Pʉɔ-Lɔ́mɑ 8:10 - Kɑɑ Fí

¹⁰ Lɑ́ Kɛlístɔ lɑɑ ŋ́kɛ́ ḿbɔ́ nǔu pʉʉ, mbɔ Zẅikŋɛ yɛ́ ɡʉ ŋ́ɡɛ pʉʉ pɔ́ ɡú. Ɛ́ mbíꞋŋɡɔ Sɛ́ ɡɛ pʉʉ pɔ́ pʉɔ pi ɑ tsʉ́Ꞌ ńdíŋɛ wɔ́p pɔ́p pɔ́ pɔ ndʉ́ŋndʉŋ mbi yɛ́. Pʉʉ ɡʉ ńdɑ́Ꞌ ḿbɔ́ ɡú, tɛ mbɑ pɑ́Ꞌ mbɑp-mbʉʉ yʉʉ ɡʉ ńdɑ́Ꞌ ḿpfú pfúnɛ mbíꞋ mɛnu kɛpɔŋ.

Pʉɔ-Lɔ́mɑ 8:10 Marejeleo ya Msalaba

Jɑ̂ŋ 14:23

Yɛ́su tsɔ́Ꞌ mbɔ̌ wɛ́ ŋɡɔ: «Ŋu lɑɑ ŋ́kɔŋ wɑ́ɑ, mbɔ ɑ ɡʉ ŋ́ɡẅɛɛ sẅiŋɛ yɑ́ɑ. Tɑ̌ɑ mɔ pɛn ŋ́kɔŋ wɛ́, pɛk Tɑ̌ɑ mɔ tɔ́ ńtsɛ́t wɛ́, ńtsʉ́Ꞌ ńnɑ́ŋ pɔ tsɛt tʉ́m yɛ́.

Jɑ̂ŋ 15:5

Nɛtsɛ́n-tʉ́ ɑ mɔ, mbɔ́tʉ́ pɔ́ pʉʉ. Ŋu ẅí ɑ lɑtnɛ́nɛ mbʉʉ yɛ nǔu mɔ, n dɑtnɛ mbʉʉ yɑɑ nǔu yɛ ɡúu, ɑ ŋu ẅí ɑ ɡɛnɛ yúu sʉ́Ꞌnɛ tɛꞋ. Ɛ́ mbíꞋŋɡɔ pɛkŋɛ lɑɑnɛ mbɔɔ pɔ́, pʉʉ pɔɔ yɛcɔ́ yúu ɡɛ.

Jɑ̂ŋ 17:23

M bɔ́ nɛ́ pɔ́p, ɔ pɔ́ nɛ́ mɔ. Pɔ́p ɡẅɛɛ tɑ́Ꞌ ntsu. Pʉɔ ndǔmbí ɡɔ́ɔ ŋ́kɛ́ ńjí ŋɡɔ ɔ kɑ túu wɑ́ɑ, ḿbɛn ńjí ŋɡɔ ɔ kɔŋ pʉɔ pɔ pɑ́Ꞌ ɔ kɔŋnɛ wɑ́ɑ.

Jɑ̂ŋ 4:14

Lɑ́ ŋu lɑɑ nɔ́ ŋki ẅí mɔ ɡɑ́nɛ mbɔ̌ wɛ́, mbɔ ɡɑ́k yɛ́ kɛ́ lɑ́Ꞌ ḿbɛn ɛ́shí pɔ́. Mbɔ ŋki ɛ̂wɑ́ ɡʉ ŋ́kúu mbʉʉ yɛ́, ńtsʉ́Ꞌ pɔ nɛsɑ́Ꞌ ŋki, zʉꞋ yí ŋki ɡʉ ḿbɔ́ ɛ́fú zúꞋu ńcúŋ, ŋ́ɡɑ́ wɛ́ nɛ́ luk kɛ́mɛ.»

Jɑ̂ŋ 6:54

Ŋu lɑɑ ŋ́kwɛ́t mbɑp-mbʉʉ yɑɑ, ńnɔ́ mɛci mɑ́ɑ, ɑ ɡẅɛɛ luk kɛ́mɛ. Ŋ ɡɛ ńzẅíimɛ ŋɡɑŋ nǔu nɛvú ndẅiknzʉʉ lɛ́Ꞌ.

Jɑ̂ŋ 6:56

Ŋu lɑɑ kwɛ́t mbɑp-mbʉʉ yɑɑ, ńnɔ́ mɛci mɑ́ɑ, mbɔ ɑ tɛmtɛ nǔu mɔ, n tɛmtɛ yɑ́ɑ ɡúu nǔu wɛ́.

Pʉɔ-Lɔ́mɑ 5:12

Nu kɛpɔŋ kɑ ɡɔ́ kúu ndǔmbí, ńdɛɛ pɔ nǔu tɑ́Ꞌ ŋumɛsɔŋ wɛ́mɔ́Ꞌ, ẅi ɑ kɑ fɑɑnɛ́nɛ nu, lík yɛ́ pɔ́ ŋɡɔ Ádɑm. Nu kɛpɔŋ kɑ lɔk nɛvú ńtɔ́. Nɛvú kúu nǔu njẅɛt-ŋumɛsɔŋ tsʉʉ, mbíꞋŋɡɔ pʉɔ pɛtsʉʉ kɑ pɔ́ pɔ́Ꞌɔ, ńdɔk ɛ́fɑɑnɛ nu.

Pʉɔ-Lɔ́mɑ 5:21

Ɛ́ lɛɛ pɔ́Ꞌɔ, Sɛ́ lɔk pɑ́Ꞌ ɑ tsɑ́ɑnɛ mɛjʉ́ŋ mɔ́p, jʉ́ tsʉ́Ꞌnɛ ŋ́ɡẅɛɛ wɔ́p, ŋ́ɡɛ pɔ́p tsʉ́Ꞌ pʉɔ pi pɔ́p ndʉ́ŋndʉŋ mbi yɛ́, ɛ́ lɔk ɛ́fí pɑ́Ꞌ nu kɛpɔŋ kɑ ɡɛnɛ nɛvú ɡẅɛɛ pʉɔmɛsɔŋ, ńjẅítɛ wɔ́p. Sɛ́ tsɑ́ɑ mɛjʉ́ŋ mɛkŋɛ ŋ́ɡɑ́ fuꞋ níinɛ yɛkŋɛ pɔ́Ꞌɔ, pɛkŋɛ lúꞋnɛ Tsɑpʉɔ Yɛ́su Kɛlístɔ lɑ ŋ́ɡẅɛɛ luk kɛ́mɛ.

Pʉɔ-Lɔ́mɑ 8:11

Ɛ́ lɑɑ ḿbɔ́ yi Zẅikŋɛ-Sɛ́ ẅí ɑ kɑ zẅíimɛ́nɛ Yɛ́su nǔu nɛvú nǔu pʉʉ, mbɔ jʉ́ ẅi ɑ kɑ zẅíimɛ́nɛ Kɛlístɔ nǔu nɛvú, ɡʉ ŋ́ɡɛ mbʉʉ yʉʉ yi ɛ́ yi pfúnɛ ńdɔk Zẅikŋɛ yɛ́ yi ɛ́ nǔu pʉʉ ḿbɔ́ yɛ́ ɡú.

1 Kɔlɛ̂ŋtɛ 15:45

Ɛ́ yúu mi ɛ́ kɑ ɡɛnɛ pɛ́ ŋwɑꞋnɛ ŋɡɔ Ádɑm ẅí ɑ kɑ pɔ́nɛ nduŋmbi ŋumɛsɔŋ, Sɛ́ kɑ ɡɛ lɑ ɑ pɔ́ ɡú, lɑ́ ndẅiknzʉʉ Ádɑm tɔ́ ḿbɔ́ pɔ Zẅikŋɛ yi ɛ́ ŋ́ɡɛ pɛ́ pɔ́ ɡú.

2 Kɔlɛ̂ŋtɛ 13:5

Pʉʉ nɛ́ tú yʉ́ʉ pʉʉ líŋɛ́nɛ mbʉʉ yʉ́ʉ ńjʉ́ɔ. Kɛ pʉʉ sɛ́ ńnɛn ndʉ́ŋndʉŋ nǔu nu-Kɛlístɔ yi pʉʉ kɑ pɛ́mnɛ ɔɔ. Pʉʉ niitɛ ńtsɑꞋ. Pʉʉ kɑ́ pɔ́ ńjʉ́ɔ ŋɡɔ Kɛlístɔ tsɛt tʉ́m pʉʉ pɔ́ ɔɔ? Ɛ́ pɔ́ pɛ́Ꞌnɛ ḿbɔɔ pɔ́Ꞌɔ pɔ́, mbɔ ɛ́ lɔk ḿbɔ́ ŋɡɔ pʉʉ kɑ́ pɔ́ pʉɔ-Kɛlístɔ pɔ́.

2 Kɔlɛ̂ŋtɛ 4:11

Pɛk pí pɛk pɛ́t ɡú, pɛk ŋkɑ́ tsʉʉ ḿbɔ́ pɔ ntsu-nɛvú, mbíꞋ nu-Yɛ́su. Ɛ́ pɔ́Ꞌɔ, nɛpɔ́ yi pɛ́ ɡʉ ńdíŋɛ wɛ́k, ńjʉ́ɔ ŋɡɔ luk-Yɛ́su nǔu mbʉʉ yɛk tɛ mbɑ pɑ́Ꞌ ɛ́ ɡʉ ŋ́ɡɛ ḿpfú.

2 Kɔlɛ̂ŋtɛ 5:21

Pɑ́Ꞌ ndɔɔ kɑ pɔ́ tú pɛkŋɛ lɑ́, Sɛ́ kɑ tíi mɛnu kɛpɔŋ mɛkŋɛ, ńzɑ́p tú-Kɛlístɔ, mbɔ ɑ ŋkɑɑ yɛcɔ́ nu kɛpɔŋ ɡẅɛɛ. A kɑ ɡɛ pɔ́Ꞌɔ, pɑ́Ꞌ pɛkŋɛ ɡʉ ńdɔk nɛlɑt mbʉʉ nǔu Kɛlístɔ, ḿbɔ́ pʉɔ pi pɔ́p mbɔ̌ Sɛ́ ḿbɔ́ ndʉ́ŋndʉŋ.

Ŋɡɑlɑ̂t 2:20

Mɔ kɑ́nɛ pɛn ḿbɔ́ ɛ́sɑ́Ꞌ túmbʉʉ yɑ́ɑ pɔ́, Kɛlístɔ tsʉ́Ꞌnɛ ḿbɔ́ sɔŋ-mbʉʉ mɔ ɛ́sɑ́Ꞌ wɑ́ɑ. N dɑɑ ŋ́ɡɛ pɔ kʉ̈ɔ́ lɑ́, mbɔ ɛ́ pɔ́ pɔ ŋɡɔ ńzɑ́p tʉ́m yɑ́ɑ nǔu mɔ́ɔ-Sɛ́. A ŋu ẅí ɑ kɑ kɔŋnɛ wɑ́ɑ kɔŋnɛ tɛ ḿpfú nǔu tú yɑ́ɑ.

Ɛ́fɛ̂zɛ 3:17

Mɔ sɛ́ ḿbɛn ḿbɔ́ ḿbúꞋ mbɔ́ mbɔ̌ wɛ́ ŋɡɔ ɑ ɡɛ pʉʉ kɛ́ ḿbɔ́ ńzɑ́p tʉ́m pɔ nǔu Yɛ́su Kɛlístɔ. Kɛlístɔ ɛ̂wɑ́ lɔk pɔ́Ꞌɔ, ŋ́kɛ́ ḿbɔ́ ńnɑ́ŋ ḿbɔ́ pɔ tsɛt tʉ́m pʉ́ʉ. Mɔ sɛ́ ḿbɛn ḿbɔ́ ḿbúꞋ mbɔ́ mbɔ̌ ŋɡɔ ɑ ɡɛ pʉʉ kɔŋ Sɛ́, ḿbɛn ŋ́ɡẅɛɛ ŋkɔŋɛ tsɛtsɛt pʉʉ, ɛ́ lɛɛ pɔ́Ꞌɔ, pʉʉ tɛntɛ pɑ́Ꞌ tʉ́ yi mɛŋɑŋ mɛ́ kúunɛ sɛ́ lɑ́, mbɑ pɑ́Ꞌ ndɑ́ yi cʉ́ kúunɛ sɛ́.

Filipɛ 1:23

Mɛnu mɛmbɑ́ mɔnɛ mbi mɔ. Mɔ sɛ́ ńtsɑ́ɑ nɛfú ndǔ tsɛ́tsɑ́Ꞌ ŋ́ɡʉ pɛk Kɛlístɔ tsʉ́Ꞌnɛ ńnɑ́ŋ. Ɛ́ yɑ́ɑ tú yi sʉ́Ꞌnɛ nǔu.

Filipɛ 3:9

nɛpɔ́ yi ŋ ɡʉ tsʉ́Ꞌ ḿbɔ́ pɔ nǔu mbɔ́ mɛ́, ḿbɔ́ m bɔɔ pɛn ńcú ŋɡɔ mɔ kɛ́fɑɑnɛ mbi Sɛ́, mbíꞋŋɡɔ n jí nɛpʉ́ʉ-pɑyúdɑ pɔ́. Mɔ mbi yɛ́ ḿbɔ́ kɛ́fɑɑnɛ mbíꞋ pɔ nu yi n zɑ́pnɛ tʉ́m yɑ́ɑ nǔu Kɛlístɔ, Sɛ́ ɡɛnɛ ŋɡɔ m bɔ́ ŋu nɛ́nẅín pɑ́Ꞌ wɛ́tɛ́ ŋu ẅí ɑ zɑ́pnɛ tʉ́m yɛ́ nǔu Kɛlístɔ lɑ́.

Kɔlɔsíyɛ̂ŋ 1:27

MbíꞋŋɡɔ Sɛ́ kɑ jʉ́ɔ ŋɡɔ ɑ ɡʉ ŋ́ɡɛ pʉɔ pɛ́ jí yúu mi ɛ́ kɑ zɛɛ ńdʉ̈ɔmɛ mík-pʉɔ lʉɔmɛ́nɛ, ḿbɔ́ yi ɑ kɑ kɑꞋnɛ nɛɡɛ nǔu mɛtúu mɛtúu, yîyɑ́ yúu ɡẅɛɛ fuꞋ, ḿbɛn ḿbɔŋ tɛꞋ. Yîyɑ́ ntsɛm pɔ́ ŋɡɔ pʉʉ jí ŋɡɔ Kɛlístɔ ɑ tsɛt tʉ́m pʉʉ, ḿbɔ́ ŋ́ɡɛ pʉʉ zẅíꞋlɛ ŋkɑ́ yi pʉʉ ɡʉ ńdɑ́Ꞌ kúu tsɛt nɛɡúꞋ-Sɛ́.

1 Tɛsɑlɔník 4:16

Ɛ́ ɡʉ ńdɑ́Ꞌ lɛ́Ꞌ ɛ̂yɑ́, pɛ́ zúꞋ yúu mi ɛ́ pʉ́nɛ, tɑ́tndɑ́-pɛcʉ̈ɔ́Ꞌ-Sɛ́ ɡʉ ńdɑ́Ꞌ ŋ́ɡɑ́ ŋɡi yɛ́ tʉ́ ńcú nu, pɛ́ ɡʉ ńzúꞋ ŋɡi-ntɑŋ-Sɛ́, kwɑꞋ Tsɑpʉɔ fú tʉ́nɛ́pú ḿpfúu, pʉɔ pi pɔ́p kɑ ɡɔ́ ḿpfú ḿbɔ́ ńzɑ́p tʉ́m nǔu wɛ́ piitɛ ńzẅíimɛ nǔu nɛvú.

Ɛ́bɛlʉʉ 12:23

Pʉʉ kɑ kẅɛ́Ꞌlɛ mbʉʉ ńtɔ́ tsɛt cúꞋlɛ-pʉɔ pí Sɛ́ kɑ lɔknɛ wɔ́p ŋ́ɡɛ pʉɔ-pɛ́ pi pɔ́p túmbi, pɔ́p pɔ́ tsɛt tsɑ́ɑtɛ, mɛlík mɔ́p pɔ́ mɛ́ ŋwɑꞋnɛ́nɛ tʉ́nɛ́pú. Pʉʉ kɑ kẅɛ́Ꞌlɛ mbʉʉ ńtɔ́ nɛ́ kwɑꞋ nɛjɔ́ŋ Sɛ́, ɑ ndɑꞋ jʉ́, ḿbɔ́ ŋɑk pʉɔmɛsɔŋ pɛ́tsʉʉ. Pʉʉ kɑ tɔ́ nɛ́ zʉꞋ yí mɛzẅikŋɛ-pʉɔmɛsɔŋ pi pɔ́p ndʉ́ŋndʉŋ mbi Sɛ́ zúꞋu. Pɔ́p ŋkɔ̂ɔnɛ ḿbɔ́ pʉɔ-Sɛ́ pɔ tɑ́Ꞌ ŋkɑ́.

Ɛ́bɛlʉʉ 9:27

Pɑ́Ꞌ Sɛ́ kɑ zɑ́pnɛ ŋɡɔ wɛ́tɛ́ ŋumɛsɔŋ lɑ́ ɡʉ ŋ́kɛ́ ḿpfú pɔ pɑ́Ꞌ jʉ́ Sɛ́ ɡʉ ńtsɔ́Ꞌtɛ ntsɑŋ-ŋɡɑŋ lɑ́,

Mɛnu ɛ́ ńdɑ́Ꞌ ńcẅɛt 14:13

N zúꞋ yɛcɔ́ ŋɡi-ŋu fú tʉ́nɛ́pú ńcú ŋɡɔ: «ŊwɑꞋnɛ ŋɡɔ: Ɛ́ ɡʉ fú ŋkɔ̂ɔnɛ, pɛpɔ́ttú pɔ́ pʉɔ pí pɔ́p ɡʉ ŋ́ɡɔ ḿpfú, ḿpfú ntsufɑꞋ-Tsɑpʉɔ. Zẅikŋɛ lɛ́ɛnɛ́nɛ pɛ́m ŋɡɔ ɛ́ nu, pîpɑ́ pʉɔ ɡɛ ŋ́ɡʉ jẅiitɛ nǔu mɛfɑꞋ mɔ́p. MbíꞋŋɡɔ mɛfɑꞋ mɔ́p ŋ́ɡɛ pɔ́p ɡẅɛɛ tsɔ́ꞋfɑꞋ yɔ́p.»