Pʉɔ-Lɔ́mɑ 7:1 - Kɑɑ Fí

¹ Pɔ́ɔpɛ́mɑ́ pɑ́ɑ, pʉʉ pi pʉʉ sɛ́ ńjí yúu mi nɛpʉ́ʉ yɛ́tɛ́, pʉʉ kɑ́ pɔ́ ḿmuŋɛ ŋɡɔ nɛpʉ́ʉ ɡẅɛɛ nu nǔu ŋu pɔ ŋkɑ́ yi ŋɡɑŋ pɛ́tnɛ ntʉʉ pɔ́.

Pʉɔ-Lɔ́mɑ 7:1 Marejeleo ya Msalaba

Pʉɔ-Lɔ́mɑ 1:13

Pɔ́ɔpɛ́mɑ́ pɑ́ɑ, pʉʉ jí sʉ́Ꞌnɛ ŋɡɔ ŋ kɑ tɑ́ŋ tɛꞋ nɛtɔ́ ńjʉ́ɔ wʉ́ʉ lɑ́ shʉ́ kɛ́ mbɔɔ cẅɛt tɛ ŋ́kúu lɔ́Ꞌnɛ pɔ́. Ŋ kɑ tsɑ́ɑ pɔ́Ꞌɔ nɛtɔ́ ɛ́fɑꞋ tsɛtsɛt pʉʉ tɛ pʉʉ jʉ́ yʉ́ʉ pii pɑ́Ꞌ ŋ kɑ fɑꞋnɛ tsɛt mɛcɔ́ mɛŋɡɔŋ pɔ́p jʉ́ pii.

Pʉɔ-Lɔ́mɑ 10:1

Pɔ́ɔpɛ́mɑ́ pɑ́ɑ, yúu mi mɔ sɛ́ ńtsɑ́ɑ nɛ́ ŋɡɔŋ tʉ́m yɑ́ɑ tsʉʉ, ḿbɛn ḿbɔ́ ńdɔ́ɔ mbɔ̌ Sɛ́ mbíꞋ pɑyúdɑ, ɛ́ pɔ́ ŋɡɔ ɑ ɡɛ pɔ́p luk.

Pʉɔ-Lɔ́mɑ 10:4

Kɛlístɔ kɑ zɛɛ ńtɔ́, ncẅɛtnɛ-ndɑ́ nɛpʉ́ʉ lɔk ḿbuutɛ. Pɔ́Ꞌɔ, ŋu zɑ́p tʉ́m nǔu Kɛlístɔ lɑ Sɛ́ tsʉ́Ꞌ ńdíŋɛ wɛ́ ɑ pɔ́ pɔ ndʉ́ŋndʉŋ mbi yɛ́.

Pʉɔ-Lɔ́mɑ 6:14

Nu kɛpɔŋ zɛɛ ḿbɔɔ ńdɑ́Ꞌ ŋ́ɡʉ ḿbɛn ŋ́ɡẅɛɛ wʉ́ʉ pɔ́, mbíꞋŋɡɔ pʉʉ kɑ́ pɛ́t ńnɛn nǔu sɛ̂ndúŋ nɛpʉ́ʉ pɔ́, pʉʉ ńtsʉ́Ꞌ ńnɛn pɔ nǔu sɛ̂ndúŋ ẅi Sɛ́ sɛ́ ńdɛɛ nǔu ŋ́ɡɑ́ fuꞋ níinɛ yʉ́ʉ, pʉʉ pɔ́ ŋ́ɡɛ yúu mi ɛ́ ndʉ́ŋndʉŋ.

Pʉɔ-Lɔ́mɑ 6:3

Pʉʉ likŋɛ ŋɡɔ ɛ́ ɡʉ nǔu pɛkŋɛ pɛtsʉʉ pi pɛ́ kɑ nuꞋnɛ wɛkŋɛ ŋki, pɛkŋɛ lɔk ńdɑt mbʉʉ yɛkŋɛ nǔu Yɛ́su Kɛlístɔ, nɛnuꞋ wɛkŋɛ ŋki ɛ̂wɑ́ lɔk ńdɛꞋlɛ ŋɡɔ pɛkŋɛ pɛpɔ́p kɑ tɛmtɛ ḿpfú tɑ́Ꞌ nɛvú kíi?

Pʉɔ-Lɔ́mɑ 7:6

Lɑ́ ɛ́ kɛ́ ḿbɔ́ ŋkɔ̂ɔnɛ pɛkŋɛ pɔɔ ḿbɛ́t ńnɛn pɔ nǔu sɛ̂ndúŋ-nɛpʉ́ʉ lɑ ńtsɑ́ɑ nɛpɔ́ ndʉ́ŋndʉŋ pɔ́, mbíꞋŋɡɔ pɛkŋɛ nǔu ẅîwɑ́ sɛ̂ndúŋ ẅi ɛ́ ḿbɔ́ ńdɔk wɛkŋɛ ŋ́ɡɛ ɡɑŋtsɑ́ŋ, ńtsʉ́Ꞌ pɔ pɛpfú. Lɑ́ pɛk ŋkɔ̂ɔnɛ ńtsʉ́Ꞌ ɛ́fɑꞋ mbɔ̌ Sɛ́ pɔ nǔu ntɛ́ yi fí, ńdɔk mɛtʉʉ-Zẅikŋɛ Lɛ́ɛnɛ́nɛ ɛ́fɑꞋ, tɛ pɛk kɑ́ pɛn ɛ́fɑꞋ nǔu ntɛ́ yɛ́ ŋkɑ́mbi, ŋkɑ́ yi pɛk kɑ pɔ́ ńzúꞋ pɔ ntsu-nɛpʉ́ʉ ni pɛ́ kɑ ŋwɑꞋnɛ́nɛ pɔ́.

Pʉɔ-Lɔ́mɑ 9:3

Pɛkŋɛ pɛpɔ́p tɑ́Ꞌ njẅɛt. Ɛ́ kɑ pɔ́ yi mbɔ sɛ̂ndúŋ pɔ́ ɡú nɛpɔ́ yi Sɛ́ ɡʉ ḿbɑꞋnɛ wɑ́ɑ pɛk Kɛlístɔ pɛn ɛ́fɑkŋɛ, tɛ ɛ́ pɔ́ yi pɔ́ɔpɛ́mɑ́ pɑ́ɑ pɑyúdɑ ɡʉ ńdɛɛ nǔu ńjí ŋu ẅí Kɛlístɔ jʉ́, mbɔ ɛ́ lɑɑ ḿbɔ́ m bɔɔ lʉꞋ.

1 Kɔlɛ̂ŋtɛ 9:8

Líkcɔ́ pʉʉ cú ŋɡɔ m bɛ́ɛ fʉꞋ pɔ nǔu mɛnu mi ɛ́ sɛ́ ńdɛɛtɛ pɔ tsɛtsɛt pʉɔmɛsɔŋ. Nɛpʉ́ʉ -Mɔ̌sɛ̂ɛ kɑ́ pɛn ńcú yɛ́ pɔ pɔ́Ꞌɔ pɔ kɛ?

Ŋɡɑlɑ̂t 4:21

Pʉʉ pi pʉʉ sɛ́ ŋ́kɔŋ ŋɡɔ nɛpʉ́ʉ ɛ́sɑ́Ꞌ wʉ́ʉ, pʉʉ ɛ́sẅíi wɑ́ɑ: Pʉʉ kɑ́ pɔ́ ńzúꞋ yúu mi nɛpʉ́ʉ ɛ̂nɑ́ cúnɛ pɔ́ kíi?