Pʉɔ-Lɔ́mɑ 7:24 - Kɑɑ Fí

²⁴ Ŋ kɑ́ pɔ́ pɑ́Ꞌnɛ ḿbɔ́ pɔ pʉ́ktú pɔ́, wɔ́ ɡʉnɛ ńdɑ́Ꞌ ɛ́fú tsɛt yɔ mbʉʉ yi ɛ́ fúŋnɛ nɛvú ńníꞋ nǔu mɔ ńcẅɛɛtɛ wɑ́ɑ?

Pʉɔ-Lɔ́mɑ 7:24 Marejeleo ya Msalaba

Mɑtʉ̈ɔ 5:4

Pɛpɔ́ttú pʉɔ pinɛ pɔ́p sɛ́ ŋ́kíi, mbíꞋŋɡɔ Sɛ́ ɡʉ ŋ́ɡɛ ńjíi ŋki-mík mɔ́p

Mɑtʉ̈ɔ 5:6

Pɛpɔ́ttú pʉɔ pinɛ pɔ́p sɛ́ ńtsuŋ ńtsɑ́ɑ nɛɡɛ yúu mi Sɛ́ kɔŋnɛ, mbíꞋŋɡɔ Sɛ́ ɡʉ ŋ́ɡɛ pɔ́p ɡɛ yúu mi pɔ́p tsuŋnɛ ńtsɑ́ɑ.

Lúkɑ́shi 4:18

«Zẅikŋɛ-Tsɑpʉɔ nǔu mɔ, mbíꞋŋɡɔ ɑ kɑ zɔ́Ꞌ wɑ́ɑ, ńtúu wɑ́ɑ ŋɡɔ ŋ ɡʉ, ɛ́sɑ́Ꞌ Ŋkʉʉ sʉ́Ꞌnɛ mbɔ̌ ɡɑŋɡʉ̈ɔ́Ꞌ, ńtúu wɑ́ɑ ŋɡɔ ŋ ɡʉ ɛ́sɑ́Ꞌ mbɔ̌ ɡɑŋtsɑ́ŋ ńcú ŋɡɔ: Pɛ́ ɡʉ ńcẅɛɛtɛ wɔ́p ndɑ́-kwɑɑ, ńtúu wɑ́ɑ ŋɡɔ ŋ ɡʉ, ŋ́ɡɛ pɛfʉmík jʉ́ɔ zʉꞋ, ŋɡɔ ŋ ɡʉ, ńtɔ́ɔtɛ nzʉʉ pʉɔ pinɛ pɛ́ sɛ́ ɛ́fyɛ́t wɔ́p,

Pʉɔ-Lɔ́mɑ 6:6

Kɔɔ pɛkŋɛ likŋɛ ŋɡɔ: Pɛ́ kɑ tɛmtɛ Kɛlístɔ nɛ ndɛn ŋu ẅí ɑ kɑ pɔ́ nǔu pɛkŋɛ ŋ́kẅii nǔu tʉ́ mbɑ́ŋtɛ pɑ́ŋtɛ́nɛ, nɛpɔ́ yi mɛtʉʉ yúu mi ɛ́ kɑ pɔ́ nǔu pɛkŋɛ, ńtsʉ́ʉnɛ wɛkŋɛ pɛkŋɛ ɡɛ nu kɛpɔŋ, ɛ́ ɡʉ ḿmɛ pɛkŋɛ pɔɔ pɛn ḿbɔ́ pɛkwɑɑ-nu kɛpɔŋ pɔ́.

Pʉɔ-Lɔ́mɑ 8:13

Pʉʉ lɑɑ ńnɑ́ŋ nǔu ntɛ́ yi mbʉʉ yʉʉ sɛ́ ɛ́sẅíi wʉ́ʉ, mbɔ pʉʉ ɡʉ ḿpfútɛ, lɑ́ ŋ́kɛ́ ḿbɔ́ yi pʉʉ lɑɑ ńdɔk mɛtʉʉ-Zẅikŋɛ-Sɛ́ ḿbík mɑt kɛpɔŋ ẅi ɛ́ fúnɛ nǔu mbʉʉ, mbɔ pʉʉ ɡʉ ḿbɔ́ ɡú.

Pʉɔ-Lɔ́mɑ 8:2

mbíꞋŋɡɔ ŋu zɛɛ ḿbɔ́ tɛ ńdɑt mbʉʉ yɛ nǔu Yɛ́su Kɛlístɔ nɛpʉ́ʉ ni ɛ́ tsʉ́Ꞌnɛ ɛ́sɑ́Ꞌ wɛ́ pɔ́ pɔ yɛ Zẅikŋɛ Lɛ́ɛnɛ́nɛ yi ɛ́ ŋ́ɡɛ pɛ́ pɔ́ ɡú. Mîmɑ́ mbʉ́ʉ kɑ cẅɛ́ɛ wɑ́ɑ mbɔ̌ nɛpʉ́ʉ ni ɛ́ jínɛ nu kɛpɔŋ, ḿbɔ́ mi ɛ́ ɡɛnɛ pɛ́ pfú.

Pʉɔ-Lɔ́mɑ 8:23

Yúu ɛ̂mɑ́ kɑ́ pɔ́nɛ ńcú zɛ́nɛ jʉ́ pɔ́ pɛkŋɛ pi Sɛ́ kɑ lɔknɛ Zẅikŋɛ yɛ́ ŋ́ɡɛ pɛkŋɛ ɡẅɛɛ tú-yúu nǔu yúu mi ɑ kɑ kɑꞋnɛ nɛɡɑ́ mbɔ̌ pɛkŋɛ, pɛkŋɛ ɡúu pɛn ḿbɔ́ tsɛt tʉ́m pɛkŋɛ ńcú pɔ pɔ́Ꞌɔ, ḿbɔ́ ńzẅíꞋlɛ lɛ́Ꞌ yi Sɛ́ ɡʉ ńdɔk wɛkŋɛ ŋ́ɡɛ pʉɔ-pɛ́ ndɑꞋ ndɑꞋ, pɛkŋɛ ɡẅɛɛ mbʉʉ yi fí, ńduk ŋɡʉ̈ɔ́Ꞌ.

Pʉɔ-Lɔ́mɑ 8:26

NɛzẅíꞋlɛ ɛ̂wɑ́ pɛn ḿbɔ́ pɔ ndʉ́ŋndʉŋ pɑ́Ꞌ Zẅikŋɛ-Sɛ́ tɔ́nɛ ńcẅɛ́lɛ wɛkŋɛ ẅí pɛkŋɛ kɑ́ɑ kɑ́ɑnɛ lɑ́. Pɛkŋɛ pɔɔ jí nɛcɛꞋlɛ Sɛ́ nǔu ntɛ́ yi ɛ́ sɛ́ ḿbíkŋɛ pɔ́, Zẅikŋɛ-Sɛ́ cɛꞋlɛ Sɛ́ nǔu tú yɛkŋɛ, wɛ nɛpúꞋ mbɔ́ mbɔ̌ Sɛ́ lɛɛ yúu mi ḿbɔ́ pɛkŋɛ cú mbɔ̌ Sɛ́.

Kɔlɔsíyɛ̂ŋ 2:11

Pʉʉ pɛ Kɛlístɔ kɑ pɔ́ tɛ ńtɛmtɛ, Sɛ́ ɡɛ lii nǔu pʉʉ. Ɛ́ pɔ́ yi ɛ́ nyɛtnɛ ŋɡɔ pʉʉ pʉɔ pɛ́. A kɑ pɔ́ yɛcɔ́ ŋkɑ́ ńcú mbɔ̌ pɑyúdɑ ŋɡɔ pɔ́p ɡɛ pɛ́ púꞋ wɔ́p, ɛ́ pɔ́ lii, lɑ́ ɛ́ kɛ́ ŋ́ɡʉ nǔu pʉʉ, mbɔ lii yi ɑ ɡɛnɛ nǔu pʉʉ, ɛ́ kɑ́ pɔ́ ɛ́fú mbɔ̌ pʉɔmɛsɔŋ pɔ́, ɛ́ fú pɔ mbɔ̌ Kɛlístɔ. Ńdɔk ńcẅɛɛtɛ nu kɛpɔŋ yi ɛ́ ḿbɔ́nɛ mbʉʉ pʉʉ.

2 Timɔtɛ́ɛ 4:18

Tsɑpʉɔ ɡʉ ŋ́ɡɛ ɛ́fú nǔu nu kɛpɔŋ ntɛ́ nɛ́ ntɛ́ ńcẅɛɛtɛ wɑ́ɑ, ŋ́ɡɛ ńduk nɛpɔ́ yi ŋ ɡʉ ŋ́kúu tsɛt nɛfɔɔ nɛ́ tʉ́nɛ́pú. Gúꞌlɛ pɔ́ mbɔ̌ Tsɑpʉɔ mɛŋɡuꞋ mɛŋɡuꞋ. Ɛ́ pɔ́Ꞌɔ.

Tîtɛ 2:14

KwɑꞋ jʉ́ kɑ ɡɑ́ tú yɛ́ ńdɔk ńzúu tú yɛkŋɛ, nɛlɔk ńtsúꞋ wɛkŋɛ nǔu mɛnu kɛpɔŋ mɛkŋɛ tsʉʉ. A kɑ niitɛ wɛkŋɛ, pɛkŋɛ tsʉ́Ꞌ pʉɔ pɛ́, ḿbɔ́ pʉɔ kɛ́ lɔ́Ꞌ, ńtsʉ́Ꞌ ńníꞋ tú ŋ́ɡɛ pɔ yúu mi ɛ́ pɔŋnɛ.

Ɛ́bɛlʉʉ 2:15

A kɑ ńtɑ́ɑ ḿpfú, nɛlɔk pɔ́Ꞌɔ, ɛ́fú tsɛt ndɑ́-ŋkwɑɑ, ńcẅɛɛtɛ pʉɔ tsʉʉ pi tɛ fúnɛ pɑ́Ꞌ pɛ́ kɑ pínɛ wɔ́p, pɔ́p ńjúk ḿbɔ́k nɛpfú tɛ mbɔ pɔ́p kɑ tsʉ́Ꞌmɔ́ ḿbɔ́ mbɔ̌ nɛvú ḿbɔ́ pɔ pɛkwɑɑ pɛ́.

Mɛnu ɛ́ ńdɑ́Ꞌ ńcẅɛt 21:4

A ɡʉ ŋ́ɡɛ ńtuk ŋki-mík mɔ́p tsʉʉ. Nɛvú kɛ́ ɡɛ ḿbɛn ḿbɔ́ ɡú pɔ́. Pɛ́ pɔɔ pɛn ńdɑɑ nɛvú pɔ́. Pɛ́ pɔɔ pɛn ŋ́kíi pɔ́. Pɛ́ pɔɔ pɛn ńjʉ́ɔ ŋɡʉ̈ɔ́Ꞌ pɔ́. Ɛ́ mbíꞋŋɡɔ ŋɡɔŋ lwɛn kɑ mɛ mɔ́.»