Pʉɔ-Lɔ́mɑ 6:7 - Kɑɑ Fí

⁷ Ŋu zɛɛ ḿbɔ́ tɛ ḿpfú, ɑ pɔɔ pɛn ŋ́kuꞋ nɛɡɛ yɛcɔ́ yúu pɔ́, ŋkʉ-nu kɛpɔŋ fú nǔu wɛ́ ŋ́kíɛꞋnɛ.

Pʉɔ-Lɔ́mɑ 6:7 Marejeleo ya Msalaba

Mɑtʉ̈ɔ 11:19

Mɔ́ɔ-Ŋu kɛ́ ńtɔ́ yɛ́ ŋkɔ̂ɔnɛ, ḿbɔ́ ŋ́kwɛ́t yúu ḿbɛn ńnɔ́ mɛluꞋ, pɔ́p cú ŋɡɔ pɛ́ líŋɛ wɛ́ lɑ ńjʉ́ɔ, ŋu wɑ́ pɔ́ ŋkwɛ́tyúu, ḿbɔ́ nɛ́nɔ́mɛluꞋ, ḿbɔ́ súu-pɑcẅɛ́ɛntsup-Pɑlɔ́mɑ mbɑ wɛ pɛcɔ́ pʉɔ kʉʉnɛ́nɛ. Lɑ́ pɛ́ sɛ́ ńjʉ́ɔ jínu yi ɛ́ yɛ́ Sɛ́ ńdɛɛ pɔ nǔu mɛfɑꞋ mí ɛ́ ɡɛnɛ.»

Pʉɔ-Lɔ́mɑ 6:2

Ŋɡɑ́ŋ! Mbɔ pɛkŋɛ pɔɔ pɔ́Ꞌɔ ɡɛ. Pɑ́Ꞌ ɛ́ zɛɛ ḿbɔ́ nǔu nɛɡɛ nu kɛpɔŋ, mbɔ pɛkŋɛ kɑ pfú mɔ́ lɑ́, mbɔ pɛkŋɛ ŋ́ɡɛ pɑ́Ꞌɑ lɑ ḿbɛn ḿbɔ́ ŋ́ɡɛ pɔ nu kɛpɔŋ?

Pʉɔ-Lɔ́mɑ 6:8

Pɑ́Ꞌ pɛkŋɛ pɛ Kɛlístɔ kɑ tɛmtɛ́nɛ ḿpfú lɑ́, ɛ́ lɔk ḿbɔ́ ŋɡɔ pɛkŋɛ pɛpɔ́p ɡʉ ŋ́ɡɛ ńtɛmtɛ ḿbɔ́ ɡú.

Pʉɔ-Lɔ́mɑ 7:2

Pɛkŋɛ pɛ́ɛ fʉꞋ nǔu mɑŋɡɛ́ zɔ́Ꞌnɛ. Ndúu mɛ pɛ́t pɔ́ sʉ́Ꞌnɛ, ɑ kɑ́ ɡẅɛɛ nɛnɑ́ wɛ́ ŋ́ɡʉ ńtsɛ́t wɛcɔ́ ŋu mbɛ́ɛnɛ pɔ́pmɛ́ zɔ́Ꞌ pɔ́, nɛpʉ́ʉ lʉꞋ pɔ́Ꞌɔ. Lɑ́ ndúu mɛ lɑɑ ḿbɔ́ tɛ ḿpfú, nɛpʉ́ʉ pɛ́m ŋɡɔ ḿbɔ́ ɑ ɡʉ ńtsɛ́t wɛcɔ́ ŋu mbɛ́ɛnɛ pɔ́pmɛ́ zɔ́Ꞌ.

Pʉɔ-Lɔ́mɑ 7:4

Ɛ́ pɛn ḿbɔ́ pɔ ndʉ́ŋndʉŋ pɔ́Ꞌɔ nǔu pʉʉ mbɑ̌ɑ pɔ́ɔpɛ́mɑ́ pɑ́ɑ. Pʉʉ ŋkɔ̂ɔnɛ ḿbɔ́ nǔu nu-nɛpʉ́ʉ ḿbɔ́ pɔ pɛpfú lɑ ńdɔk ŋ́kuꞋ pʉɔ-Sɛ́, mbíꞋŋɡɔ pʉʉ pɛ́ Kɛlístɔ kɑ tɛmtɛ ḿpfú ŋkɑ́ yi ɑ kɑ pfúnɛ, pʉʉ pɛ́ nɛpʉ́ʉ lɔk pɔ́Ꞌɔ, fɑkŋɛ pɑ́Ꞌ pʉʉ ɡʉ ńtsʉ́Ꞌ ḿbɔ́ pɔ pʉɔ wɛcɔ́ ŋu ndɛꞋ, pʉɔ-Yɛ́su Kɛlístɔ ẅí Sɛ́ kɑ ɡɛnɛ ɑ zẅíimɛ nǔu nɛvú. Nɛpɔ́ yi pɛkŋɛ ɡʉ ɛ́fɑꞋ mɛfɑꞋ mi ɛ́ mɛ sʉ́Ꞌnɛ mbɔ̌ Sɛ́.

Pʉɔ-Lɔ́mɑ 8:1

Ɛ́ lɔk ḿbɔ́ ŋɡɔ pʉɔ pi pɔ́p lɑtnɛ mbʉʉ yɔp nǔu Yɛ́su Kɛlístɔ, kɛ́ ɡʉ ńdɑ́Ꞌ ḿbɛn ḿvu ntsɑŋ pɔ́,

1 Pyɛ̂ 4:1

Pɑ́Ꞌ Kɛlístɔ kɑ jʉ́ɔnɛ ŋɡʉ̈ɔ́Ꞌ nǔu mbɑp-mbʉʉ lɑ́, pʉʉ yʉ́ʉ pʉʉ pɔ́ tú pʉʉ, ńtʉ́ʉ nɛjʉ́ɔ ŋɡʉ̈ɔ́Ꞌ pɑ́Ꞌ jʉ́, ḿbɔ́ ńjí ŋɡɔ jʉ́ Kɛlístɔ ẅí ɑ kɑ jʉ́ɔnɛ ŋɡʉ̈ɔ́Ꞌ nǔu mbɑp-mbʉʉ yɛ, ɑ kɑ ḿmɛk nu kɛpɔŋ.