Pʉɔ-Lɔ́mɑ 7:6 - Kɑɑ Fí

⁶ Lɑ́ ɛ́ kɛ́ ḿbɔ́ ŋkɔ̂ɔnɛ pɛkŋɛ pɔɔ ḿbɛ́t ńnɛn pɔ nǔu sɛ̂ndúŋ-nɛpʉ́ʉ lɑ ńtsɑ́ɑ nɛpɔ́ ndʉ́ŋndʉŋ pɔ́, mbíꞋŋɡɔ pɛkŋɛ nǔu ẅîwɑ́ sɛ̂ndúŋ ẅi ɛ́ ḿbɔ́ ńdɔk wɛkŋɛ ŋ́ɡɛ ɡɑŋtsɑ́ŋ, ńtsʉ́Ꞌ pɔ pɛpfú. Lɑ́ pɛk ŋkɔ̂ɔnɛ ńtsʉ́Ꞌ ɛ́fɑꞋ mbɔ̌ Sɛ́ pɔ nǔu ntɛ́ yi fí, ńdɔk mɛtʉʉ-Zẅikŋɛ Lɛ́ɛnɛ́nɛ ɛ́fɑꞋ, tɛ pɛk kɑ́ pɛn ɛ́fɑꞋ nǔu ntɛ́ yɛ́ ŋkɑ́mbi, ŋkɑ́ yi pɛk kɑ pɔ́ ńzúꞋ pɔ ntsu-nɛpʉ́ʉ ni pɛ́ kɑ ŋwɑꞋnɛ́nɛ pɔ́.

Pʉɔ-Lɔ́mɑ 7:6 Marejeleo ya Msalaba

Pʉɔ-Lɔ́mɑ 1:9

Mbɑ ŋkɑ́ kʉ̈ɔ́ lɑ́ yi mɔ sɛ́ ḿbúꞋ mbɔ́ mbɔ̌ Sɛ́, m bɔɔ nɑ́ kɛ́ kɛ́ ŋ́kẅíitɛ wʉ́ʉ pɔ́. Sɛ́ sɛ́ ńjí pɔ́Ꞌɔ. N cú pɑ́Ꞌɑ ḿbɔ́ ŋu ẅí ɑ sɛ́ fɑꞋ fɑꞋ yɛ́ nɛ́ ŋɡɔŋ tʉ́m yɛ́ tsʉʉ, ḿbɔ́ ńcẅi Ŋkʉʉ Sʉ́Ꞌnɛ ẅí ɛ́ líŋɛ́nɛ Mɔ́ɔ nɛ.

Pʉɔ-Lɔ́mɑ 12:2

Kɔɔ pʉʉ ɡɛ mʉ́ʉ mɛnu pɑ́Ꞌ pʉɔ pi pɔ́p ndǔmbí ŋkɔ̂ɔnɛ. Pʉʉ pɛ́m Sɛ́ pɔ́ ŋ́ɡɑ́ jínu yɛ fí mbɔ̌ pʉʉ ńdɔk ŋ́kúpmɛ yʉʉ ntɛ́ nɛkwɑŋɛ nu pɔ tsʉʉ, ɛ́ lɛɛ pɔ́Ꞌɔ, pʉʉ kuꞋ nɛjí yúu mi jʉ́ Sɛ́ sɛ́ ŋ́kɔŋ ŋɡɔ pʉʉ ɡɛ. Pʉʉ jí yúu mi ɛ́ pɔŋnɛ, ńjí yi ɛ́ pɔŋnɛ wɛ́, ńjí yi yɛcɔ́ lɔ́Ꞌ kɑ́ pɔ́ nǔu pɔ́.

Pʉɔ-Lɔ́mɑ 6:11

Mbɑ pʉʉ yʉ́ʉ, pʉʉ líŋɛ túmbʉʉ yʉ́ʉ pɑ́Ꞌ pʉɔ pi pɔ́p nǔu nu kɛpɔŋ, ńtsʉ́Ꞌ pɔ pɛpfú. Pʉʉ tsʉ́Ꞌ ḿbɔ́ pɔ pʉɔ pi pɔ́p lɔk pɑ́Ꞌ pɔ́p lɑtnɛ mbʉʉ nǔu Kɛlístɔ, ńtsʉ́Ꞌ ŋ́ɡẅɛɛ pɔ ntɛ́ yɛ́ fí pɑ́Ꞌ pɔ́p ɡʉ ɛ́fɑꞋ fɑꞋ-Sɛ́.

Pʉɔ-Lɔ́mɑ 6:19

N dɑɑ ḿbɔ́ yi m bɛ́ɛ fʉꞋ nǔu mɛnu mi ɛ́ sɛ́ ńdɛɛtɛ tsɛtsɛt pʉɔmɛsɔŋ, mbɔ mɔ, n dɔk ńdɔɔ nɛɡɛ pʉʉ tsuŋ ńzúꞋ, mbíꞋŋɡɔ ŋumɛsɔŋ pɔ́t pɔ́tnɛ. Pʉʉ kɑ lɔk mɛkɛm-mbʉʉ mʉ́ʉ ŋ́ɡɛ pɛkwɑɑ-mɛnu-ntsɛ́lɛ́ pɔ́p yɛ́ mɛnu lɔk ńtɑ́k zʉꞋ. Mîmɑ́ mɛnu pɔ́ mi ɛ́ ɡɛnɛ pɛ́ tʉʉ tú mbɔ̌ Sɛ́ tʉʉnɛ. Ndʉ́ŋndʉŋ pɔ́Ꞌɔ, pʉʉ pɔ́ ŋkɔ̂ɔnɛ ńtsʉ́Ꞌ ńdɔk mɛkɛm-mbʉʉ mʉ́ʉ ɛ̂mɑ́ ŋ́ɡɛ pɔ ŋkwɑɑ ẅi ɑ fɑꞋnɛ mbɔ̌ yúu mi ɛ́ ndʉ́ŋndʉŋ mbi Sɛ́, ɛ́ kɛ ɛ́fú pɔ́Ꞌɔ, nɛnɑ́ŋ wʉʉ pɔ́ wɛ Sɛ́.

Pʉɔ-Lɔ́mɑ 6:2

Ŋɡɑ́ŋ! Mbɔ pɛkŋɛ pɔɔ pɔ́Ꞌɔ ɡɛ. Pɑ́Ꞌ ɛ́ zɛɛ ḿbɔ́ nǔu nɛɡɛ nu kɛpɔŋ, mbɔ pɛkŋɛ kɑ pfú mɔ́ lɑ́, mbɔ pɛkŋɛ ŋ́ɡɛ pɑ́Ꞌɑ lɑ ḿbɛn ḿbɔ́ ŋ́ɡɛ pɔ nu kɛpɔŋ?

Pʉɔ-Lɔ́mɑ 6:22

Lɑ́ pɑ́Ꞌ ɛ́ kɛ́ ḿbɛn ḿbɔ́ ŋkɔ̂ɔnɛ, mbɔ Sɛ́ kíɛꞋ ŋkʉ-nu kɛpɔŋ nǔu pʉʉ, pʉʉ tsʉ́Ꞌ pɛkwɑɑ pɛ́ lɑ́, pii yi ɛ́ sɛ́ ńcẅɛt ɛ́ pɑ́Ꞌ Sɛ́ sɛ́ ńcẅɛ́lɛ wʉ́ʉ pʉʉ pɔ́ ŋ́ɡẅɛɛ tsẅɛ́-pʉɔ pɛ́, ɛ́ ɡʉ ŋ́ɡɛ ńtsʉ́Ꞌ nɛmɛkŋɛ pʉʉ ɡẅɛɛ luk kɛ́mɛ,

Pʉɔ-Lɔ́mɑ 6:4

Pɑ́Ꞌ ɛ́ kɑ fúnɛ nǔu cẅɛ́ɛ ŋki, pɛkŋɛ pɛpɔ́p tɛmtɛ ḿpfú, pɛ́ pɛn ńtɛmtɛ wɛkŋɛ pɛpɔ́p ńtẅíi lɑ́, nɛpɔ́ yi pɑ́Ꞌ Sɛ́ Tɑ̌ɑ kɑ lɔknɛ mɛtʉʉ mi ɛ́ ɡẅɛɛnɛ nɛɡúꞋ, ŋ́ɡɛ Kɛlístɔ zẅíimɛ nǔu nɛvú lɑ́, pɛkŋɛ ɡúu ɡʉ tsʉ́Ꞌ ḿbɔ́ pɔ tsɛt luk fí.

Pʉɔ-Lɔ́mɑ 7:1

Pɔ́ɔpɛ́mɑ́ pɑ́ɑ, pʉʉ pi pʉʉ sɛ́ ńjí yúu mi nɛpʉ́ʉ yɛ́tɛ́, pʉʉ kɑ́ pɔ́ ḿmuŋɛ ŋɡɔ nɛpʉ́ʉ ɡẅɛɛ nu nǔu ŋu pɔ ŋkɑ́ yi ŋɡɑŋ pɛ́tnɛ ntʉʉ pɔ́.

Pʉɔ-Lɔ́mɑ 7:2

Pɛkŋɛ pɛ́ɛ fʉꞋ nǔu mɑŋɡɛ́ zɔ́Ꞌnɛ. Ndúu mɛ pɛ́t pɔ́ sʉ́Ꞌnɛ, ɑ kɑ́ ɡẅɛɛ nɛnɑ́ wɛ́ ŋ́ɡʉ ńtsɛ́t wɛcɔ́ ŋu mbɛ́ɛnɛ pɔ́pmɛ́ zɔ́Ꞌ pɔ́, nɛpʉ́ʉ lʉꞋ pɔ́Ꞌɔ. Lɑ́ ndúu mɛ lɑɑ ḿbɔ́ tɛ ḿpfú, nɛpʉ́ʉ pɛ́m ŋɡɔ ḿbɔ́ ɑ ɡʉ ńtsɛ́t wɛcɔ́ ŋu mbɛ́ɛnɛ pɔ́pmɛ́ zɔ́Ꞌ.

Pʉɔ-Lɔ́mɑ 7:4

Ɛ́ pɛn ḿbɔ́ pɔ ndʉ́ŋndʉŋ pɔ́Ꞌɔ nǔu pʉʉ mbɑ̌ɑ pɔ́ɔpɛ́mɑ́ pɑ́ɑ. Pʉʉ ŋkɔ̂ɔnɛ ḿbɔ́ nǔu nu-nɛpʉ́ʉ ḿbɔ́ pɔ pɛpfú lɑ ńdɔk ŋ́kuꞋ pʉɔ-Sɛ́, mbíꞋŋɡɔ pʉʉ pɛ́ Kɛlístɔ kɑ tɛmtɛ ḿpfú ŋkɑ́ yi ɑ kɑ pfúnɛ, pʉʉ pɛ́ nɛpʉ́ʉ lɔk pɔ́Ꞌɔ, fɑkŋɛ pɑ́Ꞌ pʉʉ ɡʉ ńtsʉ́Ꞌ ḿbɔ́ pɔ pʉɔ wɛcɔ́ ŋu ndɛꞋ, pʉɔ-Yɛ́su Kɛlístɔ ẅí Sɛ́ kɑ ɡɛnɛ ɑ zẅíimɛ nǔu nɛvú. Nɛpɔ́ yi pɛkŋɛ ɡʉ ɛ́fɑꞋ mɛfɑꞋ mi ɛ́ mɛ sʉ́Ꞌnɛ mbɔ̌ Sɛ́.

2 Kɔlɛ̂ŋtɛ 3:6

Jʉ́ kɑ ɡɛnɛ pɛk kuꞋ nɛpɔ́ pɑfɑꞋ fɑꞋ, nǔu kɑɑ yɛ́ fí. Yîyɑ́ kɑɑ kɑ́ pɔ́ fú pɔ nǔu nɛpʉ́ʉ ni pɛ́ kɑ ŋwɑꞋnɛ́nɛ pɔ́, ɛ́ fú pɔ nǔu Zẅikŋɛ-Sɛ́. Nɛpʉ́ʉ ni pɛ́ kɑ ŋwɑꞋnɛ́nɛ, ɛ́ ɡɛ ŋu pfú pfúnɛ, Zẅikŋɛ ɡɛ ŋu pɔ́ pɔ ɡú.

2 Kɔlɛ̂ŋtɛ 5:17

Ŋu pɔ́ tɛ ńdɑt mbʉʉ yɛ nǔu Kɛlístɔ, ńtsʉ́Ꞌ ḿbɔ́ pɔ ŋu fí, ḿbɔ́ tsɛt tʉ́m yɛ́ mbɔɔ pɛn ḿbɔ́ pɑ́Ꞌ ɑ kɑ zɛɛnɛ ḿbɔ́ pɔ́, mbɔ ɑ zɛ nɛnɑ́ŋ wɛ fí.

Ŋɡɑlɑ̂t 3:13

Lɑ́, pɑ́Ꞌ sɛ̂ndúŋ-nɛpʉ́ʉ ɡɛ pɛkŋɛ tíi pɔ ndɔɔ lɑ́, Kɛlístɔ kɑ tɔ́ ŋ́ɡɛ pɛkŋɛ luk ndɔɔ ɛ̂yɑ́. A kɑ jɛ́p ńtíi ḿbiꞋ, ńtsʉ́Ꞌ ŋɡɑŋ ndɔɔ mbíꞋ wɛkŋɛ. Pɛ́ cú mbíꞋŋɡɔ pɛ́ kɑ ŋwɑꞋnɛ ŋɡɔ: Ndɔɔ tú-ŋu ẅí pɛ́ kẅiinɛ wɛ́ nǔu tʉ́.

Ŋɡɑlɑ̂t 6:15

Ɛ́ mbɔ̌ Sɛ́ nɛpúꞋ ŋu, kɛ nɛnɑ́ ŋɡɑŋ kɛ́ púꞋ ɔɔ, pɔɔ cẅɛ́lɛ́. Nu yi ɛ́ cẅɛ́lɛ́nɛ pɔ́ pɔ pɑ́Ꞌ ŋu shɔtnɛ ńtsʉ́Ꞌ ŋu fí.

Ɛ́fɛ̂zɛ 4:24

Ɛ́ pɛn ḿbɔ́ ḿbíkŋɛ ŋɡɔ pʉʉ kúu nǔu mɑt fí pɑ́Ꞌ ŋu tíi ndẅí fí ḿmɑꞋ nǔu wɛ́ lɑ́. Sɛ́ kɑ nɔŋnɛ ẅîwɑ́ mɑt. Ẅîwɑ́ mɑt ẅí pɛ́ jʉ́ɔnɛ nǔu ŋu ẅí ɑ sɛ́ ńnɛn nǔu pɑ́Ꞌ ɛ́ sɛ́ ḿbíkŋɛ, ḿbɔ́ ŋu ẅí ɑ kɑ nɑ́ yɛ́ luk tsʉʉ mbɔ̌ Sɛ́. Ẅîwɑ́ nɛnɛn ɛ́fú nǔu nu nɛ́nẅín.

Filipɛ 3:3

Pɛkŋɛ pɔ́nɛ pʉɔ pi pɛ́ kɑ tsuŋnɛ ḿbúꞋ wɔ́p. Zẅikŋɛ ɡɛnɛ pɛkŋɛ ɡúꞋlɛ Sɛ́. Pɛkŋɛ lɔk pɔ Yɛ́su Kɛlístɔ ńtsɑ́ɑtɛ, kɔɔ pɛkŋɛ zɑ́p tʉ́m pɔ nǔu yúu mi pɛkŋɛ ɡɛnɛ.

Kɔlɔsíyɛ̂ŋ 3:10

Pʉʉ pɑ́Ꞌɑ, mbɔ pʉʉ kɑ tíi mɑt-ŋu fí, ḿmɑꞋ mbʉʉ pʉʉ. Ẅîwɑ́ mɑt fú mbɔ̌ Sɛ́. Jʉ́ niitɛ́nɛ ŋɡɔŋ ŋkɑ́ tsʉʉ nɛpɔ́ yi mɑt ɛ̂wɑ́ ɡʉ fí wɛ. Sɛ́ ɡɛ pɔ́Ꞌɔ, nɛpɔ́ yi pʉʉ ɡʉ tsuŋ ńjí wɛ́.