Pʉɔ-Lɔ́mɑ 8:32 - Kɑɑ Fí

³² Jʉ́ ẅi ɑ ŋkɑɑ pɑ́ɑ kwɑꞋ Mɔ́ɔ nɛ nɛjʉ́ɔ ŋɡʉ̈ɔ́Ꞌ pɔ́, jʉ́ ẅi ɑ kɑ ɡɛnɛ pɛ́ jẅí wɛ́ mbíꞋ wɛkŋɛ pɛ́tsʉʉ, ɛ́ ɡʉ ŋ́ɡɛ pɑ́Ꞌ lɑ́ ɑ pɔɔ pɛn ŋ́ɡɑ́ pɔ fuꞋ níinɛ yɛkŋɛ ńdɔk pɔ jʉ́ mɔ́ɔ nɛ ŋ́ɡɑ́ mɛcɔ́ mɛyúu tsʉʉ mbɔ̌ pɛkŋɛ pɔ́ ɔɔ?

Pʉɔ-Lɔ́mɑ 8:32 Marejeleo ya Msalaba

Mɑtʉ̈ɔ 3:17

Ŋɡi-ŋu fú tʉ́nɛ́pú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ.»

Mɑtʉ̈ɔ 7:11

Pʉʉ ẅí pʉʉ fʉꞋnɛ́nɛ nu tɛꞋ jí nɛɡɑ́ yúu sʉ́Ꞌnɛ mbɔ̌ mbɔ́ŋkʉ̈ɔ́ pʉ́ʉ, tɛ ŋkɑ́ yɛsʉ́Ꞌʉ́ nǔu Tɑ̌ɑ wʉʉ ẅí ɑ tʉ́nɛ́pú? A ɡʉ ŋ́ɡɑ́ yúu sʉ́Ꞌnɛ mbɔ̌ pʉɔ pi pɔ́p lɔ́ɔnɛ mbɔ̌ wɛ́.

Jɑ̂ŋ 3:16

MbíꞋŋɡɔ ntɛ́ yi Sɛ́ kɑ lɔknɛ ŋ́kɔŋ píimbí pɔ́Ꞌɔ kɑ pɔ́ tɛ ɑ ɡɑ́ Mɔ́ɔ nɛ wɛ́mɔ́Ꞌ, nɛpɔ́ yi wɛ́t ŋu lɑ́ ẅi ɑ zɑ́pnɛ tʉ́m yɛ́ nǔu Mɔ́ɔ nɛ ɛ̂wɑ́, kɛ́ lɑ́Ꞌ ńtíi ndɔɔ kɛ́mɛ pɔ́, ɑ ɡʉ ńdɑ́Ꞌ ŋ́ɡẅɛɛ pɔ luk kɛ́mɛ.

Pʉɔ-Lɔ́mɑ 11:21

MbíꞋŋɡɔ ɛ́ lɑɑ ḿbɔ́ yi Sɛ́ kɑ kʉ́ɔꞋ kwɑꞋ mbɔ́ yîyɑ́ tʉ́ ḿmɛꞋ, mbɔ ɛ́ lɑɑ ḿbɔ́ ɑ pɛn ŋ́kʉ́ɔꞋ wú pɔ pɔ́Ꞌɔ.

Pʉɔ-Lɔ́mɑ 4:25

Jʉ́ kɑ níꞋnɛ Kɛlístɔ mbɔ̌ pʉɔ pɑ́Ꞌ ɑ ɡʉ ḿpfú mbíꞋ mɛnu kɛpɔŋ mɛkŋɛ. A kɑ pɛn ńzẅíimɛ wɛ́ nǔu nɛvú ɛ́fú nǔu ńtsʉ́Ꞌ ńdíŋɛ wɛkŋɛ pɛkŋɛ pɔ́ ndʉ́ŋndʉŋ mbi yɛ́.

Pʉɔ-Lɔ́mɑ 6:23

mbíꞋŋɡɔ yúu mi nu kɛpɔŋ lɔknɛ ńtsɔ́ꞋfɑꞋ ntɛ́ fɑꞋ-ŋu, ɛ́ pɔ́ pɔ ŋɡɑŋ nɛpfú, lɑ́ fuꞋ yi Sɛ́ ɡɑ́nɛ mbɔ̌ ŋu pɔ níinɛ, ɛ́ pɔ́ pɑ́Ꞌ ŋɡɑŋ lɑtnɛ mbʉʉ yɛ nǔu Tsɑpʉɔ Yɛ́su Kɛlístɔ, ŋ́ɡẅɛɛ luk kɛ́mɛ.

Pʉɔ-Lɔ́mɑ 8:28

Pɛkŋɛ pɛn ḿbɔ́ ńjí ŋɡɔ mɛnu mi ɛ́ ɡɛnɛ pʉɔ pi pɔ́p sɛ́ ŋ́kɔŋ Sɛ́, Sɛ́ ɡɛ mîmɑ́ mɛnu, ŋ́ɡɛ pɔ nu sʉ́Ꞌnɛ nǔu pɔ́p, pɔ́p ẅi ɑ kɑ tsɔ́Ꞌnɛ nǔu ntɛ́ yi ɑ kɑ zɑ́Ꞌnɛ njí ŋ́kwɑŋɛ.

1 Kɔlɛ̂ŋtɛ 2:12

Ɛ́ ɡʉ nǔu pɛkŋɛ, mbɔ pɛ́ ŋkɑɑ ɡɑ́ zẅikŋɛ-ndǔmbí mbɔ̌ pɛkŋɛ pɔ́. Pɛ́ kɑ ɡɑ́ pɔ Zẅikŋɛ yi ɛ́ fúnɛ mbɔ̌ Sɛ́ mbɔ̌ pɛkŋɛ pɑ́Ꞌ ɛ́ ɡʉ ŋ́ɡɛ pɛkŋɛ jí pɔ́fɑꞋ yi Sɛ́ kɑ lɔknɛ ŋ́ɡɑ́ fuꞋ níinɛ yɛkŋɛ.

2 Kɔlɛ̂ŋtɛ 4:15

Pɛk pɛ́m mɔnɛ mɛnu tsʉʉ mi Sɛ́ sɛ́ ńjʉ́ɔ ŋɡɔ ɛ́ kuꞋ mɛ́k, ńdɔk ńtsɑ́ɑ pɔ ŋɡɔ pʉʉ lúꞋnɛ. Pɔ́Ꞌɔ, ńjí ŋɡɔ ndɛn-pɑjí ŋɡɔ Sɛ́ kɔŋ wɔ́p ŋ́ɡɛ ŋ́kẅiꞋ zɑ́ɑ, ndɛn pɑɡɑ́ pɑ́Ꞌlɑ́ mbɔ̌ wɛ́, mbɑ pɑɡúꞋlɛ wɛ́, kẅiꞋ ńzɑ́ɑ ɡúu.

2 Kɔlɛ̂ŋtɛ 5:21

Pɑ́Ꞌ ndɔɔ kɑ pɔ́ tú pɛkŋɛ lɑ́, Sɛ́ kɑ tíi mɛnu kɛpɔŋ mɛkŋɛ, ńzɑ́p tú-Kɛlístɔ, mbɔ ɑ ŋkɑɑ yɛcɔ́ nu kɛpɔŋ ɡẅɛɛ. A kɑ ɡɛ pɔ́Ꞌɔ, pɑ́Ꞌ pɛkŋɛ ɡʉ ńdɔk nɛlɑt mbʉʉ nǔu Kɛlístɔ, ḿbɔ́ pʉɔ pi pɔ́p mbɔ̌ Sɛ́ ḿbɔ́ ndʉ́ŋndʉŋ.

2 Kɔlɛ̂ŋtɛ 6:10

Pɛ́ kwɑŋɛ ŋɡɔ pɛk sɛ́ ḿmʉk yɛcɔ́ nu, lɑ́ pɛk ńnɑ́ŋ ŋkɑ́ tsʉʉ pɔ nɛ́ tsɑ́ɑtɛ. Pɛ́ sɛ́ ńdɔk wɛ́k ɛ́fúŋ pɛpúŋ, lɑ́ pɛk pɔ́ ńdɔk pʉɔ tɛ ńzɑ́ɑ ŋ́ɡɛ ɡɑŋyúu. Pɛ́ sɛ́ ńdíŋɛ wɛ́k pɑ́Ꞌ ŋkɑ́ yi yúu yɛ́k kɑ́ pɔ́ ɡú pɔ́ lɑ́, lɑ́ pɛk kɛ́ ŋ́ɡẅɛɛ yúu tsʉʉ.

1 Jɑ̂ŋ 4:10

Ŋkɔŋɛ kɑ pɔ́ pɔ pɑ́Ꞌnɛ. Pɛkŋɛ ŋkɑɑnɛ kɛ́ ŋ́kɔŋ Sɛ́ pɔ́, jʉ́ kɑ kɔŋnɛ wɛkŋɛ. A kɑ kɔŋ wɛkŋɛ kɔŋnɛ tɛ ńtúu Mɔ́ɔ nɛ, ɑ tɔ́ ńdɔk tú yɛ́ ńnɔŋ pɔꞋ mbíꞋ wɛkŋɛ, ɛ́ yúu mi ɛ́ ɡɛnɛ Sɛ́ likŋɛ mɛnu kɛpɔŋ mɛkŋɛ.

Mɛnu ɛ́ ńdɑ́Ꞌ ńcẅɛt 21:7

Ẅîwɑ́ ŋu pɔ́ ẅi ɑ mɑꞋnɛ ntsɔ tɛ ńtsɑ nu kɛpɔŋ, ŋ ɡʉ ŋ́ɡɛ ŋ́ɡɑ́ yîyɑ́ fuꞋ mbɔ̌ wɛ́, m bɔ́ Sɛ́ wɛ, ɑ pɔ́ mɔ́ɔ wɑɑ.