Pʉɔ-Lɔ́mɑ 2:26 - Kɑɑ Fí

²⁶ ḿbɛn ḿbɔ́ yi pʉɔ pi pɛ́ ŋ́kɑɑ wɔ́p púꞋ, nɛn nǔu pɑ́Ꞌ nɛpʉ́ʉ píkŋɛ́nɛ, mbɔ Sɛ́ kɛ́ tsʉ́Ꞌ ńdíŋɛ wɔ́p ẅi pɛ́ ŋkɑɑ wɔ́p púꞋ pɔ pɑ́Ꞌ pʉɔ pi pɛ́ púꞋnɛ wɔ́p pɔ́ kɛ?

Pʉɔ-Lɔ́mɑ 2:26 Marejeleo ya Msalaba

Mɑtʉ̈ɔ 15:28

Yɛ́su ɡɔ́ɔ ŋ́kɛ́ ńtsɔ́Ꞌ ŋɡɔ: «Mɑ́ɑmɑɑ! Ɔ zɑ́p tʉ́m nǔu mɔ tɛꞋ. Ɛ́ pɔŋ ŋɡɔ yúu mi ɔ sɛ́ ńtsɑ́ɑ puutɛ!» Yɛ́su cú pɔ́Ꞌɔ, mɔ́ɔ-mɑŋɡɛ́ wɑ́ ɡɔ́ɔ ɛ́fíitɛ pɔ kwɑꞋ ŋkɑ́ ɛ̂yɑ́.

Pʉɔ-Lɔ́mɑ 2:25

Ɛ́ nɛ́nẅín ŋɡɔ ɔ lɑɑ ńnɛn nǔu pɑ́Ꞌ nɛpʉ́ʉ sɛ́ ḿbíkŋɛ, mbɑ nɛpɔ́ ẅí pɛ́ kɑ púꞋnɛ wú pɑ́Ꞌ ɔ ɡʉ ḿbɔ́ ŋu-Sɛ́ ɑ ɡɛ cẅɛ́lɛ́. Lɑ́ ŋ́kɛ́ mbɔɔ nɛn nǔu pɑ́Ꞌ nɛpʉ́ʉ sɛ́ ḿbíkŋɛ pɔ́, mbɔ pɛ́ kɑ zɛɛ ḿbúꞋ mbɑ wú lɑ́, ɔ ɡʉ ńtsʉ́Ꞌ ḿbɔ́ ŋu ẅi pɛ́ ŋkɑɑ wɛ́ púꞋ pɔ́,

Pʉɔ-Lɔ́mɑ 2:27

Pʉɔ pi pɛ́ kɑ pínɛ wɔ́p mbɔɔ wɔ́p púꞋ, pɔ́p pɛn ḿbɔ́ ŋ́ɡɛ yúu mi nɛpʉ́ʉ-Mɔ̌sɛ̂ɛ sɛ́ ḿbíkŋɛ, pɔ́p ɡʉ́ ńdɑ́Ꞌ tɔ́ mɛlɔ́Ꞌ mʉ́ʉ, pʉʉ pi pʉʉ fɑɑnɛ mîmɑ́ mbʉ́ʉ, lɑ́ mbɔ pɛ́ kɑ ŋwɑꞋnɛ ŋ́ɡɑ́ mbɔ̌ pʉʉ, pʉʉ pɛn ḿbɔ́ pʉɔ pi pɛ́ kɑ púꞋnɛ wɔ́p.

Pʉɔ-Lɔ́mɑ 3:30

MbíꞋŋɡɔ Sɛ́ pɔ́ pɔ wɛ́mɔ́Ꞌ. A líŋɛ pɑyúdɑ pi pɔ́p zɑ́pnɛ tʉ́m nǔu Yɛ́su, pɔ́p tsʉ́Ꞌ ḿbɔ́ mbi yɛ́ ḿbɔ́ pɔ ndʉ́ŋndʉŋ, jʉ́ pɛnnɛ ńdíŋɛ pʉɔ pinɛ pɔ́p kɑ́ pɔ́ pɑyúdɑ pɔ́, lɑ́ mbɔ pɔ́p zɑ́p tʉ́m nǔu Yɛ́su, pɔ́p tsʉ́Ꞌ ḿbɔ́ mbi yɛ́ ḿbɔ́ pɔ ndʉ́ŋndʉŋ.

Pʉɔ-Lɔ́mɑ 8:4

A kɑ ɡɛ pɔ́Ꞌɔ, nɛpɔ́ yi pɛkŋɛ ɡʉ ŋ́kuꞋ nɛnɑ́ŋ nǔu ntɛ́ yi nɛpʉ́ʉ sɛ́ ḿbíkŋɛ, n dɑꞋ pɛkŋɛ pi pɛkŋɛ kɑ́ pɛ́t ńnɛn pɑ́Ꞌ mbʉʉ yɛkŋɛ tsʉ́ʉnɛ wɛkŋɛ pɔ́, pɛkŋɛ tsʉ́Ꞌ ńnɛn pɔ pɑ́Ꞌ Zẅikŋɛ Lɛ́ɛnɛ́nɛ sɛ́ ɛ́sẅíi wɛkŋɛ.

Ŋɡɑlɑ̂t 6:15

Ɛ́ mbɔ̌ Sɛ́ nɛpúꞋ ŋu, kɛ nɛnɑ́ ŋɡɑŋ kɛ́ púꞋ ɔɔ, pɔɔ cẅɛ́lɛ́. Nu yi ɛ́ cẅɛ́lɛ́nɛ pɔ́ pɔ pɑ́Ꞌ ŋu shɔtnɛ ńtsʉ́Ꞌ ŋu fí.

Ɛ́fɛ̂zɛ 2:11

Pɔ́Ꞌɔ lɑ́, pʉʉ kẅíitɛ pɑ́Ꞌ pʉʉ kɑ zɛɛ ḿbɔ́, pɛ́ kɑ pí wʉ́ʉ pʉʉ pɔɔ pɑyúdɑ pi pɛ́ púꞋnɛ wɔ́p pɔ́, Pɑyúdɑ pi pɛ́ púꞋnɛ wɔ́p, lɔk pɔ́Ꞌɔ, ńjʉ́ɔ ŋɡɔ pɔ́p pʉɔ-Sɛ́ ńtsʉ́Ꞌ ŋ́kʉ́ʉnɛ wʉ́ʉ kʉʉnɛ́nɛ ŋɡɔ pʉʉ kɑ́ pɔ́ pʉɔ-Sɛ́ pɔ́, ńcú pɔ́Ꞌɔ, lɑ́ nɛpúꞋ wɔ́p ɛ̂wɑ́ pɔ́ pɔ lii yi pɛ́ kɑ lɔk pɔ mbɔ́ ŋ́ɡɛ nǔu mbʉʉ yɔp.

Filipɛ 3:3

Pɛkŋɛ pɔ́nɛ pʉɔ pi pɛ́ kɑ tsuŋnɛ ḿbúꞋ wɔ́p. Zẅikŋɛ ɡɛnɛ pɛkŋɛ ɡúꞋlɛ Sɛ́. Pɛkŋɛ lɔk pɔ Yɛ́su Kɛlístɔ ńtsɑ́ɑtɛ, kɔɔ pɛkŋɛ zɑ́p tʉ́m pɔ nǔu yúu mi pɛkŋɛ ɡɛnɛ.

Kɔlɔsíyɛ̂ŋ 2:11

Pʉʉ pɛ Kɛlístɔ kɑ pɔ́ tɛ ńtɛmtɛ, Sɛ́ ɡɛ lii nǔu pʉʉ. Ɛ́ pɔ́ yi ɛ́ nyɛtnɛ ŋɡɔ pʉʉ pʉɔ pɛ́. A kɑ pɔ́ yɛcɔ́ ŋkɑ́ ńcú mbɔ̌ pɑyúdɑ ŋɡɔ pɔ́p ɡɛ pɛ́ púꞋ wɔ́p, ɛ́ pɔ́ lii, lɑ́ ɛ́ kɛ́ ŋ́ɡʉ nǔu pʉʉ, mbɔ lii yi ɑ ɡɛnɛ nǔu pʉʉ, ɛ́ kɑ́ pɔ́ ɛ́fú mbɔ̌ pʉɔmɛsɔŋ pɔ́, ɛ́ fú pɔ mbɔ̌ Kɛlístɔ. Ńdɔk ńcẅɛɛtɛ nu kɛpɔŋ yi ɛ́ ḿbɔ́nɛ mbʉʉ pʉʉ.