Pʉɔ-Lɔ́mɑ 4:13 - Kɑɑ Fí

¹³ Yɛcɔ́ nu pɛn ḿbɔ́ ŋɡɔ Sɛ́ kɑ kɑꞋ mbɔ̌ Ábɛlɛhɑ̂m, mbɑ mbɔ̌ njẅɛt yɛ́ ŋɡɔ ɑ ɡʉ ńdɑ́Ꞌ ŋ́ɡɑ́ ŋɡɔŋ mbɔ̌ pɔ́p. Sɛ́ ŋ́kɑɑ ḿbɔ́ ŋ́kɑꞋ pɑ́Ꞌɑ, pɔ́ mbíꞋŋɡɔ Ábɛlɛhɑ̂m kɑ pɔ́ ŋ́ɡɛ yúu mi nɛpʉ́ʉ sɛ́ ḿbíkŋɛ pɔ́, ɛ́ kɑ fú pɔ nǔu pɑ́Ꞌ ɑ zɑ́pnɛ tʉ́m nǔu Sɛ́, Sɛ́ tsʉ́Ꞌ ńdíŋɛ wɛ́ ɑ pɔ́ pɔ ndʉ́ŋndʉŋ mbi yɛ́.

Pʉɔ-Lɔ́mɑ 4:13 Marejeleo ya Msalaba

ŊwɑꞋnɛ-Gɑŋntúu Yɛ́su Kɛlístɔ 13:32

Pɛk yɛ́k, pɛk tʉ́ʉ pɑꞋnɛ, ḿbɔ́ ḿbʉ́ wʉ́ʉ nɛ́ yîyɑ́ nu sʉ́Ꞌnɛ. Ɛ́ pɔ́ nu yí Sɛ́ kɑ lɑ́Ꞌnɛ ŋ́kɑꞋ mbɔ̌ pɛmɑ́ŋɡɑpnjẅɛt-pɑíslɑyɛ̂l.

Pʉɔ-Lɔ́mɑ 4:12

Ábɛlɛhɑ̂m kɑ pɛn ḿbɔ́ tɑ́t pɛ́ pʉɔ pi pɛ́ kɑ púꞋnɛ wɔ́p. Ŋ kɑ́ pɔ́ ńdɑꞋ pʉɔ pi pɛ́ kɑ púꞋnɛ wɔ́p ɛ́ kuꞋ pɔ́Ꞌɔ mbɔ̌ pɔ́p pɔ́. N cú pɔ pi pɔ́p pɛn ḿbɔ́ ńzɑ́p tʉ́m nǔu Sɛ́, pɑ́Ꞌ tɑ́t wɛkŋɛ Ábɛlɛhɑ̂m kɑ zɑ́pnɛ yɛ́ ɡúu lɑ pɛ́ ɡɛ ḿbúꞋ wɛ́.

Pʉɔ-Lɔ́mɑ 9:8

Yɔ nu lɔk ńcú ŋɡɔ: Pɔ́ɔ pi ŋu mbɛ́ɛnɛ pɔ́p mɑŋɡɛ́ kɔŋ kɔŋnɛ ḿbí, kɑ́ pɔ́ pɔ́ɔ-Sɛ́ pɔ́. Pʉɔ pi pɛ́ kɑ pínɛ wɔ́p nǔu pɑ́Ꞌ Sɛ́ kɑ kɑꞋnɛ lɔknɛ ḿbɔ́ pɔ́ɔ-Sɛ́.

Ŋɡɑlɑ̂t 3:29

Pɑ́Ꞌ pʉʉ pʉɔ-Kɛlístɔ lɑ́, pʉʉ lɔk ḿbɔ́ njẅɛt-Ábɛlɛhɑ̂m, ḿbɔ́ pɑɡẅɛɛ yʉ́ʉ yúu nǔu yúu mi Sɛ́ kɑ kɑꞋnɛ.

Ɛ́bɛlʉʉ 11:7

Ɛ́ kɑ fú pɔ nǔu pɑ́Ꞌ Nɔwɛ zɑ́pnɛ tʉ́m yɛ́ nǔu Sɛ́, ɑ pɔɔ lɔk yúu mi Sɛ́ zɑ́Ꞌ njí nyɛt wɛ́, ńdɔk ḿmɑꞋ kwɑŋɛ pɔ́. Ɛ́ pɛn ḿbɔ́ yúu mi pɛ́ kɑ pɛ́t kɛ́ jʉ́ɔ. Ɛ́ yɛ́tɛ́ Nɔwɛ kɔ́ɔ mɑ́mɑ́ kɑnúꞋ, nɛlɔk ŋ́ɡɛ ŋɡɔ njẅɛt yɛ́ kúu tsɛtú ńduk, ńdɔk pɔ́Ꞌɔ, ńnyɛt ŋɡɔ ntsɑŋ tú pɛcɔ́ pʉɔ, lɑ́ mbɔ ɛ́ ɡʉ nǔu wɛ́, ɛ́ fú nǔu pɑ́Ꞌ ɑ zɑ́pnɛ tʉ́m yɛ́ nǔu Sɛ́, Sɛ́ tsʉ́Ꞌ ńdíŋɛ wɛ́ ɑ pɔ́ ŋu ẅí ɑ ndʉ́ŋndʉŋ mbi wɛ́.

Ɛ́bɛlʉʉ 7:6

Mɛlkisɛdɛk ŋkɑɑ ŋu nǔu njẅɛtndɑ́-Lɛ́vi pɔ́, lɑ́ Ábɛlɛhɑ̂m ɡɑptɛ yúu pɛ́ nji nɛɡɛ́m, ŋ́ɡɑ́ tɑ́Ꞌ nji mbɔ̌ wɛ́, ɑ cẅɛ́ɛ, ńníꞋ mbɔ́tnɛ nǔu wɛ́ ẅí Sɛ́ kɑ kɑꞋnɛ yúu mbɔ̌ wɛ́.