Pʉɔ-Lɔ́mɑ 5:11 - Kɑɑ Fí

¹¹ Pɛkŋɛ kɛ́ ḿbɔɔ ńdɔk pɔ ndɑꞋ yîyɑ́ nu tsɑ́ɑtɛ pɔ́, pɛkŋɛ pɛn ńtsɑ́ɑtɛ ntɛ́ pɑ́Ꞌ Sɛ́ lɛɛnɛ nǔu nu-Tsɑpʉɔ wɛkŋɛ Yɛ́su Kɛlístɔ ŋ́ɡɛ mbuu yi ɛ́ kɑ pɔ́nɛ tsɛtsɛt pɛkŋɛ pɛ Sɛ́ mɛ.

Pʉɔ-Lɔ́mɑ 5:11 Marejeleo ya Msalaba

Lúkɑ́shi 1:46

Mɑlíyɑ zúꞋ ńcú ŋɡɔ: «Mɔ sɛ́ ŋ́ɡɑ́ ɡúꞋlɛ mbɔ̌ Tsɑpʉɔ,

Jɑ̂ŋ 1:12

Lɑ́, pʉɔ tsʉʉ pí pɔ́p ńzɑ́pnɛ tʉ́m nǔu wɛ́, ɑ lɔk wɔ́p ŋ́ɡɛ pʉɔ-Sɛ́.

Pʉɔ-Lɔ́mɑ 11:15

Sɛ́ kɑ zɛɛ ḿbɔ́ tɛ ńtík wɔ́p nzʉʉ lɑ ŋ́ɡɛ jʉ́ Sɛ́ pɔ́p pʉɔmɛsɔŋ ndǔmbí ḿmik mbuu, ɑ ɡʉ ḿbɛn ńdɑ́Ꞌ ḿbɔ́ tɛ ḿbɛn ńdíŋɛ wɔ́p ɛ́ pɔ́ ŋɡɔ́ku? Ɛ́ pɔ́ kwɑꞋ nɛpɛn ḿbɔ́ ɡú mbɔ̌ pʉɔ pi pɔ́p kɑ zɛɛnɛ ḿpfú.

Pʉɔ-Lɔ́mɑ 2:17

Ɛ́ ɡʉ nǔu ɡu, ɔ sɛ́ ńniitɛ ńcú ŋɡɔ ɔ ŋu-Pɑyúdɑ, ŋɡɔ ɔ fú nǔu pɑ́Ꞌ ɔ kúꞋlɛ́nɛ nɛpʉ́ʉ pɔ́Ꞌɔ, ḿbɔ́ ŋu-Sɛ́,

Pʉɔ-Lɔ́mɑ 5:1

Pɑ́Ꞌ ɛ́ kɑ lɛɛnɛ nǔu nɛzɑ́p tʉ́m nǔu Yɛ́su Kɛlístɔ, Sɛ́ tsʉ́Ꞌ ńdíŋɛ wɛkŋɛ pɛkŋɛ pɔ́ pɔ ndʉ́ŋndʉŋ mbi yɛ́ lɑ́, pɛkŋɛ pɛ Sɛ́ ŋkɔ̂ɔnɛ ńnɑ́ŋ sʉ́Ꞌnɛ, mbíꞋ Tsɑpʉɔ wɛkŋɛ Yɛ́su Kɛlístɔ.

Pʉɔ-Lɔ́mɑ 5:10

Pɛkŋɛ pɛ Sɛ́ kɑ zɛɛ ḿbɔ́ pɔ ɡɑŋmbuu, lɑ Sɛ́ lɔk pɑ́Ꞌ Mɔ́ɔ nɛ pfúnɛ, ḿmɛk mbuu yɛkŋɛ pɛpɔ́p. Ɛ́ ɡʉ ḿbɛn ḿbɔ́ nǔu ŋkɔ̂ɔnɛ, ɑ lɔk pɑ́Ꞌ Mɔ́ɔ nɛ pɔ́ pɔ ɡú, ŋ́ɡɛ pɛkŋɛ luk ŋɡʉ̈ɔ́Ꞌ luknɛ.

Pʉɔ-Lɔ́mɑ 5:3

Ɛ́ kɑ́ pɔ́ pɔ ndɑꞋ pɔ́Ꞌɔ pɔ́, pɛk pɛn ŋ́ɡẅɛɛ tsɑ́ɑtɛ tɛ mbɑ ŋkɑ́ yi pɛk sɛ́ ńjʉ́ɔ ŋɡʉ̈ɔ́Ꞌ, ḿbɔ́ ńjí ŋɡɔ ŋɡʉ̈ɔ́Ꞌ ɡʉ ŋ́ɡɛ pɛk sʉk.

Pʉɔ-Lɔ́mɑ 8:23

Yúu ɛ̂mɑ́ kɑ́ pɔ́nɛ ńcú zɛ́nɛ jʉ́ pɔ́ pɛkŋɛ pi Sɛ́ kɑ lɔknɛ Zẅikŋɛ yɛ́ ŋ́ɡɛ pɛkŋɛ ɡẅɛɛ tú-yúu nǔu yúu mi ɑ kɑ kɑꞋnɛ nɛɡɑ́ mbɔ̌ pɛkŋɛ, pɛkŋɛ ɡúu pɛn ḿbɔ́ tsɛt tʉ́m pɛkŋɛ ńcú pɔ pɔ́Ꞌɔ, ḿbɔ́ ńzẅíꞋlɛ lɛ́Ꞌ yi Sɛ́ ɡʉ ńdɔk wɛkŋɛ ŋ́ɡɛ pʉɔ-pɛ́ ndɑꞋ ndɑꞋ, pɛkŋɛ ɡẅɛɛ mbʉʉ yi fí, ńduk ŋɡʉ̈ɔ́Ꞌ.

Pʉɔ-Lɔ́mɑ 9:10

Yɛcɔ́ fʉꞋ pɛn ḿbɔ́ ɡú, mbɔ Lɛbɛ́kɑ pɑ́Ꞌ pɔ́p mɑ̂ɑŋɡɑpnjẅɛt wɛkŋɛ Ɛ́sɑk kɑ pínɛ mɛfɑ́k mbɛ́ɛnɛ yɛ́pɑ́.

1 Kɔlɛ̂ŋtɛ 10:16

Pɛkŋɛ sɛ́ ńnɔ́ ntúꞋ-mɛluꞋ yí pɛkŋɛ ɡɑ́nɛ pɑ́Ꞌlɑ́ mbɔ̌ Sɛ́ nǔu, pɛkŋɛ kɑ́ pɔ́ ńdɔk pɔ́Ꞌɔ, ńtɛmtɛ nǔu mɛci-Kɛlístɔ pɔɔ? Mbɛlɛ̂ɛt yí pɛkŋɛ pʉ̈ɔ́Ꞌtɛ́nɛ ŋ́ɡɑp, kɑ́ pɔ́ ńtɛmtɛ wɛkŋɛ nǔu mbɑp-mbʉʉ-Kɛlístɔ pɔ́ ɔɔ?

2 Kɔlɛ̂ŋtɛ 8:19

Pɛk kɑ́ pɔ́ ńtúu wɛ́ zɛ́nɛ pɛk pɔ́, mɛcúꞋlɛ-pʉɔ-Kɛlístɔ kɑ pɛn ńtsɔ́Ꞌ wɛ́ ŋɡɔ pɛkŋɛ pɛ́pɔ́p tɛ́m ku, ńcúꞋlɛ yɔ ŋkɑ́p. Pɛk ɡɛ yɔ fɑꞋ-pɔŋtʉ́m nɛlɔk ŋ́ɡɛ Tsɑpʉɔ ɡẅɛɛ nɛɡúꞋ mbɑ nɛlɔk ńnyɛt ŋɡɔ pɛk sɛ́ ńtsɑ́ɑ nɛcẅɛ́lɛ pɛcɔ́ pʉɔ.

Ŋɡɑlɑ̂t 4:9

Ɛ́ pɛn ŋ́ɡʉ nǔu ŋkɔ̂ɔnɛ pʉʉ sɛ́ ńjí Sɛ́ tɛ n dɑ́Ꞌ ńzɛɛ ḿbɔ́ ŋ́ɡʉ ńcú pɔ ŋɡɔ Sɛ́ sɛ́ ńjí wʉ́ʉ. Ɛ́ pɛn ŋ́ɡɛ pɑ́Ꞌɑ lɑ pʉʉ pɛn ḿbɛn nzʉʉ, tsɛt mîmɑ́ mɛyúu mi ɛ́ kɑ́ ɡẅɛɛ mɛtʉʉ pɔ́, ŋ́kɛ́ mbɔɔ yɛcɔ́ yúu ɡẅɛɛ? Pʉʉ kɔŋ nɛpɛn ḿbɛn nzʉʉ ḿbɛ́m pɛkwɑɑ mbɔ̌ pɔ́p kɛkʉ̈ɔ́?

Ŋɡɑlɑ̂t 5:22

Lɑ́, mɛnu sʉ́Ꞌnɛ mi Zẅikŋɛ Lɛ́ɛnɛ́nɛ ɡɛnɛ ŋu ɡɛ ɛ́ mɔnɛ: Ḿbɔ́ nɛɡẅɛɛ ŋkɔŋɛ, ḿbɔ́ nɛnɑ́ŋ nɛ́ tsɑ́ɑtɛ, ḿbɔ́ nɛnɑ́ŋ nɛ́ mɔ́fíitɛ, ḿbɔ́ nɛɡẅɛɛ kɔkmbʉʉ, ḿbɔ́ nɛtʉ́ʉ nɛcẅɛ́lɛ pʉɔ, ḿbɔ́ nɛɡẅɛɛ pɔŋtʉ́m, ḿbɔ́ nɛnɑ́ŋ kɛ́ pɔ́ ŋɡɑŋ mɛfúklɛ,

Filipɛ 3:1

Ɛ́ nǔu ŋkɔ̂ɔnɛ, mbɑ̌ɑ pɔ́ɔpɛ́mɑ́ pɑ́ɑ, pʉʉ tsɑ́ɑtɛ tsɑ́ɑtɛ́nɛ ntɛ́ Tsɑpʉɔ. Ɛ́ lɑɑ ḿbɔ́ m bɔɔ kɑ́ɑ nɛŋwɑꞋnɛ ŋwɑꞋnɛ ŋ́ɡɑ́ mbɔ̌ pʉʉ nɛlɔk ŋ́kẅíitɛ wʉ́ʉ nɛ́ yúu mi ŋ kɑ zɛɛnɛ ńcú mbɔ̌ pʉʉ pɔ́. Ɛ́ ɡʉ ḿbyɛ́p wʉ́ʉ nɛvu nǔu ɡwɑk.

Filipɛ 3:3

Pɛkŋɛ pɔ́nɛ pʉɔ pi pɛ́ kɑ tsuŋnɛ ḿbúꞋ wɔ́p. Zẅikŋɛ ɡɛnɛ pɛkŋɛ ɡúꞋlɛ Sɛ́. Pɛkŋɛ lɔk pɔ Yɛ́su Kɛlístɔ ńtsɑ́ɑtɛ, kɔɔ pɛkŋɛ zɑ́p tʉ́m pɔ nǔu yúu mi pɛkŋɛ ɡɛnɛ.

Filipɛ 4:4

Ŋ ɡʉ ńcú mbɔ̌ pʉʉ ŋɡɔ tʉ́m yʉ́ʉ nɑ́ŋ ńtsɑ́ɑtɛ tsɑ́ɑtɛ́nɛ, mbíꞋŋɡɔ pʉʉ pʉɔ-Tsɑpʉɔ. M bɛn ńzɛ́plɛ ńcú mbɔ̌ pʉʉ ŋɡɔ, tʉ́m yʉ́ʉ nɑ́ŋ ńtsɑ́ɑtɛ tsɑ́ɑtɛ́nɛ.

Kɔlɔsíyɛ̂ŋ 2:6

Pɑ́Ꞌ pʉʉ kɑ pɛ́m mɔ́ ŋɡɔ Yɛ́su Kɛlístɔ Tsɑpʉɔ wʉ́ʉ lɑ́, ɛ́ sɛ́ ḿbíkŋɛ ŋɡɔ wʉ́ʉ nɛnɑ́ŋ pɔ́ pɑ́Ꞌ ɑ sɛ́ ŋ́kɔŋ.

1 Pyɛ̂ 1:8

Pʉʉ ŋ́kɑɑ mɔ́ Yɛ́su jʉ́ɔ, lɑ́ ŋ́kɛ́ ḿbɔ́ ŋ́kɔŋ wɛ́. Pʉʉ sɛ́ ńzɑ́p tʉ́m nǔu wɛ́, tɛ mbɑ pɑ́Ꞌ pʉʉ pɛ́t kɛ́ ɡɔ́ɔ ńjʉ́ɔ wɛ́. Mɑ́mɑ́ tsɑ́ɑtɛ pɔ́ tʉ́m pʉʉ tɛ ɛ́ lɑɑ ḿbɔ́ pʉʉ pɔɔ jí nɛsẅíi ŋu pɔ́.