Pʉɔ-Lɔ́mɑ 8:23 - Kɑɑ Fí

²³ Yúu ɛ̂mɑ́ kɑ́ pɔ́nɛ ńcú zɛ́nɛ jʉ́ pɔ́ pɛkŋɛ pi Sɛ́ kɑ lɔknɛ Zẅikŋɛ yɛ́ ŋ́ɡɛ pɛkŋɛ ɡẅɛɛ tú-yúu nǔu yúu mi ɑ kɑ kɑꞋnɛ nɛɡɑ́ mbɔ̌ pɛkŋɛ, pɛkŋɛ ɡúu pɛn ḿbɔ́ tsɛt tʉ́m pɛkŋɛ ńcú pɔ pɔ́Ꞌɔ, ḿbɔ́ ńzẅíꞋlɛ lɛ́Ꞌ yi Sɛ́ ɡʉ ńdɔk wɛkŋɛ ŋ́ɡɛ pʉɔ-pɛ́ ndɑꞋ ndɑꞋ, pɛkŋɛ ɡẅɛɛ mbʉʉ yi fí, ńduk ŋɡʉ̈ɔ́Ꞌ.

Pʉɔ-Lɔ́mɑ 8:23 Marejeleo ya Msalaba

Lúkɑ́shi 20:36

Ńzɛ ŋ́ɡɔ ḿbɔ́ pɔ́p pɔ́ɔ ŋ́ɡʉ ḿbɛn ŋ́ɡɛ ḿpfú pɔ́. Pɔ́p tsʉ́Ꞌ ḿbɔ́ pɔ pɑꞋ pɛcʉ̈ɔ́Ꞌ-Sɛ́ lɑ́, ńtsʉ́Ꞌ pɔ́-Sɛ́, mbíꞌŋɡɔ Sɛ́ cẅɛ́ɛ wɔ́p mbɔ̌ nɛvú.

Lúkɑ́shi 21:28

Mɔ mɛnu lɑɑ ńdɑ́Ꞌ ḿbɔ́ tɛ ńzɛ nɛtɔ́, pʉʉ zẅíꞋlɛ yʉ́ʉ pɔ kɛ́ pɔ́k, mbíꞋŋɡɔ ŋkɑ́ yi Sɛ́ ɡɛ ńcẅɛɛtɛ wʉ́ʉ tsɛt ŋɡʉ̈ɔ́Ꞌ sɛ́ ŋ́kuꞋ.

Pʉɔ-Lɔ́mɑ 5:11

Pɛkŋɛ kɛ́ ḿbɔɔ ńdɔk pɔ ndɑꞋ yîyɑ́ nu tsɑ́ɑtɛ pɔ́, pɛkŋɛ pɛn ńtsɑ́ɑtɛ ntɛ́ pɑ́Ꞌ Sɛ́ lɛɛnɛ nǔu nu-Tsɑpʉɔ wɛkŋɛ Yɛ́su Kɛlístɔ ŋ́ɡɛ mbuu yi ɛ́ kɑ pɔ́nɛ tsɛtsɛt pɛkŋɛ pɛ Sɛ́ mɛ.

Pʉɔ-Lɔ́mɑ 5:3

Ɛ́ kɑ́ pɔ́ pɔ ndɑꞋ pɔ́Ꞌɔ pɔ́, pɛk pɛn ŋ́ɡẅɛɛ tsɑ́ɑtɛ tɛ mbɑ ŋkɑ́ yi pɛk sɛ́ ńjʉ́ɔ ŋɡʉ̈ɔ́Ꞌ, ḿbɔ́ ńjí ŋɡɔ ŋɡʉ̈ɔ́Ꞌ ɡʉ ŋ́ɡɛ pɛk sʉk.

Pʉɔ-Lɔ́mɑ 5:5

Pɛkŋɛ kɛ́ ḿbɔɔ ńzẅíꞋlɛ pɔ́Ꞌɔ pɔ zʉꞋ níinɛ pɔ́, mbíꞋŋɡɔ Sɛ́ ɛ́fú nǔu Zẅikŋɛ yɛ́ yi ɑ kɑ ɡɑ́nɛ mbɔ̌ pɛkŋɛ, ńnyɛt wɛkŋɛ pɑ́ꞋtɛꞋ ŋɡɔ ɑ kɔŋ wɛkŋɛ.

Pʉɔ-Lɔ́mɑ 7:24

Ŋ kɑ́ pɔ́ pɑ́Ꞌnɛ ḿbɔ́ pɔ pʉ́ktú pɔ́, wɔ́ ɡʉnɛ ńdɑ́Ꞌ ɛ́fú tsɛt yɔ mbʉʉ yi ɛ́ fúŋnɛ nɛvú ńníꞋ nǔu mɔ ńcẅɛɛtɛ wɑ́ɑ?

Pʉɔ-Lɔ́mɑ 8:19

Kʉ̈ɔ́ lɑ́ yi Sɛ́ kɑ niitɛ́nɛ zɛɛ ḿbɔ́ ńzẅíꞋlɛ tɛꞋ nɛjʉ́ɔ ŋkɑ́ yi Sɛ́ ɡʉ ŋ́ɡɛ pɛ́ jʉ́ɔ nɛɡúꞋ pʉɔ-pɛ́.

1 Kɔlɛ̂ŋtɛ 1:7

tɛ ɛ́ ŋkɔ̂ɔnɛ ḿbɔ́ mbɔ̌ pʉʉ pi pʉʉ sɛ́ ńzẅíꞋlɛ ŋkɑ́ yi Tsɑpʉɔ wɛkŋɛ Yɛ́su Kɛlístɔ ŋ́ɡɛ ŋ́ŋwɑk, yɛcɔ́ fuꞋ yi ɛ́ fúnɛ mbɔ̌ Sɛ́, tɛ pʉʉ pɛ́t ḿbɔ́ ḿmuŋɛ muŋɛ́nɛ kɑ́ pɔ́ ɡú pɔ́.

2 Kɔlɛ̂ŋtɛ 1:22

ńcʉ̈ɔꞋ lii yɛ́ nǔu pɛkŋɛ, ńníꞋ Zẅikŋɛ Lɛ́ɛnɛ́nɛ tʉ́m pɛkŋɛ. Ɛ́ lɔk ḿbɔ́ nduŋmbi yúu nǔu yúu mi ɑ ɡʉ ŋ́ɡɑ́ mbɔ̌ pɛkŋɛ.

2 Kɔlɛ̂ŋtɛ 7:5

Pɛk kɑ zɛɛ ŋ́ɡʉ tɛ ŋ́kúu Mɑsɛndwɑn, wɛcɔ́ nɛjẅiitɛ pɔɔ ɡú pɔ́. Ŋɡʉ̈ɔ́Ꞌ fú mɛshʉ́ mɛshʉ́ ńtɔ́. Pʉɔ ɡɔ́ ḿbɔ́ nzɛmpíi ḿmɑꞋ wɛ́k nɛ́ ntsɔ, tʉ́m yɛ́k pɔ́ tsɛtú ḿbɔ́k mbíꞋ mɛcɔ́ mɛnu.

Ŋɡɑlɑ̂t 5:5

Ɛ́ ɡʉ nǔu pɛk pi pɛk zɑ́pnɛ tʉ́m nǔu Kɛlístɔ, pɛk sɛ́ ńzúꞋ nu pɔ mbɔ̌ Zẅikŋɛ Lɛ́ɛnɛ́nɛ, ɛ́ sɛ́ ŋ́ɡɛ pɛk pɔ́ ńzẅíꞋlɛ ŋɡɔ Sɛ́ ŋ́ɡɛ ŋ́ɡɛ pɛk pɔ́ pʉɔ pi pɔ́p mbi yɛ́ ḿbɔ́ ndʉ́ŋndʉŋ.

Ɛ́fɛ̂zɛ 1:14

Zẅikŋɛ Lɛ́ɛnɛ́nɛ lɔk ḿbɔ́ zɛsɛ́ nǔu fuꞋ yi Sɛ́ kɑ niitɛ ńzɑ́p nɛɡɑ́ mbɔ̌ pʉɔ pɛ́. Sɛ́ lɔk ńniitɛ ɛ́sẅíi wɛkŋɛ ŋɡɔ pɛkŋɛ ɡʉ ńdɑ́Ꞌ ŋ́ɡẅɛɛ mɛcɔ́ nǔu ŋkɑ́ yi ɑ ɡʉ ńdɑ́Ꞌ ńtɛmtɛ ńcẅɛɛtɛ wɛkŋɛ nǔu nu kɛpɔŋ. Pɑ́Ꞌ ɛ́ pɔ́Ꞌɔ lɑ́, pɛkŋɛ sɛ́ ŋ́ɡúꞋlɛ Sɛ́ mbíꞋŋɡɔ ɑ ɡúꞋ tɛꞋ.

Ɛ́fɛ̂zɛ 4:30

Kɔɔ pʉʉ ɡɛ Zẅikŋɛ Lɛ́ɛnɛ́nɛ yi Sɛ́ kɑ lɔknɛ ńcʉ̈ɔꞋ lii nǔu pʉʉ jʉ́ɔ ŋɡʉ̈ɔ́Ꞌ. A kɑ pɔ́ ńdɔk ńnyɛt ŋɡɔ pʉʉ pʉɔ pɛ́, ḿbɛn ńdɔk ńnyɛt ŋɡɔ lɛ́Ꞌ ɡʉ ńdɑ́Ꞌ ḿbɔ́, ɑ tɛmtɛ ńtsúꞋ wɛkŋɛ, pɛkŋɛ tɛmtɛ ńduk.

Ɛ́fɛ̂zɛ 5:9

N cú pɔ́Ꞌɔ, mbíꞋŋɡɔ, pii nɛpɔ́ zʉꞋ fúknɛ ɛ́ nɛɡɛ mɛnu sʉ́Ꞌnɛ, ŋ́ɡɛ mɛnu mi ɛ́ mbi Sɛ́ ḿbɔ́ ndʉ́ŋndʉŋ, ńnɑ́ŋ tsɛt nu nɛ́nẅín.

2 Timɔtɛ́ɛ 4:8

Ɛ́ nǔu ŋkɔ̂ɔnɛ, mbɔ tsɔ́ꞋfɑꞋ yi pɛ́ ɡɑ́nɛ mbɔ̌ ŋu ẅí ɑ kʉɔnɛ ndʉ́ɔlɛ́ tɛ ńjʉ́ sɛ́ ḿbyɛ́p wɑ́ɑ. Yîyɑ́ tsɔ́ꞋfɑꞋ ɛ́ pɑ́Ꞌ ŋ ɡɛnɛ nu yi ɛ́ ndʉ́ŋndʉŋ. Tsɑpʉɔ ẅi ɑ zɑꞋnɛ ntsɑŋ pɔ ndʉ́ŋndʉŋ, ɑ ŋ́ɡɛ ŋ́ɡɑ́ mbɔ̌ mɔ nǔu lɛ́Ꞌ yi ɑ ɡʉ ńzɑ́Ꞌ mɛtsɑŋ. A kɛ́ lɑ́Ꞌ ŋ́ɡɑ́ pɔ ndɑꞋ mbɔ̌ mɔ pɔ́. A ɡʉ ńdɑ́Ꞌ ḿbɛn ŋ́ɡɑ́ mbɑ mbɔ̌ pʉɔ pi pɔ́p sɛ́ ńtsɑ́ɑ nɛjʉ́ɔ ŋkɑ́ yi ɑ ŋ́ɡɛ ńcẅɛt.

Tîtɛ 2:13

Pɛkŋɛ nɑ́ŋ ḿbɔ́ ńzẅíꞋlɛ yúu sʉ́Ꞌnɛ yi pɛkŋɛ sɛ́ ńjí ŋɡɔ pɛkŋɛ ŋ́ɡɛ ŋ́ɡẅɛɛ. Mbɑ lɛ́Ꞌlɑ́Ꞌ yi Sɛ́ wɛkŋɛ wɛ́ ɡwɛ́, Ŋɡɑ́luk Yɛ́su Kɛlístɔ ɡʉ ńdɑ́Ꞌ ńnyɛt nɛɡúꞋ wɛ.

Ɛ́bɛlʉʉ 9:28

ɛ́ ndʉ́ŋndʉŋ pɑ́Ꞌ ɑ kɑ ɡɛ Kɛlístɔ lɔk túmbʉʉ yɛ́, ńnɔŋ pɔꞋ pɔ tɑ́Ꞌ ŋkɑ́, nɛlɔk ńjɛ́p mɛnu kɛpɔŋ pʉɔ tɛ ńzɑ́ɑ. A ɡʉ ŋ́ɡɛ ḿbɛn ńcẅɛt nǔu mbɑ́ɑtɛ yɛ́pɑ́. A pɔɔ pɛn ńtɔ́ ŋkɑ́ yîyɑ́ nɛjɛ́p mɛnu kɛpɔŋ-pʉɔmɛsɔŋ pɔ́. A tɔ́ pɔ́Ꞌɔ, nɛɡɛ pʉɔ pi pɔ́p sɛ́ ńzẅíꞋlɛ wɛ́ luk.

1 Pyɛ̂ 1:7

Ŋɡʉ̈ɔ́Ꞌ kúu wʉ́ʉ nɛpɔ́ yi pɛ́ ɡʉ ńjʉ́ɔ ŋɡɔ pʉʉ tsuŋ ńzɑ́p tʉ́m nǔu Sɛ́. Tʉ́n-ŋɡɔ̂l yi ɛ́ ŋ́ɡʉ ńdɑ́Ꞌ ḿbɔ́ pɔ ɡú pɔ́, pɛ́ tsʉ́Ꞌ nɛzẅíꞋ, ńtɔɔ múk, ntsɛ́llɛ́ cẅɛt nǔu. Ɛ́ ndʉ́ŋndʉŋ pɑ́Ꞌ wʉʉ nɛzɑ́p tʉ́m nǔu Sɛ́ ẅí ɑ yúu tʉʉndɛn ńdɛɛ tʉ́n-ŋɡɔ̂l, ɡʉ ńdɛɛ pɔ nǔu pɑ́Ꞌ ŋɡʉ̈ɔ́Ꞌ mɛntɛ́ mɛntɛ́ yi ɛ́ sɛ́ ŋ́kúu wʉ́ʉ, ɡʉ ḿbɔ́ ńzẅíꞋ wʉ́ʉ ɡúu, lɑ́ ńdɔk ńnyɛt ŋɡɔ ɛ́ tɛntɛ. Ɛ́ lɛɛ pɔ́Ꞌɔ, pʉʉ lɑ́Ꞌ lɛ́Ꞌ yi Yɛ́su Kɛlístɔ tɔ́nɛ, pɛ́ ɡɑ́ tsɔ́ꞋfɑꞋ yʉ́ʉ, ńníꞋ wʉ́ʉ tsɛt nɛɡúꞋ, ŋ́ɡɛ mɛkuꞋ mʉ́ʉ.

1 Jɑ̂ŋ 3:2

Pɛsúu pɑ́ɑ pɛ́ tʉʉndɛn, pɛkŋɛ ŋkɔ̂ɔnɛ pɑ́Ꞌɑ ḿbɔ́ pʉɔ-Sɛ́, lɑ́ ntɛ́ yi pɛkŋɛ ɡʉ ŋ́ɡɛ ḿbɔ́ pɔ́Ꞌɔ, ɛ́ pɛ́t ḿbɔ́ yi lʉɔmɛ́nɛ. Pɛkŋɛ kɛ́ ḿbɔ́ ńjí ŋɡɔ Kɛlístɔ ɡʉ ŋ́ɡɛ ḿbɔ́ tɛ ńcẅɛt, pɛkŋɛ jʉ́ɔ wɛ́ pɑ́Ꞌ ɑ zúꞋu ḿbɔ́, ḿbɔ́ yi ɑ ŋɡɔ́ku ɔɔ, pɛkŋɛ pɔ́ yɛkŋɛ pɔ pɔ́Ꞌɔ.