Pʉɔ-Lɔ́mɑ 7:11 - Kɑɑ Fí

¹¹ Ŋ kɑ zúꞋ nînɑ́ nɛpʉ́ʉ, nu kɛpɔŋ yi ɛ́ nǔu mɔ jʉ́ɔ shʉ́ ńdɔk nɛpʉ́ʉ ɛ̂nɑ́ ńdẅɑklɛ wɑ́ɑ, ŋ ɡɛ nu kɛpɔŋ, nu kɛpɔŋ lɛɛ nǔu ńjẅí wɑ́ɑ.

Pʉɔ-Lɔ́mɑ 7:11 Marejeleo ya Msalaba

Pʉɔ-Lɔ́mɑ 3:20

Ɛ́ pɑ́Ꞌɑ mbíꞋŋɡɔ ŋu kɛ́ lɑ́Ꞌ ńdɔk pɑ́Ꞌ ɑ cúnɛ ŋɡɔ ɑ ɡɛ yúu mi nɛpʉ́ʉ sɛ́ mbíkŋɛ, tʉʉ mbi Sɛ́ ḿbɔ́ ndʉ́ŋndʉŋ pɔ́. FɑꞋ-nɛpʉ́ʉ zɛɛ ḿbɔ́ nɛnyɛt pʉɔmɛsɔŋ ŋɡɔ pɔ́p jí ŋɡɔ pɔ́p ɡɛ nu kɛpɔŋ.»

Pʉɔ-Lɔ́mɑ 7:13

Tɛ ɛ́ pɔ́Ꞌɔ pɑ́Ꞌnɛ ńdɔk ńcú ŋɡɔ yúu mi ɛ́ pɔŋnɛ tɔ́ nǔu mɔ ńtsʉ́Ꞌ pɔ nɛvú kíi? Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́. Nu kɛpɔŋ kɑ ɡɛnɛ m pfú, nu kɛpɔŋ kɑ tsuŋ ńnyɛt ŋɡɔ ɛ́ kɑ́ pɔŋ. Ɛ́ kɑ lɛɛtɛ nǔu yúu mi ɛ́ pɔŋnɛ ńdɔk ŋ́ɡɛ m pfú, ńdɔk pɔ́Ꞌɔ, ńdɛɛ nǔu yúu mi Sɛ́ kɑ cúnɛ ŋɡɔ pɛ́ ɡɛ, ńcẅɛt kwɑꞋ mɑ́mɑ́ nu kɛpɔŋ.

Pʉɔ-Lɔ́mɑ 7:8

Nu kɛpɔŋ yi ɛ́ nǔu mɔ kɑ lɛɛtɛ pɔ nǔu nɛpʉ́ʉ ɛ̂nɑ́, ḿbʉ́Ꞌtɛ wɑ́ɑ, nɛɡɛ yúu kɛpɔŋ yi tʉ́m yɑ́ɑ tsɑ́ɑnɛ tɛ ɛ́ zɑ́ɑ zɑ́ɑnɛ, nɛpʉ́ʉ kɑ zɛɛ pɛ́Ꞌnɛ mbɔɔ ɡú pɔ́, mbɔ nu kɛpɔŋ kɑ́ ɡẅɛɛ tʉʉ pɔ́.

Ɛ́fɛ̂zɛ 4:22

mbɔ ɛ́ sɛ́ ḿbíkŋɛ ŋɡɔ pʉʉ cẅɛt nǔu ndwɛn mɑt ẅí pɛ́ kɑ lɔknɛ ḿbí wʉ́ʉ, ndʉ́ŋndʉŋ pɑ́Ꞌ ŋu ɛ́sɔt ndwɛn ndẅí nǔu wɛ́ ḿmɛꞋ lɑ́. Ẅîwɑ́ mɑt ɛ́ ẅí ɑ ḿbɔ́ ńdɛɛ nǔu mɛyúu kɛpɔŋ mi ɑ ḿbɔ́ ńtsɑ́ɑ, ŋ́kẅiꞋ ḿbʉ́k pʉ́knɛ. Mîmɑ́ mɛyúu kɛpɔŋ pɔ́ mi ɛ́ ɛ́fúklɛ́nɛ ŋu fúklɛ́nɛ.

Ɛ́bɛlʉʉ 3:13

Lɑ́, pʉʉ pɔ́ ńníꞋ mɛtʉʉ-mɛmbʉʉ mʉ́ʉ pʉʉ nɛ́ pʉʉ, pɔ́Ꞌɔ ńjí ŋɡɔ nu kɛpɔŋ kɛ́ ɡɛ ɛ́fúklɛ wɛcɔ́ ŋu wʉ́ʉ, tɛ tʉ́m yɛ́ tɛn, ɑ pɔɔ pɛn ńzúꞋ ŋɡi-Sɛ́ pɔ́ pɔ́. Pʉʉ ɡɛ pɔ́Ꞌɔ, lɛ́Ꞌ tsʉʉ, mbíꞋŋɡɔ yɔ lɛ́Ꞌ yi pɛ́ tsɛt ŋwɑꞋnɛ-Sɛ́ ɛ́fúŋ ŋɡɔ ɛ́ lɔ́Ꞌnɛ. Yɔ pɔ́nɛ lɛ́Ꞌ yi ḿbɔ́ pɛ́ zúꞋ ŋɡi-Sɛ́.

Jɑ̂k 1:22

Kɔɔ pʉʉ pɔ́ pɑzúꞋ sẅíŋɛ-Sɛ́ zúꞋnɛ ndɑꞋ, pʉʉ ɡɛ yúu mi sẅiŋɛ ɛ̂yɑ́ cúnɛ ŋɡɔ pʉʉ ɡɛ. Tɛ ɛ́ pɔ́ɔ pɔ́Ꞌɔ pɔ́, mbɔ pʉʉ ɛ́shɔtnɛ fʉ́klɛ mɛmbʉʉ mʉ́ʉ.

Jɑ̂k 1:26

Ŋu lɑɑ ḿbɔ́ ŋ́kwɑŋɛ ŋɡɔ ɑ nǔu nu-Sɛ́, ntsu wɛ́ pɛn mbɔɔ pɔŋ, mbɔ ɑ fʉ́klɛ túmbʉʉ yɛ́. Wɛ nɛpɔ́ nǔu nu-Sɛ́ pɔ́ pɔ fɛ̌ɛ.