Pʉɔ-Lɔ́mɑ 7:25 - Kɑɑ Fí

²⁵ Sɛ́ ɡʉnɛ ńtɔ́ tsɛtú ńcẅɛɛtɛ wɑ́ɑ. Ńdɛɛtɛ nǔu Tsɑpʉɔ wɛkŋɛ Yɛ́su Kɛlístɔ, ɡúꞌlɛ pɔ́ mbɔ̌ wɛ́. Ɛ́ pɔ́Ꞌɔ, jínu yɑ́ɑ pɔ́ ɛ́sẅíi wɑ́ɑ ŋɡɔ mɔ ɡẅɛɛnɛ nɛpʉ́ʉ-Sɛ́, lɑ́ mbɑp-mbʉʉ-ŋumɛsɔŋ yi ŋ ɡẅɛɛnɛ pɔ́ ńtsʉ́ʉnɛ wɑ́ɑ ŋ kúꞋlɛ pɔ nɛpʉ́ʉ-nu kɛpɔŋ.

Pʉɔ-Lɔ́mɑ 7:25 Marejeleo ya Msalaba

Mɑtʉ̈ɔ 1:21

A ɡʉ ńtɑ́ɑ ḿbí mɔ́ɔ mbɛ́ɛnɛ, ɔ cẅi lík yɛ́ ŋɡɔ Yɛ́su, ńdɔk ńcú ŋɡɔ ɛ́fúŋ wɛ́ pɔ́Ꞌɔ, mbíꞋŋɡɔ jʉ́ ɡʉnɛ ŋ́ɡɛ pʉɔ-lɑ́Ꞌ pɔ́p luk ndɔɔ-mɛnu kɛpɔŋ mɔ́p. Yɛ́su lɔk ńcú ŋɡɔ luk.»

Pʉɔ-Lɔ́mɑ 6:14

Nu kɛpɔŋ zɛɛ ḿbɔɔ ńdɑ́Ꞌ ŋ́ɡʉ ḿbɛn ŋ́ɡẅɛɛ wʉ́ʉ pɔ́, mbíꞋŋɡɔ pʉʉ kɑ́ pɛ́t ńnɛn nǔu sɛ̂ndúŋ nɛpʉ́ʉ pɔ́, pʉʉ ńtsʉ́Ꞌ ńnɛn pɔ nǔu sɛ̂ndúŋ ẅi Sɛ́ sɛ́ ńdɛɛ nǔu ŋ́ɡɑ́ fuꞋ níinɛ yʉ́ʉ, pʉʉ pɔ́ ŋ́ɡɛ yúu mi ɛ́ ndʉ́ŋndʉŋ.

Pʉɔ-Lɔ́mɑ 6:17

Pɛkŋɛ kɛ́ ŋ́ɡɑ́ pɑ́Ꞌlɑ́ mbɔ̌ Sɛ́, mbíꞋŋɡɔ pʉʉ kɑ pɔ́ yɛcɔ́ ŋkɑ́ ḿbɔ́ ŋkwɑɑ-nu kɛpɔŋ, pʉʉ ŋkɔ̂ɔnɛ, mbɔ pʉʉ lɔk tʉ́m yʉ́ʉ tsʉʉ, ḿbɛ́m yúu mi pɛ́ kɑ zíꞋnɛ wʉ́ʉ. Ɛ́ pɔ́ yi ɛ́ sɛ́ ḿbíkŋɛ ŋɡɔ pʉʉ piitɛ ńjí,

Pʉɔ-Lɔ́mɑ 8:2

mbíꞋŋɡɔ ŋu zɛɛ ḿbɔ́ tɛ ńdɑt mbʉʉ yɛ nǔu Yɛ́su Kɛlístɔ nɛpʉ́ʉ ni ɛ́ tsʉ́Ꞌnɛ ɛ́sɑ́Ꞌ wɛ́ pɔ́ pɔ yɛ Zẅikŋɛ Lɛ́ɛnɛ́nɛ yi ɛ́ ŋ́ɡɛ pɛ́ pɔ́ ɡú. Mîmɑ́ mbʉ́ʉ kɑ cẅɛ́ɛ wɑ́ɑ mbɔ̌ nɛpʉ́ʉ ni ɛ́ jínɛ nu kɛpɔŋ, ḿbɔ́ mi ɛ́ ɡɛnɛ pɛ́ pfú.

1 Kɔlɛ̂ŋtɛ 15:57

Lɑ́ pɛkŋɛ ɡɑ́ pɑ́Ꞌlɑ́ mbɔ̌ Sɛ́ ẅí ɑ ɡɛnɛ pɛkŋɛ lɛɛ nǔu Tsɑpʉɔ wɛkŋɛ Yɛ́su Kɛlístɔ, ŋ́ɡɛ pɛkŋɛ tsɑ nu kɛpɔŋ mbɑ nɛvú.

2 Kɔlɛ̂ŋtɛ 9:15

Pɔ́Ꞌɔ lɑ́, ɛ́ pɔŋ ŋɡɔ pɛkŋɛ ɡɑ́ pɑ́Ꞌlɑ́ mbɔ̌ Sɛ́, nǔu fuꞋ níinɛ kɛ́ fʉꞋ yi ɑ kɑ ɡɑ́nɛ mbɔ̌ pɛkŋɛ.

Ɛ́fɛ̂zɛ 5:20

Pʉʉ lɔk lík-Tsɑpʉɔ wɛkŋɛ Yɛ́su Kɛlístɔ ḿbɔ́ ŋ́ɡɛ́mtɛ Sɛ́ Tɑ́t ŋkɑ́ tsʉʉ, nǔu yúu tsʉʉ.

Filipɛ 3:3

Pɛkŋɛ pɔ́nɛ pʉɔ pi pɛ́ kɑ tsuŋnɛ ḿbúꞋ wɔ́p. Zẅikŋɛ ɡɛnɛ pɛkŋɛ ɡúꞋlɛ Sɛ́. Pɛkŋɛ lɔk pɔ Yɛ́su Kɛlístɔ ńtsɑ́ɑtɛ, kɔɔ pɛkŋɛ zɑ́p tʉ́m pɔ nǔu yúu mi pɛkŋɛ ɡɛnɛ.

Filipɛ 4:6

Kɔɔ pʉʉ púꞋ mbʉʉ yʉʉ nǔu yɛcɔ́ nu. Lɑ́, kʉ̈ɔ́ lɑ́ lɑɑnɛ ńtʉ́ʉ sɛ́ ɔɔ, pʉʉ púꞋ mbɔ́ mbɔ̌ Sɛ́, ɛ́sẅíi wɛ́ nɛ́ yúu mi pʉʉ sɛ́ ńtsɑ́ɑ, ḿbúꞋ mbɔ́ mbɔ̌ wɛ́, ḿbɛn ŋ́ɡɑ́ pɑ́Ꞌlɑ́ mbɔ̌ wɛ́.

Kɔlɔsíyɛ̂ŋ 3:17

Pʉʉ lɑɑ ḿbɔ́ ŋ́ɡɛ pɔ kʉ̈ɔ́ ɔɔ, kɛ ɛ́sẅíi pɔ kʉ̈ɔ́ lɑ́, pʉʉ tík pɔ lík-Tsɑpʉɔ Yɛ́su mbi, ḿbɔ́ ŋ́ɡɑ́ pɑ́Ꞌlɑ́ mbɔ̌ Tɑ́t wɛkŋɛ Sɛ́, ńdɛɛ nǔu Yɛ́su.

1 Pyɛ̂ 2:5

Ɛ́ pɔŋ ŋɡɔ pʉʉ ɡúu pi pʉʉ ɡẅɛɛnɛ kwɑꞋ luk, pʉʉ pɛ́m, Sɛ́ lɔk wʉ́ʉ ŋ́ɡɛ mɛŋɡɔꞋ, ńdɔk ŋ́kút ndɑ́-Zẅikŋɛ Lɛ́ɛnɛ́nɛ. Pʉʉ pɔ́ tsɛtú ḿbɔ́ pɑnɔŋpɔꞋ pi Sɛ́ kɑ tsɔ́Ꞌnɛ, pi pɔ́p ɡʉ ńdɛɛtɛ nzʉʉ Yɛ́su Kɛlístɔ, ńnɔŋ pɔꞋ ẅí ɛ́ pɔŋnɛ Sɛ́.

1 Pyɛ̂ 2:9

Lɑ́ ŋ́ɡʉ nǔu pʉʉ, mbɔ pʉʉ njẅɛt-pʉɔ pi Sɛ́ kɑ kɑŋnɛ, ḿbɔ́ pɑnɔŋpɔꞋ-fɔɔ wɛ ɡwɛ́, ḿbɔ́ lɑ́Ꞌ yi ɛ́ yɛ́, ḿbɔ́ pʉɔ pi ɑ kɑ tsúꞋnɛ wɔ́p pɔ́p pɔ́ pɛ́, pɑ́Ꞌ pɔ́p ŋ́ɡɛ ŋ́ɡʉ ɛ́sẅíi mɛmɑ́ mɛnu mi ɑ kɑ ɡɛnɛ, jʉ́ ẅí ɑ kɑ fúnɛ tsɛt nzɛ́nzʉ́ʉ ńcẅɛɛtɛ wʉ́ʉ, ńníꞋ wʉ́ʉ nǔu zʉꞋ fúknɛ yi kyɛꞌ sʉ́Ꞌnɛ yɛ́ zúꞋu.