Pʉɔ-Lɔ́mɑ 3:19 - Kɑɑ Fí

¹⁹ Mɔnɛ mɛnu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-nɛpʉ́ʉ-Sɛ́, pɛkŋɛ pɛn ńjí ŋɡɔ nu tsʉʉ yí nɛpʉ́ʉ cúnɛ, m biitɛ ńcú mbɔ̌ pɑyúdɑ pi nɛpʉ́ʉ ɛ̂nɑ́ sɑ́Ꞌnɛ wɔ́p. Pɑ́Ꞌ pɔ́p pɛn ḿbɔ́ yɔ́p pɔ ɡɑŋ-mɛfɑɑnɛ lɑ́, ntsu mbɑ wɛ́tɛ́ ŋumɛsɔŋ lɑ́, ɡʉ ńjʉ́ɔꞋnɛ, mbɑ wɔ̌ lɑ́ pɛn tʉ́ʉ mbi Sɛ́ ḿbɔ́ pɔ ŋu ẅí ɑ vunɛ ntsɑŋ.

Pʉɔ-Lɔ́mɑ 3:19 Marejeleo ya Msalaba

Jɑ̂ŋ 15:25

«Ɛ́ pɔ́Ꞌɔ, ńdɔk ḿbuutɛ nǔu nu yí pɛ́ kɑ cúnɛ tsɛt ŋwɑꞋnɛ-nɛpʉ́ʉ nɔ́p ŋɡɔ pɔ́p kɑ pɑɑ wɑ́ɑ pɔ nɛ sɔ́ɔ.»

Jɑ̂ŋ 8:9

Pʉɔ zúꞋ yɔ sẅiŋɛ, ńzɛ nɛɡʉtɛ pɔ wɛ́mɔ́Ꞌɔ wɛ́mɔ́Ꞌɔ, ńzɛ nǔu pɛlʉ́m. Tɛ ɑ tsʉꞋ Yɛ́su zɛ́nɛ́jʉ́, mɑŋɡɛ́ ɛ̂wɑ́ kɛ́ ḿbɛ́t ńtʉ́ʉ pɔ zúꞋu.

Pʉɔ-Lɔ́mɑ 1:20

Ɛ́ zɛɛ ŋ́ɡɔ́ ḿbɔ́, mbɔ tɛ fúnɛ pɑ́Ꞌ Sɛ́ kɑ niitɛ́nɛ ndǔmbí, pɛ́ fú pɔ nǔu yúu mi ɑ kɑ niitɛ́nɛ, ńjí ŋɡɔ ɑ Sɛ́, tɛ mbɑ pɑ́Ꞌ pɛ́ kɑ́ pɔ́ ńjʉ́ɔ wɛ́ nɛ́ mík pɔ́. Pɛ́ jí mɛtʉʉ mɛ́ mi ɛ́ ŋ́ɡʉ ńdɑ́Ꞌ ḿmɛ pɔ́. Ɛ́ lɛɛ pɔ́Ꞌɔ, mbɔ pʉɔmɛsɔŋ pɔɔ lɑ́Ꞌ ńcú ŋɡɔ pɔ́p ŋkɑɑ ḿbɔ́ ńjí Sɛ́ pɔ́ pɔ́.

Pʉɔ-Lɔ́mɑ 3:2

Pii kɛ́ ḿbɔ́ ɡú tɛꞋ, mɛshʉ́ mɛshʉ́ nǔu nɛpɔ́ ŋu-Pɑyúdɑ. Nduŋmbi pɔ́ pɑ́Ꞌ Sɛ́ kɑ ɡɑ́nɛ sẅiŋɛ yɛ́ pɔ mbɔ̌ pɑyúdɑ.

Pʉɔ-Lɔ́mɑ 3:23

mbíꞋŋɡɔ pɔ́p pɛtsʉʉ kɑ zɛɛ ŋ́ɡɛ mɛnu kɛpɔŋ tɛ sɑ́ɑ nɛɡúꞋ ẅi ɛ́ nɛjɔ́ŋ Sɛ́.

Pʉɔ-Lɔ́mɑ 3:4

Ŋɡɑ́ŋ, ḿbɔ́ ɑ pɔɔ pɔ́Ꞌɔ ɡɛ. Tɛ mbɑ pɑ́Ꞌ pʉɔmɛsɔŋ tsʉʉ pɔ́ pɔ ɡɑŋcɔtnu, jʉ́ Sɛ́ lɔɔ ŋ́kɛ́ ńcú nu ḿbɛn ŋ́kúpmɛ pɔ́. Ɛ́ ndʉ́ŋndʉŋ pɑ́Ꞌ pɛ́ kɑ ŋwɑꞋnɛ́nɛ tsɛt ŋwɑꞋnɛ Sɛ́ ŋɡɔ: «Gu Sɛ́ pɔ́ tɛ ńcú nu pɛ́ ɡẅɛɛ nɛjí ŋɡɔ sẅiŋɛ yú ndʉ́ŋndʉŋ, ḿbɔ́ yi ŋu lɑɑ ŋ́ŋɑk wú ɑ pɔɔ wú jʉ́.»

Pʉɔ-Lɔ́mɑ 3:9

Tɛ ɛ́ pɑ́Ꞌnɛ ḿbɔ́ pɛkŋɛ cú ŋɡɔ kʉ̈ɔ́? Ŋɡɔ ɛ́ mbi Sɛ́ pɛk pɑyúdɑ lɛɛ pʉɔ pi pɔ́p kɑ́ pɔ́ pɑyúdɑ pɔ́ kíi? Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́. Mɔ ńdɑ́Ꞌmɔ́ ńdɛꞋlɛ pɑ́Ꞌ nu kɛpɔŋ ńjʉ́ mɔ́ pɑyúdɑ mbɑ pʉɔ pi pɔ́p kɑ́ pɔ́ pɑyúdɑ pɔ́.

1 Kɔlɛ̂ŋtɛ 1:29

Ɛ́ lɛɛ pɔ́Ꞌɔ, wɛcɔ́ ŋumɛsɔŋ pɔɔ ŋɑ́Ꞌlɛ mbi Sɛ́ pɔ́.

Ŋɡɑlɑ̂t 3:10

Sɛ́ zɛɛ ńníꞋ pɔ ndɔɔ tú-pʉɔ pi pɔ́p lɔknɛ nɛcú ŋɡɔ pɔ́p ɡẅɛɛnɛ nɛpʉ́ʉ ńdɔk ŋ́ɡɛ yɔ́p mbɑ kʉ̈ɔ́lɑ́, mbíꞋŋɡɔ ŋwɑꞋnɛ-Sɛ́ cú ŋɡɔ: Ŋu lɑɑ mbɔɔ kúꞋlɛ nɛpʉ́ʉ pɔ tsʉʉ pɔ́, ḿbɔ́ ŋɡɔŋ ŋkɑ́ tsʉʉ ḿbɔɔ ŋ́ɡɛ pɔ yúu mi ɛ́ tsɛt ŋwɑꞋnɛ-nɛpʉ́ʉ pɔ́, mbɔ ŋɡɑŋ tíi ndɔɔ.

Ŋɡɑlɑ̂t 4:21

Pʉʉ pi pʉʉ sɛ́ ŋ́kɔŋ ŋɡɔ nɛpʉ́ʉ ɛ́sɑ́Ꞌ wʉ́ʉ, pʉʉ ɛ́sẅíi wɑ́ɑ: Pʉʉ kɑ́ pɔ́ ńzúꞋ yúu mi nɛpʉ́ʉ ɛ̂nɑ́ cúnɛ pɔ́ kíi?

Ŋɡɑlɑ̂t 4:5

A kɑ tɔ́ pɔ́Ꞌɔ, nɛcú pʉɔ pi nɛpʉ́ʉ Mɔ̌sɛ̂ɛ kɑ pɔ́ ńdɔk wɔ́p ŋ́ɡɛ pɛkwɑɑ, mbɑ pɑ́Ꞌ ɑ ɡʉ ŋ́ɡɛ pɛkŋɛ pɛtsʉʉ tsʉ́Ꞌ pɔ́ɔ-Sɛ́.

Ŋɡɑlɑ̂t 5:18

Lɑ́ pʉʉ lɑɑ ḿbɛ́m Zẅikŋɛ Lɛ́ɛnɛ́nɛ pɔ́ ńtsiinɛ wʉ́ʉ, mbɔ nɛpʉ́ʉ kɛ́ pɛn ŋ́ɡẅɛɛ nɛsɑ́Ꞌ wʉ́ʉ pɔ́.