Pʉɔ-Lɔ́mɑ 2:25 - Kɑɑ Fí

²⁵ Ɛ́ nɛ́nẅín ŋɡɔ ɔ lɑɑ ńnɛn nǔu pɑ́Ꞌ nɛpʉ́ʉ sɛ́ ḿbíkŋɛ, mbɑ nɛpɔ́ ẅí pɛ́ kɑ púꞋnɛ wú pɑ́Ꞌ ɔ ɡʉ ḿbɔ́ ŋu-Sɛ́ ɑ ɡɛ cẅɛ́lɛ́. Lɑ́ ŋ́kɛ́ mbɔɔ nɛn nǔu pɑ́Ꞌ nɛpʉ́ʉ sɛ́ ḿbíkŋɛ pɔ́, mbɔ pɛ́ kɑ zɛɛ ḿbúꞋ mbɑ wú lɑ́, ɔ ɡʉ ńtsʉ́Ꞌ ḿbɔ́ ŋu ẅi pɛ́ ŋkɑɑ wɛ́ púꞋ pɔ́,

Pʉɔ-Lɔ́mɑ 2:25 Marejeleo ya Msalaba

ŊwɑꞋnɛ-Gɑŋntúu Yɛ́su Kɛlístɔ 7:51

Ɛtiyɛ̂n kɑ pɛ́ɛtɛ tɛ ɛ́ kuꞋ, ɑ cú mbɔ̌ pɑsɑ́Ꞌlɑ́Ꞌ ŋɡɔ: «Pʉʉ tʉʉ tú tɛꞋ. Tʉ́m yʉ́ʉ pɔ́p kwɑŋɛ nu yʉ́ʉ pɔ́ pɔ wɛ pʉɔ pi pɔ́p kɑ́ jí Sɛ́ pɔ́. Pʉʉ pɛn mɔ́ ńdʉꞋ nu yí Zẅikŋɛ-Sɛ́ cúnɛ, ńdɔk ŋ́ɡɛ pɔ pɑ́Ꞌ pɛmɑ́ŋɡɑpnjẅɛt pʉ́ʉ.

Pʉɔ-Lɔ́mɑ 2:13

MbíꞋŋɡɔ ŋu zɛɛ mbɔɔ zúꞋ nɛpʉ́ʉ-Sɛ́ zúꞋnɛ ndɑꞋ ńtsʉ́Ꞌ ŋu ẅi ɑ mbi Sɛ́ ḿbɔ́ ndʉ́ŋndʉŋ pɔ́. Ŋu zúꞋ ḿbɛn ŋ́ɡɛ pɑ́Ꞌ ɛ́ píkŋɛ́nɛ lɑ ńtsʉ́Ꞌ kwɑꞋ wɛ́tɛ́.

Pʉɔ-Lɔ́mɑ 2:23

Gu ẅi ɔ sɛ́ ŋ́ŋɑ́Ꞌtɛ tɛꞋ ŋɡɔ ɔ jí nɛpʉ́ʉ-Sɛ́, ḿbɛn ɛ́fɑɑnɛ nɛpʉ́ʉ ɛ̂nɑ́, ɔ lɔk pɔ́Ꞌɔ, ńzɔɔtɛ Sɛ́.

Pʉɔ-Lɔ́mɑ 2:26

ḿbɛn ḿbɔ́ yi pʉɔ pi pɛ́ ŋ́kɑɑ wɔ́p púꞋ, nɛn nǔu pɑ́Ꞌ nɛpʉ́ʉ píkŋɛ́nɛ, mbɔ Sɛ́ kɛ́ tsʉ́Ꞌ ńdíŋɛ wɔ́p ẅi pɛ́ ŋkɑɑ wɔ́p púꞋ pɔ pɑ́Ꞌ pʉɔ pi pɛ́ púꞋnɛ wɔ́p pɔ́ kɛ?

Pʉɔ-Lɔ́mɑ 2:27

Pʉɔ pi pɛ́ kɑ pínɛ wɔ́p mbɔɔ wɔ́p púꞋ, pɔ́p pɛn ḿbɔ́ ŋ́ɡɛ yúu mi nɛpʉ́ʉ-Mɔ̌sɛ̂ɛ sɛ́ ḿbíkŋɛ, pɔ́p ɡʉ́ ńdɑ́Ꞌ tɔ́ mɛlɔ́Ꞌ mʉ́ʉ, pʉʉ pi pʉʉ fɑɑnɛ mîmɑ́ mbʉ́ʉ, lɑ́ mbɔ pɛ́ kɑ ŋwɑꞋnɛ ŋ́ɡɑ́ mbɔ̌ pʉʉ, pʉʉ pɛn ḿbɔ́ pʉɔ pi pɛ́ kɑ púꞋnɛ wɔ́p.

Pʉɔ-Lɔ́mɑ 2:28

Pɛ́ zɛɛ mbɔɔ pɔ́ ńjí kwɑꞋ ŋu-pɑyúdɑ, ŋu-Sɛ́, ńdɔk pɔ yúu mi pɛ́ sɛ́ ńjʉ́ɔ nǔu wɛ́ nzɛmpíi pɔ́, nɛjí ŋu ẅí pɛ́ kɑ púꞋnɛ wɛ́ ɛ́ kɑ́ pɔ́ pɔ ndɑꞋ nɛjʉ́ɔ pɑ́Ꞌ pɛ́ kɑ zɑ́Ꞌnɛ zʉꞋ-mbʉʉ yɛ́ pɔ́.

1 Kɔlɛ̂ŋtɛ 7:19

Nɛpɔ́ yi pɛ́ kɑ púꞋ ŋu kɛ pɛ́ ŋkɑɑ wɛ́ púꞋ pɔ́ kɑ́ pɔ́ yɛcɔ́ nu mbi Sɛ́ pɔ́. NɛkúꞋlɛ nɛpʉ́ʉ-Sɛ́ pɔ́nɛ nu.

Ŋɡɑlɑ̂t 6:13

Pʉɔ pi pɔ́p fyɛ́tnɛ wʉ́ʉ pɔ́Ꞌɔ, kwɑꞋ pɔ́p yɔ́p zɛɛ mbɔɔ ŋ́kúꞋlɛ nɛpʉ́ʉ-pɑyúdɑ tsʉʉ pɔ́. Lɑ́ ŋ́kɛ́ ḿbɔ́ ŋ́kɔŋ pɔ ŋɡɔ pɛ́ púꞋ wʉ́ʉ púꞋnɛ. Pɔ́Ꞌɔ pɔ́p lɔk pɑ́Ꞌ pɔ́p ɡɛ tɛ pɛ́ púꞋ wʉ́ʉ, ńdɔk ŋ́ŋɑ́Ꞌtɛ mbi pɑyúdɑ,

Ŋɡɑlɑ̂t 6:15

Ɛ́ mbɔ̌ Sɛ́ nɛpúꞋ ŋu, kɛ nɛnɑ́ ŋɡɑŋ kɛ́ púꞋ ɔɔ, pɔɔ cẅɛ́lɛ́. Nu yi ɛ́ cẅɛ́lɛ́nɛ pɔ́ pɔ pɑ́Ꞌ ŋu shɔtnɛ ńtsʉ́Ꞌ ŋu fí.