉ́, mɔ ŋ́kɛ́ ḿbɔ́ ŋ́ɡɛ pɔ́p pɔ́ ńjí wú jínɛ, ŋ́kɔŋɛ pɔ́p nɛ́ pɔ́p pɑ́Ꞌ ɔ kɔŋnɛ wɑ́ɑ, m bɛn ḿbɔ́ tʉ́m pɔ́p.

Jɑ̂ŋ 3:16

MbíꞋŋɡɔ ntɛ́ yi Sɛ́ kɑ lɔknɛ ŋ́kɔŋ píimbí pɔ́Ꞌɔ kɑ pɔ́ tɛ ɑ ɡɑ́ Mɔ́ɔ nɛ wɛ́mɔ́Ꞌ, nɛpɔ́ yi wɛ́t ŋu lɑ́ ẅi ɑ zɑ́pnɛ tʉ́m yɛ́ nǔu Mɔ́ɔ nɛ ɛ̂wɑ́, kɛ́ lɑ́Ꞌ ńtíi ndɔɔ kɛ́mɛ pɔ́, ɑ ɡʉ ńdɑ́Ꞌ ŋ́ɡẅɛɛ pɔ luk kɛ́mɛ.

Pʉɔ-Lɔ́mɑ 1:7

M bɛn ŋ́ɡɑ́ yɔ ŋwɑꞋnɛ mbɔ̌ pʉʉ tsʉʉ pi pʉʉ tʉ́sɔŋ-Lɔ́mɑ. Pʉʉ pi Sɛ́ kɔŋnɛ wʉ́ʉ, yɛ́tɛ́ kɑ ɡɛnɛ ɑ fúŋ wʉ́ʉ pɑ́Ꞌ pʉʉ ɡʉ ḿbɔ́ pʉɔ pɛ́ pi ɑ tsɔ́Ꞌnɛ. Mɔ sɛ́ ńtsɑ́ɑ ŋɡɔ Tɑ́t wɛkŋɛ Sɛ́ mbɑ Tsɑpʉɔ Yɛ́su Kɛlístɔ pɔ́ ḿbɔ́ nɛ́ pʉʉ, ḿbɔ́ ńníꞋ mɔ́fíitɛ tʉ́m pʉʉ.

Pʉɔ-Lɔ́mɑ 11:33

Sɛ́ tsuŋ ŋ́ɡẅɛɛ pɔŋtʉ́m nzʉʉ pʉɔ tsʉʉ, mbɔ ŋumɛsɔŋ pɔɔ tíi jínu Sɛ́ pɔ́, ŋ́kɛ́ ḿbɔɔ jí yúu mi Sɛ́ sɛ́ ŋ́kwɑŋɛ pɔ́, ḿbɔ́ wɔ̌ jí yúu mi Sɛ́ zɑ́pnɛ ŋɡɔ ɑ ɡʉ ŋ́ɡɛ? Mbɔ wɔ̌ kyɛ́Ꞌtɛ pɑ́Ꞌ Sɛ́ ɡɛnɛ mɛnu pɔ́Ꞌɔ?

Pʉɔ-Lɔ́mɑ 5:8

Lɑ́ pʉʉ jʉ́ɔ ntɛ́ yi Sɛ́ kɑ lɔknɛ ńnyɛt pɑ́Ꞌ ɑ kɔŋnɛ wɛkŋɛ pɔ́Ꞌɔ, ɛ́ pɑ́Ꞌ Kɛlístɔ kɑ tɔ́nɛ ḿpfú nǔu tú yɛkŋɛ tɛ pɛkŋɛ zɛɛ ḿbɛ́t ḿbɔ́ pɔ pʉɔ kɛpɔŋ.

Pʉɔ-Lɔ́mɑ 6:23

mbíꞋŋɡɔ yúu mi nu kɛpɔŋ lɔknɛ ńtsɔ́ꞋfɑꞋ ntɛ́ fɑꞋ-ŋu, ɛ́ pɔ́ pɔ ŋɡɑŋ nɛpfú, lɑ́ fuꞋ yi Sɛ́ ɡɑ́nɛ mbɔ̌ ŋu pɔ níinɛ, ɛ́ pɔ́ pɑ́Ꞌ ŋɡɑŋ lɑtnɛ mbʉʉ yɛ nǔu Tsɑpʉɔ Yɛ́su Kɛlístɔ, ŋ́ɡẅɛɛ luk kɛ́mɛ.

Pʉɔ-Lɔ́mɑ 8:1

Ɛ́ lɔk ḿbɔ́ ŋɡɔ pʉɔ pi pɔ́p lɑtnɛ mbʉʉ yɔp nǔu Yɛ́su Kɛlístɔ, kɛ́ ɡʉ ńdɑ́Ꞌ ḿbɛn ḿvu ntsɑŋ pɔ́,

Pʉɔ-Lɔ́mɑ 8:35

Tɛ yɛcɔ́ yúu ɡú yi mbɔ ɛ́ fyɑk wɛkŋɛ pɛ Kɛlístɔ tɛ ɑ pɔɔ pɛn ŋ́kɔŋ wɛkŋɛ pɔ́ ɔɔ? Ŋɡʉ̈ɔ́Ꞌ ɔ́ɔ? NɛpúꞋ mbʉʉ ɔ́ɔ? Pɛ́ nɛkʉ́ʉnɛ wɛkŋɛ ɔ́ɔ? Nji ɔ́ɔ? Púŋ ɔ́ɔ? Yúu mi ɛ́ vukŋɛ́nɛ wɛkŋɛ ɔ́ɔ? Kɛ pɔ nɛvú?

2 Kɔlɛ̂ŋtɛ 11:3

Lɑ́ ŋ kɑ pɔ́k pɔ ŋɡɔ, ɛ́ lɑɑ ḿbɔ́ wɛcɔ́ ŋu pʉ́ʉpɛ tú yʉ́ʉ pɑ́Ꞌ nɔ́ kɑ lɔknɛ mɛzúŋ ɛ́fúklɛ Ɛ́fɑ, pʉʉ pɔɔ pɛn ḿbɔ́ pʉɔ pi pɔ́p ɡɔ́ ńcú ŋɡɔ pɔ́p jí yɔ́p pɔ ndɑꞋ nu-Kɛlístɔ ńcú ɛ́sẅíi nu pɔ́.

2 Kɔlɛ̂ŋtɛ 2:11

ńjí ŋɡɔ pɛkŋɛ kɛ́ nɑ́ Sɑ́ttɑ ɑ lɛɛ wɛkŋɛ pɔ́, mbíꞋŋɡɔ pɛkŋɛ kɑ́ pɔ́ ḿmuŋɛ yúu mi ɑ nzʉʉ pɛkŋɛ ńdɔɔ pɔ́.

Ɛ́fɛ̂zɛ 1:4

mbɔ ɑ kɑ lɛɛ nǔu Kɛlístɔ ńtsɔ́Ꞌ wɛkŋɛ, ńdɔk ŋ́ɡɛ pʉɔ pɛ́ tɛ ḿbɛ́t pɔ kɛ́ niitɛ mbí pɑ́Ꞌ pɛkŋɛ ɡʉ ḿbɔ́ mbi yɛ́ ḿbɔ́ pʉɔ lɛ́ɛnɛ́nɛ, ḿbɔ́ pɑkɛ́fɑɑnɛ. A kɑ lɔk pɑ́Ꞌ ɑ kɔŋnɛ wɛkŋɛ,

Filipɛ 3:12

Ḿbɔ́ m bɔɔ cú ŋɡɔ ŋ ɡʉ mɔ́ tɛ ŋ́kúu pɔ́. Ḿbɔ́ m bɔɔ cú ŋɡɔ mɔ ndʉ́ŋndʉŋ pɔ́. M bɛ́t sɛ̂ndúŋ, ŋ́kʉɔ ndʉ́ɔlɛ́, ńtsɑ́ɑ nɛjʉ́ ndʉ́ɔlɛ́ ɛ̂yɑ́, mbíꞋŋɡɔ Yɛ́su Kɛlístɔ kɑ kɛ́mɔ́ ńtík pɔ́ nǔu mɔ.

Filipɛ 3:3

Pɛkŋɛ pɔ́nɛ pʉɔ pi pɛ́ kɑ tsuŋnɛ ḿbúꞋ wɔ́p. Zẅikŋɛ ɡɛnɛ pɛkŋɛ ɡúꞋlɛ Sɛ́. Pɛkŋɛ lɔk pɔ Yɛ́su Kɛlístɔ ńtsɑ́ɑtɛ, kɔɔ pɛkŋɛ zɑ́p tʉ́m pɔ nǔu yúu mi pɛkŋɛ ɡɛnɛ.

Filipɛ 3:8

Ɛ́ kɑ́ pɔ́ pɔ ndɑꞋ pɔ́Ꞌɔ pɔ́, nɛjí Yɛ́su Kɛlístɔ, Tsɑpʉɔ wɑɑ tsʉ́Ꞌnɛ ńdɛɛ nu tsʉʉ. Mbɑ kʉ̈ɔ́ lɑ́ tsʉ́Ꞌ ḿbɔ́ pɔ pɛ́. Mbɔ ŋ kɑ lʉꞋ yúu tsʉʉ mbíꞋ pɔ wɛ́. N tsʉ́Ꞌ ńdíŋɛ mîmɑ́ mɛyúu tsʉʉ ɛ́ pɔ́ pɔ kyɑŋɛ. Kɛlístɔ tsʉ́Ꞌnɛ yɑ́ɑ pii,

2 Tɛsɑlɔník 2:4

A ɡʉ ńdɑ́Ꞌ cẅɛt ńtʉ́ʉ, ŋ́ɡɔ́ɔ ŋ́kɛ́ ńzɛ nɛtɔꞋ pʉɔ ŋɡɔ kɔɔ pɔ́p pɛn ŋ́ɡúꞋlɛ yɛcɔ́ yúu tɛ mbɑ Sɛ́, ɛ́ pɔ́ ńcú ŋɡɔ jʉ́ lɛɛnɛ wɔ́p pɛ́tsʉʉ, ɑ ŋ́kúu mbɑ tsɛt zʉꞋ Sɛ́ nɑ́ŋnɛ, cú ŋɡɔ jʉ́ pɔ́nɛ Sɛ́.

1 Jɑ̂ŋ 4:16

Ɛ́ ɡʉ nǔu pɛk, mbɔ pɔ́p sɛ́ ńjí pɑ́Ꞌ Sɛ́ kɔŋnɛ wɛ́k pɔ́Ꞌɔ, pɛk kɑ jʉ́ɔ yîyɑ́ ntɛ́ ŋkɔŋɛ tɛ ḿbɛ́m. Sɛ́ ɡẅɛɛ pɔ ŋkɔŋɛ, ŋu lɑɑ ḿbɔ́ ŋ́kɔŋ pʉɔmɛsɔŋ, mbɔ ŋɡɑŋ ńdɑt mbʉʉ yɛ nǔu Sɛ́, Sɛ́ lɑt yɛ nǔu wɛ́.

1 Jɑ̂ŋ 4:19

Ɛ́ ɡʉ nǔu pɛk, pɛk kɔŋ ŋumɛsɔŋ, mbíꞋŋɡɔ Sɛ́ kɑ piitɛ ŋ́kɔŋ wɛ́k.

Mɛnu ɛ́ ńdɑ́Ꞌ ńcẅɛt 12:9

Pɛ́ tsʉ́ʉ wɛ́ pɔ́p pɛcʉ̈ɔ́ pɛ́, ḿbʉɔt ndǔ tsɛ́tsɑ́Ꞌ. A jʉ́ ḿbɔ́ nɔ́ wɑ́ ẅi ɑ kɑ fúnɛ ŋkɑ́ mbi lɑ́, pɛ́ fúŋ wɛ́ ŋɡɔ ndɛɛbɛlɛ, ḿbɛn ɛ́fúŋ wɛ́ ŋɡɔ Sɑ́ttɑ, ɑ jʉ́ ẅi ɑ fúklɛ́nɛ pʉɔmɛsɔŋ tsʉʉ ndǔ tsɛ́tsɑ́Ꞌ.

Mɛnu ɛ́ ńdɑ́Ꞌ ńcẅɛt 13:14

A kɑ lẅɑklɛ pʉɔmɛsɔŋ ndǔ tsɛ́tsɑ́Ꞌ nɛ́ ŋkʉꞋnɛ nu yi ɑ kɑ ɡɛnɛ mbi nduŋmbi nɑɑ. A kɑ píkŋɛ mbɔ̌ pʉɔ ndǔ tsɛtsɑ́Ꞌ ŋɡɔ pɔ́p ɡɛ tɛ́tɔ́k-nduŋmbi nɑɑ wɑ́, nduŋmbi nɑɑ ɛ̂wɑ́ kɑ lʉ́ɔ fʉ́ŋ lɑ́ ŋ́kɛ́ mbɔɔ pfú.

Mɛnu ɛ́ ńdɑ́Ꞌ ńcẅɛt 19:20

Pɛ́ jʉ́ɔ ŋkʉꞋnɛ nɑɑ ɛ̂wɑ́, ŋ́ɡẅɛɛ wɛ́, ḿbɛn ŋ́ɡẅɛɛ mbɑ ŋɡɛ́mndʉ̈ɔ́Ꞌ-Sɛ́ wɛ cɔtnu ẅi, ɑ kɑ tʉ́ʉnɛ mbi yɛ́, ŋ́ɡɛ mɛnu mɑ̌ɑmɑɑnɛ ńdɔk ɛ́fúklɛ pʉɔ pi pɔ́p kɑ pɛ́m pɛ́ cʉɔꞌ lii ŋkʉꞋnɛ nɑɑ ɛ̂wɑ́ nǔu pɔ́p, pɔ́p pɛn ŋ́ɡúꞋlɛ tɛ́tɔ́k-nɑɑ ɛ̂wɑ́ lɑ́. Pɛ́ ɡẅɛɛ wɔ́p pɔ́Ꞌɔ, ńjɛ́Ꞌ wɔ́p pɛ́pɑ́ pɔ ntʉʉ, ḿmɑꞋ tsɛt ɡʉ́ɔ-ntʉʉ múk.

Mɛnu ɛ́ ńdɑ́Ꞌ ńcẅɛt 2:24

Ŋ ɡʉ ńcú nu ŋkɔ̂ɔnɛ mbɔ̌ pʉʉ pɛcɔ́ pʉɔ tsɛt cúꞋlɛ-pʉɔ-Kɛlístɔ yi ɛ́ tʉ́sɔŋ-Tyɑtîi, pʉʉ pí pʉʉ kɑ́ pɔ́ ḿbɛ́m ndɔktɛlɛ pîpɑ́ pʉɔ pɔ́, ŋ́kɛ́ ḿbɔɔ pɔ́ ńdɔɔ nɛjí yúu mi pɔ́p fúŋnɛ ŋɡɔ kwɑꞋ nu nɛ́nẅín yi Sɑ́ttɑ kɑ ɡɛnɛ pɔ́p jí pɔ́. Ɛ sẅíi wʉ́ʉ ŋɡɔ: Mɔ ŋ́ɡʉ ńzɑ́p yɛcɔ́ piꞋ yɛ́ ndɛꞋ tú pʉʉ pɔ́.

Mɛnu ɛ́ ńdɑ́Ꞌ ńcẅɛt 20:3

Ŋ́ɡɔ́ɔ ŋ́kɛ́ ńjɛ́Ꞌ wɛ́ ḿmɑꞋ tsɛt nɛpʉ́ kɛ́ ndúŋ, ńdɔk mɑ́jɔ́Ꞌ ńjʉ́ɔꞋ wɛ́ tsɛtú, ńnɑŋ nɛ́ ŋɛmɛ-ŋwɑ́Ꞌ nɛpɔ́ yi ɑ kɛ́ pɛn ńjúk tsɛt mɛŋɡɔŋ mɛŋɡɔŋ ɛ́fúklɛ pʉɔ pɔ́ tɛ ŋɡuꞋ ntsɑ́Ꞌ lɑ́Ꞌ ŋ́kuꞋ. Lɛ́Ꞌ ḿbɔ́ tɛ ŋ́kuꞋ, pɛ́ nɑꞋ ŋ́kíɛꞋ wɛ́ nǔu mɔ́ɔ mɔ̂ŋkɑ́.

Mɛnu ɛ́ ńdɑ́Ꞌ ńcẅɛt 20:7

MɛŋɡuꞋ ntsɑ́Ꞌ ɛ̂mɑ́ ɡʉ ŋ́ɡɛ ḿbɔ́ tɛ kuꞋ, pɛ́ ɡʉ tsɛt ndɑ́tsɑ́ŋ yi Sɑ́ttɑ tsɛtú lɑ́, ŋ́kíɛꞋtɛ mɛcɛ̂n nǔu wɛ́, ńnɑ́ wɛ́.