Pʉɔ-Lɔ́mɑ 2:8 - Kɑɑ Fí

⁸ Lɑ́ ŋ́kɛ́ ŋ́ɡʉ nǔu pʉɔ pi pɔ́p tʉʉ tú mbɔ̌ Sɛ́, ńdʉꞋ nu yi ɛ́ nɛ́nẅín, ńnɛn pɔ nǔu sɛ̂ndúŋ ẅi Sɛ́ kɑ́ pɔ́ ŋ́kɔŋ pɔ́, pɔ́p jʉ́ɔ pɑ́Ꞌ Sɛ́ zɑ́ŋnɛ lɔ́ŋ nǔu pɔ́p, mbɑ pɑ́Ꞌ nu yɔ́p pʉ́knɛ Sɛ́.

Pʉɔ-Lɔ́mɑ 2:8 Marejeleo ya Msalaba

Pʉɔ-Lɔ́mɑ 1:18

Sɛ́ zɛɛ ḿbɔ́ tʉ́nɛ́pú ḿbɔ́ ńnyɛt ŋɡɔ ɑ sɛ́ ńzɑ́ŋ lɔ́ŋ, mbíꞋŋɡɔ pʉɔmɛsɔŋ muŋɛ wɛ́, ńnɑ́ŋ ŋ́ɡɛ mɛnu kɛpɔŋ. Pɔ́p sɛ́ ńdɔk ŋɡɛnɛ mɛnu kɛpɔŋ mɔ́p ɛ́fɛ́mɛ nu nɛ́nẅín nɛfɑꞋ fɑꞋ. Sɛ́ sɛ́ ńníꞋ ndɔɔ tú pɔ́p,

Pʉɔ-Lɔ́mɑ 10:16

Lɑ́ pʉɔ pɛtsʉʉ ŋkɑɑ zúꞋ Ŋkʉʉ Sʉ́Ꞌnɛ ḿbɛ́m pɔ́. Ŋɡɛ́mndʉ̈ɔ́Ꞌ-Sɛ́ Ɛsɑ̌yɑ kɑ zɛɛ ńcú ŋɡɔ: «Tsɑpʉɔ, pɛk kɑ cú nu yú wɔ̌ kɛ́ ḿbɛ́m»?

Pʉɔ-Lɔ́mɑ 15:18

MbíꞋŋɡɔ n dɑɑ ńcú kʉ̈ɔ́ lɑ́ yi ŋ kɑ ɡɛnɛ nǔu fɑꞋ-Sɛ́, mbɔ ɛ́ pɔ́ pɔ yi Kɛlístɔ kɑ lɔknɛ wɑ́ɑ ŋ́ɡɛ. Pɔ́Ꞌɔ, nɛɡɛ pʉɔ pi pɔ́p kɑ́ pɔ́ pɑyúdɑ pɔ́ zúꞋ ntsu-Sɛ́, ɛ́ lɛɛ nǔu sẅiŋɛ yi n cúnɛ mbɑ nǔu mɛfɑꞋ mi ɛ fɑꞋnɛ,

Pʉɔ-Lɔ́mɑ 6:17

Pɛkŋɛ kɛ́ ŋ́ɡɑ́ pɑ́Ꞌlɑ́ mbɔ̌ Sɛ́, mbíꞋŋɡɔ pʉʉ kɑ pɔ́ yɛcɔ́ ŋkɑ́ ḿbɔ́ ŋkwɑɑ-nu kɛpɔŋ, pʉʉ ŋkɔ̂ɔnɛ, mbɔ pʉʉ lɔk tʉ́m yʉ́ʉ tsʉʉ, ḿbɛ́m yúu mi pɛ́ kɑ zíꞋnɛ wʉ́ʉ. Ɛ́ pɔ́ yi ɛ́ sɛ́ ḿbíkŋɛ ŋɡɔ pʉʉ piitɛ ńjí,

Pʉɔ-Lɔ́mɑ 9:22

Ɛ́ ndʉ́ŋndʉŋ pɑ́Ꞌ Sɛ́ ŋ́ɡɛ nǔu pʉɔmɛsɔŋ. A kɑ kɔŋ nɛnyɛt ŋɡɔ lɔ́ŋ wɛ sɛ́ ńzɑ́ŋ nǔu mɛnu mi pʉɔmɛsɔŋ ɡɛnɛ, pɛ́ fú nǔu ńjʉ́ɔ pɑ́Ꞌ ɑ tɛnnɛ pɔ́Ꞌɔ. Lɑ́, mbɔ ɑ kɑ ɡʉ nǔu pʉɔ pi, ɑ kɑ pɔ́ ŋ́ɡʉ ńzɑ́ŋ lɔ́ŋ nǔu pɔ́p, ŋ́kɛ́ ɛ́sʉk sʉknɛ ńzẅíꞋlɛ. Mbɔ ɛ́ kɑ ɡɔ́ ḿbɔ́, ḿbɔ́ pɔ́p kuꞋ pɑ́Ꞌ ɑ ɡʉ ḿbík wɔ́p píknɛ.

1 Kɔlɛ̂ŋtɛ 11:16

Ŋu lɑɑ ŋ́kɛ́ ńjʉ́ɔ ŋɡɔ ɑ ɡʉ ńzɔŋ nu ŋ́ɡɑ́ nǔu yɔ nu, mbɔ pɛk kɑ́ ɡẅɛɛ mɑt wɛ ndɛꞋ pɔ́. MɛcúꞋlɛ-pʉɔ-Sɛ́ kɛ́ mbɔɔ ɡẅɛɛ mɑt wɛ ndɛꞋ pɔ́.

2 Kɔlɛ̂ŋtɛ 12:20

N zɛɛ ḿbɔ́ ḿbɔ́k pɑꞋ m bɔ́ ŋɡɔ ńtɔ́ lɑ́Ꞌ pʉʉ, ńjʉ́ɔ pʉʉ pɔɔ pɔ́ nǔu ntɛ́ yi mɔ sɛ́ ŋ́kɔŋ pɔ́. Mɔ yɑ́ɑ ɡúu mbɔɔ pɔ́ nǔu ntɛ́ yi pʉʉ sɛ́ ŋ́kɔŋ pɔ́. Mɔ sɛ́ ḿbɔ́k ŋɡɔ mbɔ ŋ ɡɔ́ ńtɔ́ mɛntsu mɛntsu pɔ́ tsɛtsɛt pʉʉ, kɛ́ɡʉ̈ɔꞋ pɔ́ zúꞋu, cʉ́ɔk pɔ́ zúꞋu, nɛzɔŋ zʉꞋ pɔ́ zúꞋu, nɛkẅíi ŋu kɛpɔŋ pɔ́ zúꞋu, sẅíitɛ pɔ́ zúꞋu, ŋɑ́Ꞌlɛ mbʉʉ pɔ́ zúꞋu, ntɑ́kŋɛ pɔ́ zúꞋu.

Ŋɡɑlɑ̂t 5:20

Pɑ́Ꞌ nɛɡúꞋlɛ yúu ŋɡɔ ɛ́ mɛsɛ́, pɑ́Ꞌ nɛɡẅɛɛ nɛkɑŋ, pɑ́Ꞌ nɛji mbuu, pɑ́Ꞌ nɛtɑ́k mɛfɛꞋ, pɑ́Ꞌ nɛɡẅɛɛ kɛ́ɡʉ̈ɔꞋ, pɑ́Ꞌ nɛcʉ̈ɔ́k, pɑ́Ꞌ nɛlɔɔ pɔ nɛtʉ́ʉ mbi nǔu mbɑ kʉ̈ɔ́ lɑ́, pɑ́Ꞌ nɛnɑ́ŋ pɔ fyɑkŋɛ fyɑkŋɛ́nɛ, pɑ́Ꞌ nɛɡɛ tɔŋ.

Filipɛ 1:17

Lɑ́ pʉɔ pi pɔ́p sẅíinɛ nu-Kɛlístɔ pɔ nɛlɔk ńdʉŋtɛ ntí, kwɑŋɛ yɔ́p kɑ́ pɔŋ, kwɑŋɛ yɔ́p pɔ nɛlɔk ŋ́kẅiꞋ mɛnu nǔu ŋɡʉ̈ɔ́Ꞌ yi mɔ sɛ́ ńjʉ́ɔ ndɑ́tsɑ́ŋ lɑɑ.

Filipɛ 2:3

Kɔɔ pʉʉ ɡɛ yɛcɔ́ yúu mi ɛ́ pɔ́ nɛlɔk ɛ́sɑ́Ꞌ ndʉꞋ, kɛ pɔ́ nɛlɔk ŋ́ɡúꞋ níinɛ ɔɔ. Pʉʉ kɔk pɔ mbʉʉ yʉʉ ŋ́ɡɑ́ sɛ́, ńdíŋɛ pɛcɔ́ pʉɔ pɔ pɑ́Ꞌ ŋkɑ́ yi pɔ́p lɛɛ wʉ́ʉ lɑ́.

2 Tɛsɑlɔník 1:8

A ɡʉ ńdɑ́Ꞌ ŋ́ɡɔ ńtɔ́ pɛkŋɛ jʉ́ɔ múk tʉ̈ɔ́Ꞌlɛ wɛ́ ńníꞋ sɔŋ, ɑ ɡɛ pʉɔ pi pɔ́p kɑ jí Sɛ́ pɔ́ ḿbɛn ńdʉꞋ Ŋkʉʉ Sʉ́ꞌnɛ wɛ́ jʉ́ɔ ŋɡʉ̈ɔ́Ꞌ.

Tîtɛ 3:9

Lɑ́ pɑ́ɑ nɛzɔŋ mɛnu kɛ́ tú, ḿbɑ́ɑ mɛnu nǔu mɛlík-pɛmɑ̂ŋɡɑpnjẅɛt, ḿbɑ́ɑ nɛzɔŋ nu ńdɔk ɛ́shɔt shʉ́-nɛpʉ́ʉ-Mɔ̌sɛ̂ɛ, ɛ́ mɛnu kɛ́ tú mi mbɔ ɛ́ pɔɔ cẅɛ́lɛ́.

Ɛ́bɛlʉʉ 10:27

Pɛkŋɛ tsʉ́Ꞌ ŋ́ɡẅɛɛ pɔ nɛɡɔ́ ńzẅíꞋlɛ yúu mi ɛ́ sɛ́ ńtɔ́, ḿbɛn ḿbɔ́ ŋ́ɡwɛt, yîyɑ́ yúu pɔ́ ŋɡɔ pɛ́ ɡʉ ŋ́ɡɛ ŋ́ŋɑk pʉɔmɛsɔŋ mbɑ ŋɡɔ, ŋkʉꞋnɛ pɛmúk ɡʉ ŋ́ɡɛ ńtɔɔ pɑtʉʉtú mbɔ̌ Sɛ́.

Ɛ́bɛlʉʉ 11:8

Ɛ́ kɑ fú pɔ nǔu pɑ́Ꞌ Ábɛlɛhɑ̂m kɑ zɑ́pnɛ tʉ́m yɛ́ nǔu Sɛ́, lɑ Sɛ́ fúŋ wɛ́ ɑ zúꞋ ntsu wɛ́, ŋ́ɡʉ nɛ́ tsɛt wɛcɔ́ ŋɡɔŋ ẅí ɛ́ kɑ pɔ́ ŋ́ɡʉ ŋ́ɡɛ tsʉ́Ꞌ ḿbɔ́ pɔ wɛ́, ńdɔ sɛ́ ŋ́ɡʉ kɛ́ jí zʉꞋ yi ɑ ɡʉnɛ tɛ ŋ́kúu zúꞋu.

Ɛ́bɛlʉʉ 5:9

ḿbɛn ńzúꞋ tɛ ŋ́kuꞋ ŋu ẅí ḿbɔ́ ɑ ɡɛ pʉɔ pi pɔ́p zúꞋnɛ ntsu wɛ́ tɛmtɛ ńduk ndɑꞋ ndɑꞋ.

Jɑ̂k 3:14

Lɑ́ ŋ́kɛ́ ḿbɔ́ yi pʉʉ lɑɑ ŋ́ɡẅɛɛ kɛ́ ɡʉ̈ɔꞋ ẅi ɛ́ kɑ ɡɑ́Ꞌ mɔ́ mbɑ nyɛt mbʉʉ tsɛt tʉ́m pʉʉ, kɔɔ pʉʉ pɛn ŋ́ŋɑ́Ꞌlɛ ŋɡɔ pʉʉ pɑjínu, kɔɔ pʉʉ lɔk cɔtnu, ḿbík nu nɛ́nẅín.

Jɑ̂k 3:16

Nyɛt mbʉʉ mbɑ kɛ́ɡʉ̈ɔꞋ piitɛ tɛ ḿbɔ́ nǔu zʉꞋ, tɑ́kŋɛ mbɑ mɛfɑꞋ kɛpɔŋ mɛntɛ́ mɛntɛ́ pɔ́ zúꞋu.

1 Pyɛ̂ 3:1

Mbɑ pʉʉ yʉ́ʉ pɑŋɡɛ́, pʉʉ kɔk mbʉʉ yʉʉ ŋ́ɡɑ́ sɛ́ mbi pɛlúu pʉ́ʉ, ɛ́ lɛɛ pɔ́Ꞌɔ, ḿbɔ́ yi pɛcɔ́ pʉɔ tsɛtsɛt pɔ́p sɛ́ ńdʉꞋ nɛzɑ́p tʉ́m nǔu sẅiŋɛ-sɛ́, pɔ́p cʉ́ɔ nzʉʉ pʉʉ kɛ́ pɔ́ yi pʉʉ cú nu, ɛ́fú nǔu mɑt wʉʉ.

1 Pyɛ̂ 4:17

Ŋkɑ́ pɑ́Ꞌɑ, mbɔ ɛ́ kuꞋ pɑ́Ꞌ Sɛ́ ɡʉ ńzɑ́Ꞌ ntsɑŋ-pʉɔmɛsɔŋ, ɑ ɡʉ ńzɛ pɔ nǔu pʉɔ pɛ́. A lɑɑ ńzɛ nǔu pɛkŋɛ, mbɔ ɛ́ ɡʉ ńtsʉ́Ꞌ nɛlẅiklɛ ɛ́ pɔ́ ŋɡɔ́ku nǔu pʉɔ pi pɔ́p kɑ́ kɔŋ nɛpɛ́m Ŋkʉʉ Sʉ́Ꞌnɛ-Sɛ́ pɔ́ ɔɔ?

Mɛnu ɛ́ ńdɑ́Ꞌ ńcẅɛt 14:10

ŋɡɑŋ jí ŋɡɔ mbɑ jʉ́ ɡʉ ŋ́ɡɛ ńnɔ́ mɛluꞋ-zɑ́ŋlɔ́ŋ-Sɛ́, mi Sɛ́ ɡʉ ŋ́ɡɛ ńníꞋ tsɛt ntúꞋ-zɑ́ŋlɔ́ŋ yɛ́, tɛ mbɔɔ síi ŋ́ɡwɑtɛ pɔ́. Ŋɡɑŋ pɑ́ɑtɛ ŋ́kúu ŋɡʉ̈ɔ́Ꞌ tsɛt múk-mɛkɑɑ, mbi pɛcʉ̈ɔ́Ꞌ-Sɛ́ pɛ lɛ́ɛnɛ́nɛ mbɑ mbi Mɔ́ɔ-Njinjɔ.»

Mɛnu ɛ́ ńdɑ́Ꞌ ńcẅɛt 16:19

Mɑ́mɑ́ tʉ́sɔŋ ɛ̂wɑ́ sɑ́ɑnɛ nji yɛ́tɑ́t. Mɛtʉ́sɔŋ mi ɛ́ ŋɡɔŋ nɛ́ ŋɡɔŋ kɛ́mɛ. Sɛ́ ɡɔ́ɔ ŋ́kɛ́ ŋ́kẅíitɛ mɑ́mɑ́ tʉ́sɔŋ-Mbɑbilɔ̂nɛ, ŋ́ɡɛ ɑ ńnɔ́ ntúꞋ-mɛluꞋ zɑ́ŋlɔ́ŋ yɛ́ yi ɛ́ ɡɑ́Ꞌ mɔ́ tɛꞋ.