Pʉɔ-Lɔ́mɑ 7:9 - Kɑɑ Fí

⁹ Ɛ́ kɑ pɔ́ ŋkɑ́ yi ŋ kɑ pɛ́tnɛ kɛ́ jí nɛpʉ́ʉ-Sɛ́, ńzúꞋ ḿbɔ́ pɔ sʉ́Ꞌnɛ, ŋ kɑ pɛn ḿbɔ́ tɛ ńjí, nɛtsɑ́ɑ nɛɡɛ nu kɛpɔŋ kúu nǔu mɔ,

Pʉɔ-Lɔ́mɑ 7:9 Marejeleo ya Msalaba

Mɑtʉ̈ɔ 19:20

Mɔ́ɔsuu ɛ̂wɑ́ cú mbɔ̌ wɛ́ ŋɡɔ: «Mɔ, n dɔ ŋ́kɛ́ ńtswɛ́ ŋ́ɡẅɛɛ mɛnɛpʉ́ʉ ɛ̂mɑ́ ɡẅɛɛnɛ tsʉʉ, kʉ̈ɔ́ pɛ́tnɛ ńjɑ́k wɑ́ɑ?»

Lúkɑ́shi 15:29

A tsɔ́Ꞌ mbɔ̌ wɛ́ ŋɡɔ: «Tɑ̌ɑ, ɛ fɑꞋ mbɔ̌ wu ŋɡuꞋ yɛ́sʉ́Ꞌʉ́? Mɔ ńdɑ́Ꞌ mɔ́ ŋ́kɛ́ ɛ́fɑɑnɛ nɛpʉ́ʉ nú? Lɑ́ ɔ mɑ́ɑ mɔ́ ŋ́ɡɑ́ wɑɑ mɔ́ɔ-mɔ̂mbí ndɑꞋ ŋɡɔ pɛk pɛsúu pɑ́ɑ jẅí ńdɔk ńtsɑ́ɑtɛ?

Lúkɑ́shi 18:21

Ŋu ɛ̂wɑ́ tsɔ́Ꞌ ŋɡɔ: «Tɛ ɛ́fú pɑꞋ ŋ kɑ pɛ́tnɛ mɔ́ɔsuu, n dɔ ŋ́kɛ́ ńtswɛ́ ŋ́ɡẅɛɛ nɛpʉ́ʉ ɛ̂nɑ́ ɡẅɛɛnɛ tsʉʉ.»

Pʉɔ-Lɔ́mɑ 10:5

Pʉʉ zúꞋ yúu mi Mɔ̌sɛ̂ɛ kɑ ŋwɑꞋnɛ́nɛ nǔu nu-sɛ̂ndúŋ ẅi ŋu ɛ́fú nǔu pɑ́Ꞌ ɑ ɡẅɛɛnɛ nɛpʉ́ʉ, ḿbɔ́ ndʉ́ŋndʉŋ mbi Sɛ́. «A kɑ cú ŋɡɔ: Ŋu lɑɑ ŋ́kúꞋlɛ nu tsʉʉ yi nɛpʉ́ʉ kɑ cúnɛ, lɑ́ mbɔ ɑ ɡʉ ńdúꞋnɛ nɛpʉ́ʉ lúꞋnɛ́nɛ»

Pʉɔ-Lɔ́mɑ 7:10

m pfú. Ɛ́ pɔ́ pɔ́Ꞌɔ, mbɔ nɛpʉ́ʉ ni ɛ́ ńzɛɛnɛ ḿbɔ́ ŋ́ɡʉ ŋ́ɡɛ ŋu pɔ́ ɡú, mbɔ ɛ́ tsʉ́Ꞌ ńtɔ́ nǔu mɔ ńcɑklɛ wɑ́ɑ ńníꞋ pɔ nǔu nɛvú.

Pʉɔ-Lɔ́mɑ 7:11

Ŋ kɑ zúꞋ nînɑ́ nɛpʉ́ʉ, nu kɛpɔŋ yi ɛ́ nǔu mɔ jʉ́ɔ shʉ́ ńdɔk nɛpʉ́ʉ ɛ̂nɑ́ ńdẅɑklɛ wɑ́ɑ, ŋ ɡɛ nu kɛpɔŋ, nu kɛpɔŋ lɛɛ nǔu ńjẅí wɑ́ɑ.

Pʉɔ-Lɔ́mɑ 7:4

Ɛ́ pɛn ḿbɔ́ pɔ ndʉ́ŋndʉŋ pɔ́Ꞌɔ nǔu pʉʉ mbɑ̌ɑ pɔ́ɔpɛ́mɑ́ pɑ́ɑ. Pʉʉ ŋkɔ̂ɔnɛ ḿbɔ́ nǔu nu-nɛpʉ́ʉ ḿbɔ́ pɔ pɛpfú lɑ ńdɔk ŋ́kuꞋ pʉɔ-Sɛ́, mbíꞋŋɡɔ pʉʉ pɛ́ Kɛlístɔ kɑ tɛmtɛ ḿpfú ŋkɑ́ yi ɑ kɑ pfúnɛ, pʉʉ pɛ́ nɛpʉ́ʉ lɔk pɔ́Ꞌɔ, fɑkŋɛ pɑ́Ꞌ pʉʉ ɡʉ ńtsʉ́Ꞌ ḿbɔ́ pɔ pʉɔ wɛcɔ́ ŋu ndɛꞋ, pʉɔ-Yɛ́su Kɛlístɔ ẅí Sɛ́ kɑ ɡɛnɛ ɑ zẅíimɛ nǔu nɛvú. Nɛpɔ́ yi pɛkŋɛ ɡʉ ɛ́fɑꞋ mɛfɑꞋ mi ɛ́ mɛ sʉ́Ꞌnɛ mbɔ̌ Sɛ́.

Pʉɔ-Lɔ́mɑ 7:6

Lɑ́ ɛ́ kɛ́ ḿbɔ́ ŋkɔ̂ɔnɛ pɛkŋɛ pɔɔ ḿbɛ́t ńnɛn pɔ nǔu sɛ̂ndúŋ-nɛpʉ́ʉ lɑ ńtsɑ́ɑ nɛpɔ́ ndʉ́ŋndʉŋ pɔ́, mbíꞋŋɡɔ pɛkŋɛ nǔu ẅîwɑ́ sɛ̂ndúŋ ẅi ɛ́ ḿbɔ́ ńdɔk wɛkŋɛ ŋ́ɡɛ ɡɑŋtsɑ́ŋ, ńtsʉ́Ꞌ pɔ pɛpfú. Lɑ́ pɛk ŋkɔ̂ɔnɛ ńtsʉ́Ꞌ ɛ́fɑꞋ mbɔ̌ Sɛ́ pɔ nǔu ntɛ́ yi fí, ńdɔk mɛtʉʉ-Zẅikŋɛ Lɛ́ɛnɛ́nɛ ɛ́fɑꞋ, tɛ pɛk kɑ́ pɛn ɛ́fɑꞋ nǔu ntɛ́ yɛ́ ŋkɑ́mbi, ŋkɑ́ yi pɛk kɑ pɔ́ ńzúꞋ pɔ ntsu-nɛpʉ́ʉ ni pɛ́ kɑ ŋwɑꞋnɛ́nɛ pɔ́.

Pʉɔ-Lɔ́mɑ 7:8

Nu kɛpɔŋ yi ɛ́ nǔu mɔ kɑ lɛɛtɛ pɔ nǔu nɛpʉ́ʉ ɛ̂nɑ́, ḿbʉ́Ꞌtɛ wɑ́ɑ, nɛɡɛ yúu kɛpɔŋ yi tʉ́m yɑ́ɑ tsɑ́ɑnɛ tɛ ɛ́ zɑ́ɑ zɑ́ɑnɛ, nɛpʉ́ʉ kɑ zɛɛ pɛ́Ꞌnɛ mbɔɔ ɡú pɔ́, mbɔ nu kɛpɔŋ kɑ́ ɡẅɛɛ tʉʉ pɔ́.

Pʉɔ-Lɔ́mɑ 8:7

Pɛcɔ́ pʉɔ nǔu sɛ̂ndúŋ-nɛvú mbíꞋŋɡɔ pʉɔ pi pɔ́p nɑ́ŋnɛ ńtík tʉ́m yɔ́p pɔ nǔu yúu mi mbʉʉ yɔp sɛ́ ɛ́sẅíi wɔ́p, pɛɡɑŋmbuu-Sɛ́. Pɔ́p kɑ́ kúꞋlɛ nɛpʉ́ʉ-Sɛ́ pɔ́, wɛcɔ́ shʉ́ nɛzɛɛ ŋ́kúꞋlɛ kɑ́ pɔ́ mbɔ̌ pɔ́p pɔ́.

Ŋɡɑlɑ̂t 2:19

Ɛ́ kɑ pɔ́ ŋkɑ́ yi ŋ kɑ pɛ́tnɛ ḿbɔ́ ńdɔɔ ŋɡɔ Sɛ́ fú nǔu pɑ́Ꞌ n cúnɛ ŋɡɔ ŋ kúꞋlɛ nɛpʉ́ʉ, ńtsʉ́Ꞌ ńdíŋɛ wɑ́ɑ pɔ pɑ́Ꞌ ŋu ẅí ɑ ndʉ́ŋndʉŋ, n zúꞋ ŋɡɔ mbɔ ɛ́ pɔɔ pɔ́Ꞌɔ pɔ́, yɛ́tɛ́ ɡɛnɛ lɑ n tsʉ́Ꞌ ḿbɔ́ yɑ́ɑ nǔu nu nɛpʉ́ʉ ḿbɔ́ pɔ mpfú, pɔ́Ꞌɔ lɑ́, ńjí ŋɡɔ ŋ ɡʉ ḿbɔ́ mbi Sɛ́ ḿbɔ sʉ́Ꞌnɛ. Sɛ́ kɑ zɛɛ ńdɑt wɛ́k Kɛlístɔ pɛ́ tɛmtɛ wɛ́knɛ ŋ́kẅii nǔu tʉ́ mbɑ́ŋtɛ pɑ́ŋtɛ́nɛ.

Ŋɡɑlɑ̂t 3:10

Sɛ́ zɛɛ ńníꞋ pɔ ndɔɔ tú-pʉɔ pi pɔ́p lɔknɛ nɛcú ŋɡɔ pɔ́p ɡẅɛɛnɛ nɛpʉ́ʉ ńdɔk ŋ́ɡɛ yɔ́p mbɑ kʉ̈ɔ́lɑ́, mbíꞋŋɡɔ ŋwɑꞋnɛ-Sɛ́ cú ŋɡɔ: Ŋu lɑɑ mbɔɔ kúꞋlɛ nɛpʉ́ʉ pɔ tsʉʉ pɔ́, ḿbɔ́ ŋɡɔŋ ŋkɑ́ tsʉʉ ḿbɔɔ ŋ́ɡɛ pɔ yúu mi ɛ́ tsɛt ŋwɑꞋnɛ-nɛpʉ́ʉ pɔ́, mbɔ ŋɡɑŋ tíi ndɔɔ.