Pʉɔ-Lɔ́mɑ 6:5 - Kɑɑ Fí

⁵ Ɛ́ zɛɛ ḿbɔ́ pɑ́Ꞌɑ, mbɔ pɛkŋɛ kɑ pfú nɛvú ẅí ɛ́ fí wɛ, ńdɔk pɔ́Ꞌɔ, pɛkŋɛ pɛpɔ́p puutɛ nǔu tɑ́Ꞌ nu ɛ́ pɛn ḿbɔ́ pɔ pɑ́Ꞌ pɛkŋɛ pɛpɔ́p ɡʉ ŋ́ɡɛ ḿbɛn ḿbuutɛ nǔu nɛzẅíimɛ nǔu nɛvú.

Pʉɔ-Lɔ́mɑ 6:5 Marejeleo ya Msalaba

Mɑtʉ̈ɔ 15:13

Yɛ́su pʉ̈ɔt mbɔ̌ pɔ́p ŋɡɔ: «Pɛ́ ɡʉ ŋ́ɡɛ ńtsɔ́Ꞌ mbɑ kʉ̈ɔ́ lɑ́ yi Tɑ̌ɑ mɔ ẅí ɑ tʉ́nɛ́pú ŋkɑɑnɛ pi.»

Jɑ̂ŋ 12:24

Lɑ́ ɛ sẅíi wʉ́ʉ, kwɑꞋ nɛ́nẅín, mbi yúu lɑɑ mbɔɔ vu sɛ́ tɛ ḿpfú pɔ́, mbɔ ɛ́ ɡʉ ŋ́kɛ́ ḿbɔ́ pɔ yɛ́mɔ́Ꞌɔ́. Lɑ́ ŋ́kɛ́ ḿpfú, mbɔ ɛ́ ɡʉ ɛ́sɑ́Ꞌ, ŋ́ɡɑ́ mɛmbɑŋ tɛ ɛ́ zɑ́ɑ zɑ́ɑnɛ.

2 Kɔlɛ̂ŋtɛ 4:10

Pɛk pɔ́ ŋkɑ́ tsʉʉ, ḿbɔ́ ḿbɛ́m ŋɡɔ pɛk ɡʉ ḿpfú ntɛ́ nɛvú ni Yɛ́su kɑ pfúnɛ. Pɔ́Ꞌɔ, nɛpɔ́ yi pɛ́ ɡʉ ńjʉ́ɔ ŋɡɔ luk-Yɛ́su ɛ́ yɛ́ sɔŋ mbʉʉ pɛk.

Kɔlɔsíyɛ̂ŋ 2:12

Ɛ́ kɑ pɔ́ ŋkɑ́ yi pɛ́ kɑ nuꞋnɛ wʉ́ʉ tsɛt ŋki, pɛ́ kɑ pɔ́ pɔ́Ꞌɔ, ńdɔk ńtɛmtɛ wʉ́ʉ pɛ́ Kɛlístɔ ńníꞋ tsɛt nɛshi, pʉʉ pɛ́ pɔ́p pɛn ńtɛmtɛ ńzẅíimɛ nǔu nɛvú, mbíꞋŋɡɔ pʉʉ pɛ́mnɛ ŋɡɔ Sɛ́ ẅí ɑ kɑ zẅíimɛ́nɛ Yɛ́su nǔu nɛvú, ɑ ɡẅɛɛ tʉʉ nɛlɔk ŋ́ɡɛ pʉʉ ńzẅíimɛ yʉ́ʉ ɡúu.

Kɔlɔsíyɛ̂ŋ 3:1

Pɑ́Ꞌ pʉʉ pɛ́ Kɛlístɔ kɑ tɛmtɛ ńzẅíimɛ nǔu nɛvú lɑ́, pʉʉ tík lík yʉ́ʉ pɔ nǔu yúu mi ɛ́ tʉ́nɛ́pú, zʉꞋ yi Kɛlístɔ zúꞋu, ńnɑ́ŋ nǔu ɡúŋ pɔ́ Sɛ́ yi tʉʉ.