Pʉɔ-Lɔ́mɑ 5:4 - Kɑɑ Fí

⁴ Nɛsʉk ɡɛ pɛkŋɛ tɛntɛ. Ɛ́ lɛɛ pɔ́Ꞌɔ, pɛkŋɛ nɑ́ŋ ḿbɔ́ ńzẅíꞋlɛ ŋɡɔ yúu mi sẅiŋɛ-Sɛ́ sɛ́ ńcú, jʉ́ Sɛ́ ŋ́ɡɛ ŋ́ɡɛ ɛ́ puutɛ nǔu pɛkŋɛ.

Pʉɔ-Lɔ́mɑ 5:4 Marejeleo ya Msalaba

Lúkɑ́shi 21:19

Pʉʉ ńdɑ́Ꞌ ńdɔk nɛsʉk wʉ́ʉ ŋ́ɡẅɛɛ luk kɛ́mɛ.

Pʉɔ-Lɔ́mɑ 15:4

Ɛ́ zɛɛ ŋ́ɡɔ ḿbɔ́, mbɔ mbɑ kʉ̈ɔ́ lɑ́ yi pɛ́ kɑ lɑ́Ꞌnɛ ńzɑ́Ꞌ njí ŋ́ŋwɑꞋnɛ tsɛt ŋwɑꞋnɛ-Sɛ́, pɛ́ kɑ pɔ́ ŋ́ŋwɑꞋnɛ pɔ nɛlɔk ńnɑ́ŋ ńzíꞋ wɛkŋɛ nɛ́ yúu, nɛpɔ́ yi ɛ́ ɡʉ ńdɔk pɑ́Ꞌ ɛ́ sɛ́ ńníꞋ mɛtʉʉ mɛkŋɛ, ḿbɛn ḿbɔ́ ŋ́ɡɛ ŋɡɔ kɔɔ pɛkŋɛ kɑ́ɑ, pɛkŋɛ jí ŋɡɔ pɛkŋɛ ɡẅɛɛ yúu mi Sɛ́ kɑ kɑꞋnɛ mbɔ̌ pɛkŋɛ.

Filipɛ 2:22

Lɑ́ ŋ́ɡʉ nǔu Timɔtɛ̂ɛ, mbɔ pʉʉ jí ŋɡɔ ɑ ɡẅɛɛ mɑt sʉ́Ꞌnɛ. Pɛknɛ́ kɑ tɛmtɛ ńcẅi Ŋkʉʉ sʉ́Ꞌnɛ mbɔ̌ lɑ́Ꞌ. A tsuŋ ńcẅɛ́lɛ wɑ́ɑ ndʉ́ŋndʉŋ pɑ́Ꞌ mɔ́ɔ sʉ́Ꞌnɛ cẅɛ́lɛ́nɛ tɑ́t wɛ lɑ́.

Ɛ́bɛlʉʉ 6:19

Nɛpɔ́ ẅi pɛkŋɛ sɛ́ ńzẅíꞋlɛ yúu pɔ mbɔ̌ Sɛ́ ɡɛ tʉ́m yɛkŋɛ pɔ́tnɛ ńnɑ́ŋ kɛ́ ɡwɛt. Pɛkŋɛ sɛ́ ńtsuŋ ńjí ŋɡɔ pɛkŋɛ ɡʉ ńdɑ́Ꞌ ɛ́sɔ́ nɛshẅɛ́lɛ́, ŋ́kúu zʉꞋ yi Sɛ́ zúꞋu.

Jɑ̂k 1:12

Pɔ́ttú, ŋu ẅí ŋɡʉ̈ɔ́Ꞌ kúunɛ wɛ́ ɑ tɛntɛ tɛntɛ́nɛ, mbíꞋ pɑ́Ꞌ ŋɡʉ̈ɔ́Ꞌ kúunɛ wɛ́ ɑ tɛntɛ tɛntɛnɛ lɑ́, Sɛ́ ɡʉ ńtɔꞋ ŋɡúꞋ tú yɛ́. Ɛ́ lɔk ḿbɔ́ luk kɛ́ mɛ yí ɑ kɑ kɑꞋnɛ mbɔ̌ mbɑ wɔ̌ lɑ́ ẅi ɑ ŋ́kɔŋnɛ yɛ́ Sɛ́.

1 Pyɛ̂ 5:10

Ŋɡʉ̈ɔ́Ꞌ yʉʉ ɡʉ nɑꞋ ńnɑ́ŋ pɔ mɔ́zʉꞋ, Sɛ́ ẅi mbɑ yɛ́tɛ́ nu sʉ́Ꞌnɛ lɑ́ fú pɔ mbɔ̌ wɛ́, jʉ́ ẅí ɑ kɑ lɛɛnɛ nǔu Yɛ́su Kɛlístɔ ɛ́fúŋ wʉ́ʉ pɑ́Ꞌ pʉʉ ɡʉ ḿbɔ́ yʉ́ʉ tsɛt nɛɡúꞋ wɛ ẅí ndẅiklɛ kɑ́ pɔ́ ɡú pɔ́, ɡʉ ɛ́fú pɔ́Ꞌɔ, ŋ́ɡɛ yɛcɔ́ yúu pɔɔ pɛn ńjɑ́k nǔu pʉʉ pɔ́, ńtẅí fufuꞋ wʉʉ, pʉʉ tɛntɛ, pɛ́ pɔɔ pɛn ŋ́kuꞋ nɛtsʉ́ʉ wʉ́ʉ tɛ ḿmɑꞋ sɛ́ pɔ́.