Pʉɔ-Lɔ́mɑ 8:19 - Kɑɑ Fí

¹⁹ Kʉ̈ɔ́ lɑ́ yi Sɛ́ kɑ niitɛ́nɛ zɛɛ ḿbɔ́ ńzẅíꞋlɛ tɛꞋ nɛjʉ́ɔ ŋkɑ́ yi Sɛ́ ɡʉ ŋ́ɡɛ pɛ́ jʉ́ɔ nɛɡúꞋ pʉɔ-pɛ́.

Pʉɔ-Lɔ́mɑ 8:19 Marejeleo ya Msalaba

Mɑtʉ̈ɔ 5:9

Pɛpɔ́ttú pʉɔ pinɛ pɔ́p ɡɛnɛ ŋɡɔ mbɔ́tnɛ pɔ́ ɡú, mbíꞋŋɡɔ pɛ́ ɡʉ ńdɑ́Ꞌ ɛ́fúŋ wɔ́p ŋɡɔ pɔ́-Sɛ́.

Jɑ̂ŋ 1:12

Lɑ́, pʉɔ tsʉʉ pí pɔ́p ńzɑ́pnɛ tʉ́m nǔu wɛ́, ɑ lɔk wɔ́p ŋ́ɡɛ pʉɔ-Sɛ́.

ŊwɑꞋnɛ-Gɑŋntúu Yɛ́su Kɛlístɔ 3:21

Ɛ́ nǔu ŋkɔ̂ɔnɛ Yɛ́su kɛ́ ŋ́ɡẅɛɛ pɔ nɛnɑ́ŋ tʉ́nɛ́pú. Tɛ ńdɑ́Ꞌ ŋ́kúu lɛ́Ꞌ yi Sɛ́ ɡʉ ńdɑ́Ꞌ ŋ́ɡɛ kʉ̈ɔ́ lɑ́ shɔtnɛ ńtsʉ́Ꞌ ḿbɔ́ pɔ yi fí. Pɑ́Ꞌ ɑ kɑ lɑ́Ꞌnɛ ńdɔk ntsu kwɑꞋ pɑcẅiŋkʉʉ pɛ́ pi ɑ kɑ tsɔ́Ꞌnɛ ńcú tɛ ntí sɑk.

Pʉɔ-Lɔ́mɑ 8:14

MbíꞋŋɡɔ pʉɔ pi Zẅikŋɛ-Sɛ́ tsiinɛ́nɛ wɔ́p pɔ́ɔ-Sɛ́.

Pʉɔ-Lɔ́mɑ 8:16

KwɑꞋ jʉ́ Zẅikŋɛ ɛ̂yɑ́ pɔ́ ŋ́ɡɛ pɛkŋɛ tsuŋ ńjí tsɛt tʉ́m pɛkŋɛ ŋɡɔ pɛkŋɛ pɔ́ɔ-Sɛ́.

Pʉɔ-Lɔ́mɑ 8:18

N zɛɛ ḿbɔ́ ŋ́kwɑŋɛ ŋɡɔ, ŋɡʉ̈ɔ́Ꞌ yi pɛkŋɛ ŋkɔ̂ɔnɛ ḿbɔ́ ńjʉ́ɔ kɑ́ síi ŋ́kuꞋ yɛcɔ́ yúu nǔu nɛɡúꞋ ẅi Sɛ́ ɡʉ ŋ́ɡɛ ŋ́ɡɛ pɛkŋɛ jʉ́ɔ pɔ́.

Pʉɔ-Lɔ́mɑ 8:23

Yúu ɛ̂mɑ́ kɑ́ pɔ́nɛ ńcú zɛ́nɛ jʉ́ pɔ́ pɛkŋɛ pi Sɛ́ kɑ lɔknɛ Zẅikŋɛ yɛ́ ŋ́ɡɛ pɛkŋɛ ɡẅɛɛ tú-yúu nǔu yúu mi ɑ kɑ kɑꞋnɛ nɛɡɑ́ mbɔ̌ pɛkŋɛ, pɛkŋɛ ɡúu pɛn ḿbɔ́ tsɛt tʉ́m pɛkŋɛ ńcú pɔ pɔ́Ꞌɔ, ḿbɔ́ ńzẅíꞋlɛ lɛ́Ꞌ yi Sɛ́ ɡʉ ńdɔk wɛkŋɛ ŋ́ɡɛ pʉɔ-pɛ́ ndɑꞋ ndɑꞋ, pɛkŋɛ ɡẅɛɛ mbʉʉ yi fí, ńduk ŋɡʉ̈ɔ́Ꞌ.

Pʉɔ-Lɔ́mɑ 9:26

Ɛ́ pɔ́ pɔ́Ꞌɔ, zʉꞋ yi pɔ́p kɑ tʉ́ʉnɛ zúꞋu pɛ́ cú mbɔ̌ pɔ́p ŋɡɔ pɔ́p kɑ́ pɔ́ pʉɔ pɑ́ɑ pɔ́, pɔ́p ŋ́ɡɛ ńtʉ́ʉ zúꞋu, pɛ́ cú mbɔ̌ pɔ́p ŋɡɔ: Pʉʉ pɔ́ɔ-Sɛ́ ẅi ɑ ntʉʉ.

1 Kɔlɛ̂ŋtɛ 1:7

tɛ ɛ́ ŋkɔ̂ɔnɛ ḿbɔ́ mbɔ̌ pʉʉ pi pʉʉ sɛ́ ńzẅíꞋlɛ ŋkɑ́ yi Tsɑpʉɔ wɛkŋɛ Yɛ́su Kɛlístɔ ŋ́ɡɛ ŋ́ŋwɑk, yɛcɔ́ fuꞋ yi ɛ́ fúnɛ mbɔ̌ Sɛ́, tɛ pʉʉ pɛ́t ḿbɔ́ ḿmuŋɛ muŋɛ́nɛ kɑ́ pɔ́ ɡú pɔ́.

1 Kɔlɛ̂ŋtɛ 1:8

Jʉ́ Yɛ́su Kɛlístɔ ɡʉ ŋ́ɡɛ pʉʉ tɛntɛ tɛntɛnɛ tɛ ńdɑ́Ꞌ ḿmɛkŋɛ, ɛ́ lɑ́Ꞌ lɛ́Ꞌ yi jʉ́ Tsɑpʉɔ wɛkŋɛ, ɡʉ ńdɑ́Ꞌ ḿbɛn ńtɔ́ pɛ́ pɔɔ ḿbɔ́ ńdɑ́Ꞌ wʉ́ʉ nǔu yɛcɔ́ yúu pɔ́.

2 Kɔlɛ̂ŋtɛ 6:18

Mɔ, ŋ ɡʉ ŋ́ɡɛ ḿbɔ́ mbɔ̌ pʉʉ ḿbɔ́ tɑ́t wʉʉ, Pʉʉ pɔ́ mbɔ̌ mɔ, ḿbɔ́ pɔ́ɔ pɑ́ɑ pɛ́ mbɛ́ɛnɛ mbɑ pɛ́ pɑŋɡɛ́, Tsɑpʉɔ, ŋɡɑŋmɛtʉʉ tsʉʉ cúnɛ.

Ŋɡɑlɑ̂t 3:26

Pʉʉ pɛtsʉʉ zɛɛ ńdɔk pɑ́Ꞌ pʉʉ zɑ́pnɛ tʉ́m nǔu Yɛ́su Kɛlístɔ ḿbɔ́ pʉɔ-Sɛ́.

Filipɛ 1:20

Yúu mi mɔ sɛ́ ńtsɑ́ɑ tɛꞋ, kwɑŋɛ yɑ́ɑ nɑ́ŋ ńtʉ́ʉ pɔ nǔu, ɛ́ pɔ́ pɔ ŋɡɔ kɔɔ mɔ ɡɛ yɛcɔ́ yúu mi sʉ́ʉ ɡʉ ɛ́fú nǔu ŋ́kɔ́ wɑ́ɑ. Tɛ ńtsʉ́Ꞌ pɔ́Ꞌɔ, mbɔ ɛ́ lɑɑ ḿbɔ́ pɔ ŋkɔ̂ɔnɛ, kɛ ŋkɑ́ kʉ̈ɔ́ ɔɔ, m bɛ́t pɔ sʉ́Ꞌnɛ kɛ ńzɛɛ ḿpfú pfúnɛ ɔɔ, mbɔ mɔ sɛ́ ńjí sʉ́Ꞌnɛ ŋɡɔ pɛ́ ɡʉ ɛ́fú nǔu wɑɑ nɛnɑ́ŋ, ŋ́ɡúꞋlɛ Kɛlístɔ.

Kɔlɔsíyɛ̂ŋ 3:4

Kɛlístɔ pɔ́nɛ kwɑꞋ yʉ́ʉ luk. A ɡʉ ńdɑ́Ꞌ ḿbɔ́ tɛ ńcẅɛt, pʉʉ pɛn ńcẅɛt yʉ́ʉ, pʉʉ pɛ́ pɔ́p tɛmtɛ ḿbɔ́ tsɛt nɛɡúꞋ wɛ.

Ɛ́bɛlʉʉ 12:27

Yɔ nu lɔk ńcú ŋɡɔ: Ɛ́ ɡʉ ńdɑ́Ꞌ yɛcɔ́ ŋkɑ́ pɛ́ pɑꞋnɛ yúu pi ɑ kɑ pɔ́ ńnʉꞋnɛ ɛ́ zɔŋɛ, ŋ́ɡɑ́ nzʉʉ ɛ́ ḿmɛ, mbíꞋŋɡɔ ɛ́ yúu pi pɛ́ kɑ niitɛ niitɛ́nɛ, ɛ́ ŋ́ɡɛ pɔ́Ꞌɔ, ńjí ŋɡɔ yúu mi pɛ́ ńnʉꞋnɛ́nɛ kɛ́ zɔŋŋɛ, ɛ́ ɡʉ ńtsʉ́Ꞌ ḿbɔ́ pɔ ɡú.

1 Pyɛ̂ 1:13

Pɔ́Ꞌɔ, jínu yʉ́ʉ tʉ́ʉ pɔ nǔu nɛɡɛ yúu nǔu ntɛ́ yɛ́ pʉɔ-Sɛ́, kɔɔ pʉʉ pɛ́ jínu, pʉʉ nɑ́ŋ ḿbɔ́ ńniitɛ ńzẅíꞋlɛ fuꞋ yi Sɛ́ ŋ́ɡɛ ŋ́ɡɑ́ mbɔ̌ pʉʉ, nǔu ŋkɑ́ yi Yɛ́su Kɛlístɔ ɡʉ ŋ́ɡɛ ńtɔ́.

1 Pyɛ̂ 1:7

Ŋɡʉ̈ɔ́Ꞌ kúu wʉ́ʉ nɛpɔ́ yi pɛ́ ɡʉ ńjʉ́ɔ ŋɡɔ pʉʉ tsuŋ ńzɑ́p tʉ́m nǔu Sɛ́. Tʉ́n-ŋɡɔ̂l yi ɛ́ ŋ́ɡʉ ńdɑ́Ꞌ ḿbɔ́ pɔ ɡú pɔ́, pɛ́ tsʉ́Ꞌ nɛzẅíꞋ, ńtɔɔ múk, ntsɛ́llɛ́ cẅɛt nǔu. Ɛ́ ndʉ́ŋndʉŋ pɑ́Ꞌ wʉʉ nɛzɑ́p tʉ́m nǔu Sɛ́ ẅí ɑ yúu tʉʉndɛn ńdɛɛ tʉ́n-ŋɡɔ̂l, ɡʉ ńdɛɛ pɔ nǔu pɑ́Ꞌ ŋɡʉ̈ɔ́Ꞌ mɛntɛ́ mɛntɛ́ yi ɛ́ sɛ́ ŋ́kúu wʉ́ʉ, ɡʉ ḿbɔ́ ńzẅíꞋ wʉ́ʉ ɡúu, lɑ́ ńdɔk ńnyɛt ŋɡɔ ɛ́ tɛntɛ. Ɛ́ lɛɛ pɔ́Ꞌɔ, pʉʉ lɑ́Ꞌ lɛ́Ꞌ yi Yɛ́su Kɛlístɔ tɔ́nɛ, pɛ́ ɡɑ́ tsɔ́ꞋfɑꞋ yʉ́ʉ, ńníꞋ wʉ́ʉ tsɛt nɛɡúꞋ, ŋ́ɡɛ mɛkuꞋ mʉ́ʉ.

1 Jɑ̂ŋ 3:1

Pʉʉ jʉ́ɔ pɑ́Ꞌ Tɑ́t wɛkŋɛ kɔŋnɛ wɛkŋɛ kɔŋnɛ tɛ ɛ́fúŋ wɛkŋɛ ŋɡɔ pɔ́ɔ pɛ́, ɛ́ sẅíi nu pɛkŋɛ pɛ́tɛ́. Lɑ́ pʉɔ-ndǔmbí pɔɔ wɛkŋɛ jí, mbíꞋŋɡɔ pɔ́p ŋ́kɑɑ kɛ́ ńjí ŋu ẅi Sɛ́ jʉ́ pɔ́.

1 Jɑ̂ŋ 3:2

Pɛsúu pɑ́ɑ pɛ́ tʉʉndɛn, pɛkŋɛ ŋkɔ̂ɔnɛ pɑ́Ꞌɑ ḿbɔ́ pʉɔ-Sɛ́, lɑ́ ntɛ́ yi pɛkŋɛ ɡʉ ŋ́ɡɛ ḿbɔ́ pɔ́Ꞌɔ, ɛ́ pɛ́t ḿbɔ́ yi lʉɔmɛ́nɛ. Pɛkŋɛ kɛ́ ḿbɔ́ ńjí ŋɡɔ Kɛlístɔ ɡʉ ŋ́ɡɛ ḿbɔ́ tɛ ńcẅɛt, pɛkŋɛ jʉ́ɔ wɛ́ pɑ́Ꞌ ɑ zúꞋu ḿbɔ́, ḿbɔ́ yi ɑ ŋɡɔ́ku ɔɔ, pɛkŋɛ pɔ́ yɛkŋɛ pɔ pɔ́Ꞌɔ.

Mɛnu ɛ́ ńdɑ́Ꞌ ńcẅɛt 21:7

Ẅîwɑ́ ŋu pɔ́ ẅi ɑ mɑꞋnɛ ntsɔ tɛ ńtsɑ nu kɛpɔŋ, ŋ ɡʉ ŋ́ɡɛ ŋ́ɡɑ́ yîyɑ́ fuꞋ mbɔ̌ wɛ́, m bɔ́ Sɛ́ wɛ, ɑ pɔ́ mɔ́ɔ wɑɑ.